କାହାର ହେବ ବ୍ରଜରାଜନଗର ? ମୈଦାନରେ ସୁରେଶ-ଅଳକା-କିଶୋର ଲଢେଇ । ରେଜଲ୍ଟ ରିପିଟ୍ କରିବେ କି ବିଜେଡିର ଅଳକା ? ବାଜି ପଲଟାଇବେ କି ବିଜେପି ହେଭିୱେଟ୍ ସୂରେଶ ପୂଜାରୀ ? ୧୦ ବର୍ଷ ପରେ ହାତ ଖାତାକୁ ଅସିବ କି ଆସନ ?
ନା ବିଜେଡି ନା ବିଜେପି, ପ୍ରାର୍ଥୀ ଘୋଷଣାକୁ ନେଇ ଉଭୟ ଦଳଙ୍କ ଅଙ୍କ ଛିଣ୍ଡୁନି । ତେଣେ ରାଜ୍ୟ ରାଜନୀତିର ଅନ୍ୟତମ ଚର୍ଚ୍ଚିତ ବିଧାନସଭା ଆସନ ବେଗୁନିଆ-ବୋଲଗଡ଼ ପାଇଁ ଆଗୁଆ ପ୍ରାର୍ଥୀ ଘୋଷଣା କରିଛି କଂଗ୍ରେସ ।
କଂଗ୍ରେସକୁ ଭେଟେରାନ୍ ଭରସା। ନିର୍ବାଚନରେ ବିଜେଡି ଓ ବିଜେପି ପ୍ରାର୍ଥୀଙ୍କୁ ମାତ୍ ଦେବାକୁ ଦଳ ଏଥର ପୁରୁଖା, ଅଭିଜ୍ଞ ଏବଂ ବରିଷ୍ଠଙ୍କୁ ଅଧିକ ଭରସା କରିଛି । ସେଥିପାଇଁ ଦଳ ଅନନ୍ତ ସେଠୀ, ଶ୍ରୀକାନ୍ତ ଜେନା, ନିରଞ୍ଜନ ପଟ୍ଟନାୟକ, ଭକ୍ତ ଦାସ ଏବଂ ଜୟଦେବ ଜେନାଙ୍କ ଭଳି ଅଭିଜ୍ଞ ତଥା ବରିଷ୍ଠ ନେତାଙ୍କୁ ଟିକେଟ୍ ଦେଇଛି ।
ସୁରଙ୍କୁ ମହଙ୍ଗା ପଡ଼ିଲା କି ପୁତ୍ରମୋହ ? କଂଗ୍ରେସରୁ ୬ ବର୍ଷ ପାଇଁ ବିଦା ହେଲେ ଜଟଣୀ ବିଧାୟକ ସୁରେଶ ରାଉତରାୟ । କଂଗ୍ରେସର ଭେଟେରାନ୍ ତଥା ୬ ଥରର ବିଧାୟକଙ୍କୁ ବିଶୃଙ୍ଖଳା ଓ ଦଳ ବିରୋଧୀ କାର୍ଯ୍ୟ ଅଭିଯୋଗରେ ୬ ବର୍ଷ ପାଇଁ ବହିଷ୍କାର କରିଛି ଏଆଇସିସି ।
ଇଏ ପୁରା କାଉଣ୍ଟର ଆଟାକ୍ । ମାଡାମ୍ ସିଧା କହିଲେ ’ଟିକେ ଅରିଜିନାଲ୍ ହୁଅ’ ।
ଅଷ୍ଟ ହନୁମାନଙ୍କ ଉପାସନାର ପୀଠ ସୁବର୍ଣ୍ଣପୁର । ସହରରେ କାହିଁ କେଉଁ କାଳରୁ ପାଇ ଆସୁଛନ୍ତି ଅଷ୍ଟ ହନୁମାନ । ସେଥିପାଇଁ ହନୁମାନ ଜୟନ୍ତୀରେ ସହର ହୋଇଉଠେ ଉତ୍ସବ ମୁଖର ।
ନ୍ୟାୟ ପାଇଁ ପୁଅ ଚାକିରି କରିଥିବା ସ୍କୁଲ ଆଗରେ ଠିଆ ହେଇଛି ମାଆ...କାରଣ ଯେଉଁ ଭରସା, ବିଶ୍ୱାସରେ ନିଜ ପୁଅକୁ ଛୋଟରୁ ବଡ଼ କରିଥିଲା । ସେ ପୁଅ ଆଜି ଚଞ୍ଚକତା କରି ବାପା ମାଆଙ୍କ ସମ୍ପତ୍ତିକୁ ନିଜ ନାଁରେ କରେଇ ନେଇଛି । ନିଜର ଅନ୍ୟ ଭାଇମାନେ ଥିଲେ ବି ସ୍ୱାର୍ଥପର ହୋଇପଡ଼ିଛି ବଡ଼ପୁଅ । ଏପରିକି ବାପା ରୋଗରେ ଶଯ୍ୟାରେ ପଡ଼ିଥିଲେ ବି ବିଚାର କରିନି ଶିକ୍ଷକ ପୁଅ ।
