ସାବଧାନ୍ ! ପିଜା ବର୍ଗର ଖାଉଛନ୍ତି କି, ସେଥିରେ ମିଶୁଛି ଡିଟର୍ଜେଣ୍ଟ ପାଉଡର...

ୱାଶିଂଟନ୍: ପିଜା ବର୍ଗରରେ ମିଶୁଛି ସର୍ଫ ଗୁଣ୍ଡ । ଯଦି ଆପଣ ପିଜା-ବର୍ଗର୍ ଖାଇବାକୁ ପସନ୍ଦ କରନ୍ତି ତେବେ ଏହି ଖବର ଆପଣଙ୍କ ପାଇଁ ନିହାତି ଜରୁରୀ । ଏକ ନୂତନ ଅନୁସନ୍ଧାନରୁ ଜଣାପଡିଛି ଯେ, ମ୍ୟାକଡୋନାଲ୍ଡ, ବରଗଡ କିଙ୍ଗ, ଡୋମିନୋ କିମ୍ବା ପିଜା ହଟ୍‌ରେ ମିଳୁଥିବା ଜଙ୍କ ଫୁଡରେ ଡିଟରଜେଣ୍ଟରେ ବ୍ୟବହୃତ ରାସାୟନିକ ପଦାର୍ଥ ମିଶ୍ରିତ ହୋଇଥାଏ । ଯାହା ଲୋକଙ୍କର ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଇଥାଏ ।

ଜର୍ଜ ୱାଶିଂଟନ୍ ୟୁନିଭରସିଟି, ଦକ୍ଷିଣ-ପଶ୍ଚିମ ଅନୁସନ୍ଧାନ ପ୍ରତିଷ୍ଠାନ (ସାନ୍ ଆଣ୍ଟୋନିଓ, ଟେକ୍ସାସ୍), ବୋଷ୍ଟନ୍ ୟୁନିଭରସିଟି ଏବଂ ହାର୍ଭାର୍ଡ ବିଶ୍ୱବିଦ୍ୟାଳୟର ଅଧ୍ୟୟନରେ ଏହି ଖବରର ସତ୍ୟାସତ୍ୟ ପ୍ରକାଶ କରାଯାଇଛି । ଏହି ଅଧ୍ୟୟନ ଜର୍ଣ୍ଣାଲ ଅଫ୍ ଏକ୍ସପୋଜର ସାଇନ୍ସ ଏବଂ ଏନ୍‌ଭୋରମେଣ୍ଟ ଏପିଡେମୋଲୋଜିରେ (Journal of Exposure Science and Environmental Epidemiology)ପ୍ରକାଶିତ ହୋଇଛି ।

