• translate
Satyendu Shekher Mishra

News Highlights

  • ତିରୁପତି ତିରୁମାଳା ମନ୍ଦିରରେ ଅଲିମ୍ପିକ୍ ମେଡାଲ ବିଜେତା ପିଭି ସିନ୍ଧୁ । 

  • ନିଜ ବାପା ମା ଓ ପରିବାରର ଅନ୍ୟ ସଦସ୍ୟଙ୍କ ପହଞ୍ଚିଲେ ।

ତିରୁପତି ତିରୁମାଳା ମନ୍ଦିର ଦର୍ଶନ କଲେ ଅଲିମ୍ପିକ୍ ମେଡାଲ ବିଜେତା ପିଭି ସିନ୍ଧୁ ।  ଆଜି ସକାଳେ  ନିଜ ବାପା ମା ଓ ପରିବାରର ଅନ୍ୟ ସଦସ୍ୟଙ୍କ ସହ ତିରୁମାଳା ମନ୍ଦିରକୁ ଯାଇ ଭଗବାନ ଭେଙ୍କଟେଶ୍ୱରଙ୍କ ଆର୍ଶୀବାଦ ଲୋଡିଛନ୍ତି ଏହି ଷ୍ଟାର ସଟଲର୍ ।

ଅଲିମ୍ପିକ୍ସ ପଦକ ଜିତିବା ପରେ ସେ ଭଗବାନଙ୍କ ଦର୍ଶନ ପାଇଁ ଆସିଥିବା କହିଛନ୍ତି ସିନ୍ଧୁ । ପ୍ରତିବର୍ଷ ସେ ମନ୍ଦିରକୁ ଆସି ଭଗବାନ ଭେଙ୍କଟଶ୍ୱରଙ୍କ ଦର୍ଶନ କରିଥାନ୍ତି ବୋଲି କହିଛନ୍ତି । ସେ ଖୁବ ଶୀଘ୍ର ବିଶାଖାପାଟଣାରେ ଏକ ବ୍ୟାଡମିଣ୍ଟନ ଏକାଡେମୀ ଆରମ୍ଭ କରିବେ ବୋଲି ମଧ୍ୟ ସୂଚନା ଦେଇଛନ୍ତି ।

କ୍ରୀଡାର ପ୍ରୋତ୍ସାହନ ସହ ଯୁବ ଖେଳାଳିଙ୍କୁ ଭଲ କୋଚିଂ ଦେବା ଲକ୍ଷ୍ୟରେ ଏହି ଏକାଡେମୀ କାମ କରିବ । ଟୋକିଓ ଅଲିମ୍ପିକ୍ସରେ ବ୍ୟାଡମିଣ୍ଟନ ଇଭେଣ୍ଟରେ ସେ ଚାଇନା ପ୍ରତିଯୋଗୀକୁୁ ହରାଇ ବ୍ରୋଞ୍ଜ ପଦକ ହାସଲ କରିଥିଲେ । ଏହାପୂର୍ବରୁ ସେ ଗତ ରିଓ ଅଲିମ୍ପିକ୍ସରେ ସିଲଭର ମେଡାଲ୍ ଜିତିଥିଲେ ।

ସୂଚନାଯୋଗ୍ୟ, ଲଗାତର ଦ୍ୱିତୀୟ ଥର ପାଇଁ ଅଲିମ୍ପିକ୍ସରେ ଭାରତକୁ ପଦକ ଦେଇଛନ୍ତି ବ୍ୟାଡ଼ମିଟନ୍ ଷ୍ଟାର୍ ପି.ଭି. ସିନ୍ଧୁ । ରିଓ ଅଲିମ୍ପିକ୍ସରେ ରୌପ୍ୟ ପଦକ ପାଇଥିବା ସିନ୍ଧୁ ଟୋକିଓରେ ବ୍ରୋଞ୍ଜ ପଦକ ଜିତିଛନ୍ତି । ସେପଟେ ସିନ୍ଧୁଙ୍କ ଏହି ଐତିହାସିକ ସଫଳତା ପରେ ସାରା ଦେଶ ତାଙ୍କ ପ୍ରଶଂସାରେ ଶତମୁଖ ହୋଇଛି । ପ୍ରଥମ ଭାରତୀୟ ମହିଳାଭାବେ ଅଲିମ୍ପିକ୍ସରେ ଦୁଇଟି ପଦକ ହାସଲ କରିବା ପରେ ସିନ୍ଧୁଙ୍କୁ ଅଜସ୍ର ଶୁଭେଚ୍ଛାର ସୁଅ ଛୁଟିଛି ।