ଡିଵିରି ଓ ଲଣ୍ଠନ ଆଲୁଅରେ ଏବେ ବି କଟୁଛି ଦିନ । ସଞ୍ଜ ହେଲେ ପିଲାଏ ସେଇଠି ପାଠ ପଢ଼ୁଛନ୍ତି । ସେଇ ଅନ୍ଧାର ଝାପସା ଆଲୁଅରେ ଚାଲିଛି ସବୁ କାମ । ଆଉ ଖରା ଦିନ କଥା ନକହିଲେ ଭଲ । ଗରମ ହେଉଥିବାରୁ ବିଞ୍ଚଣା ଧରି ପିଲାଙ୍କୁ ବିଞ୍ଚି ଦେଉଛନ୍ତି ଘର ଲୋକେ । ବିଜୁଳି ସଂଯୋଗ ବିନା ଅଣ ନିଶ୍ୱାସୀ, ଦହଗଞ୍ଜ ହୋଇପଡ଼ିଛି ଜୀବନ ।
କୋଟିଏ ରୁଦ୍ରାକ୍ଷରେ ପ୍ରସ୍ତୁତ ହୋଇଛନ୍ତି ହନୁମାନ । ଏହାସହ ପୂଜା ପାଉଛି ନଅ ଶହ କୋଟି ନାମ ପତ୍ରିକା । ଦେଶର କୋଣ ଅନୁକୋଣରୁ ଆସିଛି ସାଧକଙ୍କ ଦ୍ଵାରା ଭିନ୍ନ ଭିନ୍ନ ଭାଷାରେ ଲିଖିତ ଏହି ରାମନାମ ପତ୍ରିକା । ଏ ହେଉଛି ଆସିକା ବାଣୀବିହାର ସ୍ଥିତ ଗୁରୁକୃପା ଆଶ୍ରମର ଦୃଶ୍ୟ । ଏଠି ନିଆରା ଢଙ୍ଗରେ ପାଳନ ହେଉଛି ହନୁମାନ ଜୟନ୍ତୀ ।
ଆଜି ବିଷୁବ ସଂକ୍ରାନ୍ତି ତଥା ଓଡ଼ିଆ ନୂଆବର୍ଷ। ଆଜିଠୁ ପ୍ରଚଳିତ ହୋଇଛି ନୂଆ ପଞ୍ଜିକା। ତା’ସହ ଓଡ଼ିଆ ନବବର୍ଷରେ ବି ଲାଗିଛି ନିର୍ବାଚନୀ ଛିଟା। ଏ ବର୍ଷ କେଉଁ ଦଳର ହେବ ଜିତାପଟ, କେଉଁ ଦଳର ହେବ ଘାଟା ? କାହାର ହେବ ପଟ୍ଟ ପରିବର୍ତ୍ତନ ? କାହାର କଟିବ ପତ୍ତା ? ତାକୁ ନେଇ ନାନା ଚର୍ଚ୍ଚା।
ରୋଷେଇ ଘରକୁ ମହଙ୍ଗା ମାଡ଼, ଖାଉଟି କଲବଲ। ୧୫ ଦିନରେ ଆଳୁ ଦର ଦେଢ଼ଗୁଣା ହୋଇ କିଲୋ ୩୦ ଟଙ୍କା ହେଲାଣି। ହରଡ଼ ଡାଲି ୮ ଟଙ୍କା ଓ ପାମୋଲିନ୍ ତେଲ 5 ଟଙ୍କା ବଢ଼ିଗଲାଣି। ବିଭିନ୍ନ ଖାଦ୍ୟ ସାମଗ୍ରୀର ଏମିତି ଉଚ୍ଚା ଦର ସାଧାରଣ ଖାଉଟିଙ୍କ ପକେଟକୁ ଢେର୍ ବାଧୁଛି।…
