• translate
Pramod Behera

News Highlights

  • ରାଜନୀତିରୁ ବିଦାୟ ନେଲେ ବାବୁଲ୍ ସୁପ୍ରିୟୋ

  • ଆସନସୋଲରୁ ୨ ଥର ସାଂସଦ ହୋଇଥିଲେ

  • ୨୦୧୪ରୁ ୨୦୧୬ ପର୍ଯ୍ୟନ୍ତ ନଗର ଉନ୍ନୟନ ବିଭାଗର ରାଷ୍ଟ୍ରମନ୍ତ୍ରୀ ଥିଲେ

କୋଲକାତା: ବରିଷ୍ଠ ବିଜେପି ନେତା ତଥା ଲୋକସଭା ସାଂସଦ ବାବୁଲ ସୁପ୍ରିୟୋ ରାଜନୀତିରୁ ସନ୍ନ୍ୟାସ ନେବାକୁ ଘୋଷଣା କରିଛନ୍ତି। ଏହି ଖବର ସେ ସୋସିଆଲ୍ ମିଡିଆରେ ଜଣେଇଛନ୍ତି। ରାଜନୀତି ଛାଡ଼ିବା ସହ ସାଂସଦ ପଦରୁ ମଧ୍ୟ ଇସ୍ତଫା ଦେବେ ବୋଲି କହିଛନ୍ତି। ବାବୁଲ ପଶ୍ଚିମବଙ୍ଗରୁ ନିର୍ବାଚିତ ହୋଇ ଲୋକସଭାକୁ ଯିବା ପରେ କେନ୍ଦ୍ର ମନ୍ତ୍ରିମଣ୍ଡଳରେ ସୁଯୋଗ ପାଇଥିଲେ।

କିନ୍ତୁ ନିକଟରେ ହୋଇଥିବା ମନ୍ତ୍ରିମଣ୍ଡଳ ଅଦଳ ବଦଳ ବେଳେ ତାଙ୍କୁ ପଦ ଛାଡ଼ିବାକୁ ବାଧ୍ୟ କରାଯାଇଥିଲା। ପଦରୁ ବିଦାହେବା ପରେ ସେ ଆଜି ସୋସିଆଲ ମିଡିଆରେ ରାଜନୀତିକୁ ବିଦାୟ କହିଛନ୍ତି।

କଣ୍ଠଶିଳ୍ପୀରୁ ରାଜନେତା ହୋଇଥିବା ବାବୁଲ ସୁପ୍ରିୟୋ କହିଛନ୍ତି ଯେ “ଅଲବିଦା। ମୁଁ କୌଣସି ରାଜନୀତିକ ଦଳକୁ ଯାଉ ନାହିଁ। ଟିଏମ୍‌ସି, କଂଗ୍ରେସ କିମ୍ବା ସିପିଆଇଏମ୍‌କୁ ଯାଉନି। ମୁଁ ଏଠାରେ ନିଶ୍ଚିତ କରିବାକୁ ଚାହୁଁଛି ଯେ ମୋତେ କେହି ବି ଫୋନ୍ କରି ନାହାନ୍ତି ନାହାନ୍ତି। ତେଣୁ ମୁଁ କେଉଁ ଦଳରେ ମିଶିବିନି। ମୁଁ ୱାନ୍‌ ଟିମ୍‌ ପ୍ଲେୟାର୍‌। ସବୁବେଳେ ଗୋଟିଏ ଟିମ୍‌କୁ ସମର୍ଥନ କରେ। ସେହି ଦଳ ହେଲା ମୋହନ ବାଗନ। ମୁଁ ସବୁବେଳେ ଗୋଟିଏ ଦଳରେ ରହିଛି। ସେଇଟା ହେଲା ବିଜେପି-ପଶ୍ଚିମବଙ୍ଗ। ବାସ୍‌ ଏତିକି।” ସେ ଏକ କବିତା ମାଧ୍ୟମରେ ତାଙ୍କର ଇସ୍ତଫା କଥା କହିଛନ୍ତି। ଯଦି ସାମାଜିକ କାର୍ଯ୍ୟ କରିବାକୁ ହୁଏ ତେବେ ରାଜନୀତି ବିନା ମଧ୍ୟ କରିପାରିବେ ବୋଲି ସେ କହିଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ “ମୁଁ ରାଜନୀତିରେ ଦୀର୍ଘ ଦିନ ଧରି ରହିଛି। କିଛି ଲୋକଙ୍କୁ ସହଯୋଗ କରିଛି ଓ କିଛି ଲୋକଙ୍କୁ ଆଘାତ ମଧ୍ୟ ଦେଇଛି। ବହୁତ କିଛି ଆଲୋଚନା ଓ ଚିନ୍ତାକରିବା ପରେ ମୁଁ ରାଜନୀତି ଛାଡ଼ିବାକୁ ନିଷ୍ପତ୍ତି ନେଇଛି। ରାଜନୀତିରେ ରହିବା ଓ ସାମାଜିକ କାର୍ଯ୍ୟ କରିବା ସମ୍ଭବ ନୁହେଁ। ତେଣୁ ମୁଁ ଏହା ମଧ୍ୟରୁ ଗୋଟିଏକୁ ବାଛିଚି। ଏବେ ମୁଁ ସମାଜ ସେବା ଉପରେ ଅଧିକ ଗୁରୁତ୍ୱଦେବି। ମୁଁ ଅମିତ ଶାହା ଓ ଜେପି ନଡ୍ଡା ଜୀଙ୍କୁ ମୋ ମନରେ ଥିବା ଭାବନା ଜଣାଇଦେଇଛି।”