Also Read

ସମାଲୋଚନା କରିବା ସହ ମାନିଲେ ଦିଦି : ଆଗାମୀ ଭବିଷ୍ୟତରେ ଅଧିକ ପାୱାରଫୁଲ ହେବେ ମୋଦି

ଚିଚେନ୍ ଇଟ୍‌ଜା, ବିଶ୍ୱର ସପ୍ତାଶ୍ଚର୍ଯ୍ୟ ମଧରୁ ଗୋଟିଏ

ସୋସିଆଲ୍ ମିଡିଆର ପାରଦ ବଢେଇଲେ ନାଗୁଣୀ ନାୟିକା ମୋନୀ ରାୟ

ଉକ୍ତ ଅଧ୍ୟୟନରେ ଦର୍ଶାଯାଇଛି ଯେ, ମ୍ୟାକଡୋନାଲ୍ଡ, ବରଗଡ କିଙ୍ଗ, ପିଜା ହାଟ, ଡୋମିନୋ, ଟାକୋ ବେଲ ଏବଂ ଚିପୋଟଲ ସମେତ ପ୍ରମୁଖ କମ୍ପାନୀର ଫାଷ୍ଟଫୁଡ୍‌ରେ ପ୍ଲାଷ୍ଟିକକୁ ନରମ କରିବା ପାଇଁ ବ୍ୟବହୃତ ଏକ ରାସାୟନିକ ପଦାର୍ଥର ବ୍ୟବହାର କରାଯାଇଥାଏ । ଏହି ରାସାୟନିକ ମିଶ୍ରିତ ଖାଦ୍ୟ ମଣିଷ ଶରୀରରେ ଅନେକ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ଅନୁସନ୍ଧାନକାରୀମାନେ ଏହି କମ୍ପାନୀ ଗୁଡିକରୁ ହାମବର୍ଗ, ତରକାରୀ, ଚିକେନ୍ ନାଗେଟ୍, ଚିକେନ୍ ବୁରିଟେସ୍ ଓ ପନିର ପିଜା ପରି ୬୪ ଟି ଖାଦ୍ୟ ପଦାର୍ଥର ନମୁନାକୁ ପରୀକ୍ଷା କରିଥିଲେ । ଯେଉଁଥିରେ ସେମାନେ ଜାଣିବାକୁ ପାଇଲେ ଯେ ୮୦ ପ୍ରତିଶତରୁ ଅଧିକ ଖାଦ୍ୟ ପଦାର୍ଥରେ DnBP ନାମକ ଏକ ଫେଥାଲେଟ୍ (Phthalate) ଏବଂ ରେ ୭୦ ପ୍ରତିଶତ ଫେଥାଲେଟ୍ରେ DEHP ରହିଛି । ଉଭୟ ରାସାୟନିକ ପଦାର୍ଥ ସ୍ୱାସ୍ଥ୍ୟ ପାଇଁ ହାନୀକାରକ ଅଟେ ।

ଅନୁସନ୍ଧାନକାରୀଙ୍କ ଅନୁଯାୟୀ, ଫଥାଲେଟ୍ ହେଉଛି ଏକ ରାସାୟନିକ ପଦାର୍ଥ ଯାହାକି ବର୍ଷ ବର୍ଷ ଧରି ବିନାଇଲ୍ ଚଟାଣ, ଡିଟରଜେଣ୍ଟ, ଡିସପୋଜେବଲ୍ ଗ୍ଲୋଭସ୍, ତାର କଭର ଭଳି ଜିନିଷ ଉତ୍ପାଦନରେ ବ୍ୟବହୃତ କରାଯାଇଥାଏ । ଏହି ରାସାୟନିକ ପଦାର୍ଥ ପ୍ଲାଷ୍ଟିକକୁ ନରମ ଏବଂ ନମନୀୟ କରିବାରେ ସାହାଯ୍ୟ କରିଥାଏ । ଫଳରେ ଆବଶ୍ୟକ ଅନୁଯାୟୀ କୌଣସି ଜିନିଷକୁ ତିଆରି କରାଯାଇଥାଏ ।

ଏହି ରାସାୟନିକ ପଦାର୍ଥ ଦ୍ୱାପା ପିଲାମାନଙ୍କ ମସ୍ତିଷ୍କ ସହ ଜଡିତ ଗମ୍ଭୀର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ଏହା ବ୍ୟତୀତ, ମଣିଷର ପ୍ରଜନନ ପ୍ରଣାଳୀକୁ ମଧ୍ୟ ପ୍ରଭାବିତ କରିପାରେ । ଏହି ରାସାୟନିକ ପଦାର୍ଥ ଆମିଷ ଖାଦ୍ୟ ତଥା ଚିଜ୍‌ ବର୍ଗର ରାସାୟନିକ ପଦାର୍ଥର ମାତ୍ରା ଅଧିକ ଥିଲାବେଳେ ପନିର ପିଜ୍ଜା ସର୍ବନିମ୍ନ ସ୍ତର ଥିଲା ବୋଲି ଅନୁସନ୍ଧାନ ସମୟରେ ଜଣାପଡିଥିଲା । ଏନେଇ ଫୁଡ୍‌ ଆଣ୍ଡ ଡ୍ରଗ୍ସ ପକ୍ଷରୁ ଏକ ବିବୃତ୍ତି ଜାରି କରାଯାଇଛି । ଯେଉଁଥିରେ କୁହାଯାଇଛି ଯେ,ଖୁବ୍‌ ଶୀଘ୍ର ଏହି ଅଧ୍ୟୟନର ସମୀକ୍ଷା କରାଯିବ ।