ବିଜେଡିରେ ଟିକେଟ୍ ପାଇଁ ହଲାପଟା ବରିଷ୍ଠ ନେତା। ଏକାଧିକ ସିଟ୍ ରେ ଦଳର ବରିଷ୍ଠ ନେତା ଥିଲେ ବି ଏଯାଏଁ ସେମାନଙ୍କ ଟିକଟ୍ ଅଙ୍କ ଛିଡ଼େଇ ପାରୁନି ଦଳ। ଆଉ ଏପଟେ କାଳେ ଭୂପିନ୍ଦରଙ୍କ ଭଳି ସେମାନଙ୍କ ଟିକଟ୍ କଟିଯିବ ସେ ଭୟରେ ଆଶାୟୀ ବରିଷ୍ଠ ନେତାଙ୍କ ରାତି ନିଦ ବି ହଜିଯାଇଛି।
ଏଥର ବାଲେଶ୍ବର ଦେଖିବ ଦମଦାର ଲଢ଼େଇ। କଂଗ୍ରେସ, ସାଂସଦ ପ୍ରାର୍ଥୀଭାବେ ହେଭିୱେଟ୍ ନେତା ଶ୍ରୀକାନ୍ତ ଜେନାଙ୍କ ନାଁ ଘୋଷଣା କରିବା ପରେ ଏଠି ଏବେ ତ୍ରିମୁଖୀ ଲଢେଇ ଏକପ୍ରକାର ସ୍ପଷ୍ଟ। କାରଣ ପୂର୍ବତନ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କୁ ବିଜେପି ଏଠି ମୈଦାନକୁ ଛାଡ଼ି ସାରିଥିବା ବେଳେ ବିଜେଡି ନୂଆ ମୁହଁ ଭାବେ ବିଜେପିରୁ ଆମଦାନୀ ନେତ୍ରୀ ଲେଖାଶ୍ରୀଙ୍କୁ ପ୍ରାର୍ଥୀ କରିଛି। ତେଣୁ ଏ ତିନି ଜଣଙ୍କ ଭିତରେ ଲଢ଼େଇକୁ ଅପେକ୍ଷା କରିଛି ବାଲେଶ୍ବର।
ମଧ୍ୟମ ବର୍ଗ ପରିବାରଙ୍କ ବିଶ୍ବାସ, ମହିଳା ସଶକ୍ତୀକରଣ, ଯୁବବର୍ଗଙ୍କୁ ନିଯୁକ୍ତି, ଶ୍ରମିକ ଓ କୃଷକଙ୍କୁ ସମ୍ମାନ ଭଳି ଗ୍ୟାରେଣ୍ଟି ଦେଇ ବିଜେପି ଜାରି କରିଛି ୨୦୨୪ ନିର୍ବାଚନ ପାଇଁ ଇସ୍ତାହାର। ଦଳର ସଂକଳ୍ପ ପତ୍ର, ମୋଦି କି ଗ୍ୟାରେଣ୍ଟି-୨୦୨୪କୁ ଦିଲ୍ଲୀସ୍ଥିତ ପାର୍ଟି ମୁଖ୍ୟାଳୟରେ ବରିଷ୍ଠ ନେତାଙ୍କ ଗହଣରେ ଉନ୍ମୋଚନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।
ବଲିଉଡ ସୁପରଷ୍ଟାର ସଲମାନ ଖାନଙ୍କ ଘର ଆଗରେ ଗୁଳିମାଡ଼ ହୋଇଥିବା ସୂଚନା । ସଲମାନଙ୍କ ମୁମ୍ବାଇ ସ୍ଥିତ ଘର ବାହାରେ ଗୁଳି ମାଡ଼ର ଶବ୍ଦ ଶୁଣିବାକୁ ମିଳିଛି । ଖବର ମିଳିବା ପରେ ମୁମ୍ବାଇ ପୋଲିସ ଘଟଣା ସ୍ଥଳରେ ପହଞ୍ଚି ତନାଘନା ଚଳାଇଛି ।
ଦେଶବାସୀଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ସମ୍ବୋଧନ। ଆମର ଫୋକସ ଡିଗନିଟି ଅଫ୍ ଲାଇଫ୍ ଓ କ୍ବାଲିଟି ଅଫ୍ ଲାଇଫ୍। ଯୁବ ଭାରତର ଯୁବ ଆଙ୍କାକ୍ଷା ଆମ ସଂକଳ୍ପ ପତ୍ରରେ ପ୍ରତିଫଳିତ...