ଆସନସୋଲରୁ ୨ ଥର ସାଂସଦ ହୋଇଥିବା ବାବୁଲ ସୁପ୍ରିୟୋ ୨୦୧୪ରୁ ୨୦୧୬ ପର୍ଯ୍ୟନ୍ତ ନଗର ଉନ୍ନୟନ ବିଭାଗର ରାଷ୍ଟ୍ରମନ୍ତ୍ରୀ ଥିଲେ। ୨୦୧୬ ଜୁଲାଇରୁ ୨୦୧୯ ମେ’ ପର୍ଯ୍ୟନ୍ତ ତାଙ୍କୁ ଭାରୀ ଶିଳ୍ପର ରାଷ୍ଟ୍ରମନ୍ତ୍ରୀ କରାଯାଇଥିଲା। ୨୦୧୯ରେ ମୋଦିଙ୍କ ଦ୍ୱିତୀୟ ଇନିଂସ୍ ସରକାରରେ ବାବୁଲ ପରିବେଶ ମନ୍ତ୍ରଣାଳୟର ରାଷ୍ଟ୍ରମନ୍ତ୍ରୀ ହୋଇଥିଲେ।

ତେବେ ନିକଟରେ ମନ୍ତ୍ରିମଣ୍ଡଳ ଅଦଳବଦଳ ପୂର୍ବରୁ ଯେଉଁ ୧୨ ଜଣଙ୍କୁ ଇସ୍ତଫା ଦେବାକୁ କୁହାଯାଇଥିଲା, ସେହି ତାଲିକାରେ ବାବୁଲ ସୁପ୍ରିୟୋଙ୍କ ନାଁ ରହିଥିଲା।

Other Stories

  • Deepika and Ranveer
    Entertainment ହସ୍ପିଟାଲରେ ଦୀପିକା ପାଦୁକୋନ : ମା’ ହେବା ନେଇ ଆଶା

    ବଲିଉଡର ସବୁଠାରୁ ପ୍ରେମୀ ଦମ୍ପତି ହେଲେ ଦୀପିକା ପାଦୁକୋନ ଓ ରଣବୀର ସିଂ। ଏହି ଦୁଇ ପ୍ରେମୀ ଯୁଗଳ ନଭେମ୍ବର ୨୦୧୮ରେ ଇଟାଲୀରେ ଏକ ଗ୍ରାଣ୍ଡ୍‌ ଡେଷ୍ଟିନେସନ୍ ବିବାହ କରି ପରସ୍ପରର ହାତ ଧରିଥିଲେ। ସୋସିଆଲ ମିଡିଆରେ...

  • odia Jatra
    COVID-19 ଅଗଷ୍ଟରେ କଣ ରହିବ ଖୋଲା, କଣ ହେବ ବନ୍ଦ; ଜାଣନ୍ତୁ

    ରାଜ୍ୟର ସମସ୍ତ ଆହାର କେନ୍ଦ୍ର ଖୋଲା ରହିବ।  ଏଣିକି ରାସ୍ତା କଡ଼ ଦୋକାନରେ ଲୋକେ  ଖାଇ ପାରିବେ। ରାଜ୍ୟରେ ସାପ୍ତାହିକ ହାଟ ଖୋଲିବାକୁ ମଧ୍ୟ ଅନୁମତି ଦିଆଯାଇଛି। ଶିକ୍ଷାନୁଷ୍ଠାନ, କୋଚିଂ ସେଣ୍ଟର ଖୋଲାଯାଇ ପାରିବ। ମ୍ୟୁଜିୟମ, ପର୍ଯ୍ୟଟନ...

  • Unlock Guideline
    COVID-19 ସାରା ରାଜ୍ୟରେ ଦୋକାନ ବଜାର ରାତି ୮ଟା ଯାଏ ଖୋଲା

    ରାଜ୍ୟ ସରକାର ଜାରି କରିଥିବା କରୋନା କଟକଣା ଆଜି ସରୁଥିବାରୁ ଅଗଷ୍ଟ ପାଇଁ ଆଜି ନୂଆ ଗାଇଡଲାଇନ୍ ଜାରି କରିଛନ୍ତି ସରକାର।  ମେ ୫ ରୁ ଲକ୍‌ଡାଉନ୍ ଘୋଷଣା କରାଯାଇଥିଲା। ଏହାର ୨ ମାସ ପରେ ଅନଲକ୍‌ ପ୍ରକ୍ରିୟା ଆରମ୍ଭ...

  • Gold Price
    Business ସୁନା ବଜାରରେ ଆଶ୍ୱସ୍ତି : ୭ ହଜାର ପର୍ଯ୍ୟନ୍ତ ଶସ୍ତା

    ଆପଣମାନେ ସୁନା କିଣିବାକୁ ଚାହୁଁଛନ୍ତି କି? ତେବେ ବିଳମ୍ବ କରନ୍ତୁ ନାହିଁ। ଏବେ ଆପଣଙ୍କ ପାଖରେ ଏକ ସୁବର୍ଣ୍ଣ ସୁଯୋଗ ଅଛି। ବର୍ତ୍ତମାନ ସୁନା କିଣିବା ବିନିଯୋଗ କ୍ଷେତ୍ରରେ ମଧ୍ୟ ଲାଭ ଦେଇପାରେ। ପୁଣି ଥରେ ସୁନାରେ...