୨୦୧୬ ରିଓ ଅଲିମ୍ପିକ୍ସରେ ନିଜର ପ୍ରଥମ ପଦାର୍ପଣରେ ସିନ୍ଧୁ ଭାରତ ପାଇଁ ବ୍ୟାଡ୍‌ମିଣ୍ଟନରେ ରୌପ୍ୟ ପଦକ ଜିତିଥିଲେ । ଆଉ ତା ପରଠାରୁ ପଛକୁ ଚାହିଁ ନାହାନ୍ତି ଏହି ହ୍ରାଇଦ୍ରାବାଦର ଷ୍ଟାର୍ ଖେଳାଳି । ଟୋକିଓ ଅଲିମ୍ପିକ୍ସରେ ସେ ସ୍ୱର୍ଣ୍ଣ ପଦକ ପାଇଁ ଲକ୍ଷ୍ୟ ରଖିଥିଲେ । ଏଥିପାଇଁ ପୁରା ଦମରେ ନିଜକୁ ପ୍ରସ୍ତୁତ କରିଥିଲେ । ଏପରିକି କରୋନା କଟକଣା ବେଳେ ପ୍ରସ୍ତୁତିରେ ବାଧାସୃଷ୍ଟି ହେବାରୁ, ସେ ବିଦେଶରେ କିଛିଦିନ ଟ୍ରେନିଂ ନେଉଥିଲେ । ଅଲିମ୍ପିକ୍ସ ପୂର୍ବରୁ ଅଭ୍ୟାସ ମ୍ୟାଚ୍‌ରେ ଅଭାବ ଥିବାରୁ ସିନ୍ଧୁଙ୍କ ପାଇଁ ଏହା ବଡ଼ ଚ୍ୟାଲେଞ୍ଜ ଥିଲା । କିନ୍ତୁ ସବୁ ଚ୍ୟାଲେଞ୍ଜ ସତ୍ତ୍ୱେ ଟୋକିଓ ଟକ୍କର ପାଇଁ ଓହ୍ଲାଇଥିଲେ ପି.ଭି. ସିନ୍ଧୁ । ଫର୍ମରେ ଥିବା ସିନ୍ଧୁ ପ୍ରଥମ ମ୍ୟାଚରୁ ପ୍ରଭାବ ବିସ୍ତାର କରିଚାଲିଥିଲେ ।

ଗୋଟିକ ପରେ ଗୋଟିଏ ମ୍ୟାଚ୍‌ରେ ଜିତିବା ପରେ, ସେମିଫାଇନାଲରେ ଚାଇନିଜ୍ ତାଇପେଇ ଖେଳାଳି ତାଇ ଜୁଙ୍କୁ ଭେଟିଥିଲେ ସିନ୍ଧୁ । ଏଥିରେ ପ୍ରଥମ ସେଟରେ ହାରିବା ପରେ ଦ୍ୱିତୀୟ ସେଟରେ ଜୋରଦାର ପ୍ରତ୍ୟାବର୍ତ୍ତନ କରିବାକୁ ଚେଷ୍ଟା କରିଥିଲେ । କିନ୍ତୁ ବିଶ୍ୱର ନମ୍ବର ୱାନ୍‌ ଖେଳାଳି ତାଇ ଜୁଙ୍କ ଫର୍ମ ଆଗରେ ସିନ୍ଧୁ ହାରି ଯାଇଥିଲେ । ଏହାପରେ ପରବର୍ତ୍ତୀ ମ୍ୟାଚ୍‌ରେ ଚୀନର ବିଙ୍ଗ ଜିଆଓଙ୍କୁ ସିଧାସଳଖ ୨୧-୧୩ ଓ ୨୧-୧୫ ସେଟରେ ହରାଇ ଭାରତକୁ ଐତିହାସିକ ବିଜୟ ଦେଇଛନ୍ତି ଓ ବ୍ରୋଞ୍ଜ ପଦକ ହାସଲ କରିଛନ୍ତି ।

Other Stories

  • Solar System
    National ବାହାରିଲା ସୌର ମଣ୍ଡଳର ନୂଆ ସୂଚନା

    ବ୍ରହ୍ମାଣ୍ଡର ଏବଂ ଏହାର ପିଣ୍ଡର ଉତ୍ପତ୍ତି ଆମର ଜ୍ୟୋତିର୍ବିଜ୍ଞାନୀ ଏବଂ ବୈଜ୍ଞାନିକମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ବିଷୟ। ସେମାନେ ଯେ କେବଳ ଆମ ପୃଥିବୀର ସୃଷ୍ଟି ପ୍ରକ୍ରିୟାକୁ ବୁଝିବା ଉପରେ ଅଧିକ ଧ୍ୟାନ ଦେଉଛନ୍ତି ତାହା ନୁହେଁ,...

  • Pradeep Majhi
    Politics ବିଜେଡିରେ ମିଶିବା କଥା ମିଛ: ପ୍ରଦୀପ ମାଝି

    ପାଖେଇ ଆସୁଛି ନିର୍ବାଚନ । ପଞ୍ଚାୟତ ନିର୍ବାଚନ ପାଇଁ ବିଜେଡି ଅଣ୍ଟା ଭିଡ଼ିଥିବା ବେଳେ ବିଜେପି ମଧ୍ୟ ପ୍ରସ୍ତୁତ ହେଉଥିବା କୁହାଯାଉଛି । ତେବେ ସମସ୍ତେ ଜାଣନ୍ତି ନିର୍ବାଚନ ଆସିଲେ ନେତାଙ୍କର ଦଳବଦଳୀ ଆରମ୍ଭ ହୁଏ ।

  • Young Mother
    International ଫଟୋରେ ଲାଗୁଛନ୍ତି ଦୁଇ ସାଙ୍ଗ, ସତ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ

    ଫଟୋରୁ ଅନେକ ବାସ୍ତବତା ଜଣାଯାଏ। କିନ୍ତୁ ବେଳେବେଳେ ଏମିତି ହୁଏ ଯେ ଏହା ଫଟୋରେ ଯାହା ଦେଖାଯାଏ ତାହା ବାସ୍ତବ ହୋଇ ନ ଥାଏ। ହଁ, ଆଖି ବି ପ୍ରତାରଣା କରିପାରେ। ଟିକ୍‌ଟକ୍‌ରେ ବହୁତ ଲୋକପ୍ରିୟ ହେଉଥିବା...

  • Bread dahibara
    Food & Recipes ଘରେ ବନାନ୍ତୁ ଚଟପଟା ‘ବ୍ରେଡ୍ ଦହିବରା’

    ସାଧାରଣତଃ ପାରମ୍ପରିକ ଖାଦ୍ୟର ଚାହିଦା ବେଶୀ ଥାଏ । ସେହିପରି ଏକ ପାରମ୍ପରିକ ରେସିପି ହେଉଛି ଦହିବରା। ସାଧାରଣତଃ ଆମ ଘର ମାନଙ୍କରେ ବିରି ବରାରେ ଦହିବରା ପ୍ରସ୍ତୁତ କରାଯାଇଥାଏ । କିନ୍ତୁ ଆପଣ ମାନେ କେବେ...