ଚରମ ସୀମାରେ ବାଲେଶ୍ବର ବିଜେଡିର ଗୋଷ୍ଠୀ କନ୍ଦଳ। ଦଳ ଭିତରୁ ଆଶୟୀ ନେତା ଏବଂ ଆମଦାନୀ ନେତା ମୁହାଁମୁହିଁ ସ୍ଥିତିରେ ଥିବାରୁ ବିଜେଡି ଏପର୍ଯ୍ୟନ୍ତ ଜିଲ୍ଲାର ୩ ବିଧାନସଭା ସିଟ୍ ରେ ଟିକେଟ୍ ଘୋଷଣା କରିପାରୁନି।
ସତରେ କଣ ଖଣି ଲବିରେ କଟିଲା କୈଳାସ କୁଲେସିକାଙ୍କ ଟିକେଟ। ଗତକାଲି କୈଳାସଙ୍କ ଏମିତି ସାଂଘାତିକ ଅଭିଯୋଗ ପରଠୁ କୋରାପୁଟ ରାଜନୀତିରେ ହଟଚମଟ। କୁହାଯାଉଛି ଖାଲି ଲକ୍ଷ୍ମୀପୁର ନୁହେଁ, କୋରାପୁଟ ଲୋକସଭାର ପଟାଙ୍ଗୀ ଆଉ ରାୟଗଡ଼ାରେ ବି ସମାନ ସମୀକରଣ ଥିବା ଚର୍ଚ୍ଚା ହେଉଛି।
ରାଜଧାନୀର ଛାତି ଉପରେ ବେଆଇନ ସୁଧ କାରବାରର ଉଦବେଗଜନକ ଘଟଣା । ମଞ୍ଚେଶ୍ବର ଥାନା ପଦ୍ମକେଶରୀପୁର ଗାଁରେ ଏବେବି ଚାଲିଛି ସାହୁକାରର ଜୁଲୁମ ଓ ଗୁଣ୍ଡାରାଜ। କିଏ ମରଣାନ୍ତକ ଆକ୍ରମଣର ଶିକାର ହେଉଛି, ତ କିଏ ତଳିତଳାନ୍ତ ହୋଇଗଲେଣି ସୁଧ ସୁଝି ସୁଝି।
ନିର୍ବାଚନ ପୂର୍ବରୁ ଗୋଳିଆ ହେଲାଣି କନ୍ଧମାଳ ରାଜନୀତି। ଏଠି ତିନି ଦଳର ପ୍ରାର୍ଥୀଙ୍କୁ ତୀବ୍ର ବିରୋଧ କରୁଛି କୁଇ ସମାଜ। ବିଶେଷ କରି ବିଜେଡି ସାଂସଦ ପ୍ରାର୍ଥୀ ଅଚ୍ୟୁତ ସାମନ୍ତଙ୍କୁ ଅଣ-ଆଦିବାସୀ ଦର୍ଶାଇ ପ୍ରାର୍ଥୀ ପ୍ରତ୍ୟାହାର କରିବାକୁ କୁହାଯାଇଛି।
ଏଣେ ଅସହ୍ୟ ଗରମ, ତେଣେ ମାର୍କେଟରେ ଏସି ମରୁଡ଼ି। ଗ୍ରାହକ କରିବେ ତ କଣ କରିବେ,ଯିବେ ତ କୁଆଡ଼େ ଯିବେ। ଖରାରେ ସିଝି ସହର ସାରା ବୁଲି ବୁଲି ନୟାନ୍ତ ହେଉଛନ୍ତି ଅନେକ । ହେଲେ ଇଲେକ୍ଟ୍ରୋନିକ୍ସ ଦୋକାନରେ ମନମୁତାବକ ଏସି ମିଳିବା ମୁସ୍କିଲ ହୋଇଯାଉଛି। ତେବେ ଏସିର ବହୁଳ ପ୍ରଚଳନ ଖରାଦିନେ ବିଜୁଳି ସଂକଟକୁ ଆହୁରି ସଂଗୀନ କରିବା ଆଶଙ୍କା ଥିବା ଚେତାଇ ଦେଇଛନ୍ତି ଶକ୍ତି ବିଶେଷଜ୍ଞ ।
ଶୂନଶାନ ଥିଲା ରାସ୍ତା । ନଥିଲା କୌଣସି କୋଳାହଳ । ହେଲେ ହଠାତ୍ଶୁଭିଲା ପୋଲିସ ସାଇରନ୍। କେହି କିଛି ବୁଝିବା ଆଗରୁ ଆଖପାଖରେ ଥିବା ଲୋକମାନଙ୍କୁ ଚକିତ କରାଇଦେଲା ସେହି ଶବ୍ଦ । ହଁ ଦର୍ଶକ ବନ୍ଧୁ ଶୁଣି ନିଅନ୍ତୁ ଏହି ଶବ୍ଦକୁ ଥରେ...
ବୁଲାବୁଲିକୁ ଟେଷ୍ଟିଟେଷ୍ଟି ଖାଦ୍ୟର ମଜା । ଟ୍ରକ୍ ଭିତରେ ବାସୁଛି... ଭେଜ୍ ସାଙ୍ଗକୁ ନନ୍ଭେଜ୍ର ସୁନ୍ଦର ସୁନ୍ଦର ବାସ୍ନା । ପିକ୍ନିକ୍ ନୁହେଁ, କି କୌଣସି ସୌନ୍ଦର୍ଯ୍ୟସ୍ଥଳୀ ବି ନୁହେଁ । ନିଜେ ଜଣେ ଟ୍ରକ୍ ଡ୍ରାଇଭର ନିଜର ଟ୍ରକ୍ ଭିତରେ ଟେଷ୍ଟି ଟେଷ୍ଟି ଖାଇବା ପ୍ରସ୍ତୁତ କରୁଛନ୍ତି ।
ଶରୀର ପାଇଁ ଅତ୍ୟନ୍ତ ଆବଶ୍ୟକ ପ୍ରୋଟିନ । ଆଉ ଏଥିପାଇଁ ଅନେକ ଲୋକ ପ୍ରୋଟିନ୍ପାଉଡର ବ୍ୟବହାର କରିଥାନ୍ତି । ହେଲେ ଆପଣ ଜାଣନ୍ତିକି ଆପଣ ପିଉଥିବା ପ୍ରୋଟିନ୍ପାଉଡର କେତେ ସୁରକ୍ଷିତ ? ଏବଂ ଆପଣଙ୍କ ସ୍ୱାସ୍ଥ୍ୟ ପାଇଁ କେତେ ଭଲ ?
ଆରପାରିକୁ ଚାଲିଗଲେ ବାପା-ମା’ । ଅନାଥ ହୋଇଗଲେ ୫ ଭାଇ-ଭଉଣୀ । ଆଉ ଖବର ପ୍ରସାରଣ ପରେ ଦୁଃଖୀ ଅନାଥିନୀ ଭାଇ-ଭଉଣୀଙ୍କ ନିକଟରେ ସହୃଦୟ ବ୍ୟୃକ୍ତି ପହଞ୍ଚି ସାହାଯ୍ୟର ହାତ ବଢ଼ାଇଛନ୍ତି । ହେଲେ ଏଯାଏଁ ପହଞ୍ଚିପାରିନି ପ୍ରଶାସନ ।