LIVE TV
ଅପମାନରୁ ଶିଖେଲେ, ଲଢ଼ିଲେ ଆଉ ସଫଳ ହେଲେ । ଏ ଘଟଣା ଆପଣଙ୍କୁ କାହାଣୀ ଭଳି ଲାଗିପାରେ, ଫିଲ୍ମ ସ୍କ୍ରିଫ୍ଟ ଭଳି ଏସବୁକୁ ଭାବି ପାରନ୍ତି । କିନ୍ତୁ ଯାହା ଘଟିଛି ସେ ସବୁ ବିଲକୁଲ୍ ସତ । ପୋଲିସ୍ କନେଷ୍ଟବଲ୍ ରୁ UPSC ପରୀକ୍ଷାରେ କୃତକାର୍ଯ୍ୟ । ଆନ୍ଧ୍ରପ୍ରଦେଶର ପୋଲିସ୍ କନଷ୍ଟବଲ୍ ଉଦୟ କ୍ରିଷ୍ଣା ରେଡ୍ଡୀ ୭୮୦ ରାଙ୍କ ହାସଲ କରିଛନ୍ତି ।
ହେଲେ ଉଦୟଙ୍କ UPSC ଦେବା ପଛରେ ରହିଛି ଏକ ବଡ଼ ଘଟଣା । ପ୍ରକାଶମ୍ ଜିଲ୍ଲାରେ ଡ୍ୟୁଟିରେ ଥିବା ଉଦୟଙ୍କୁ ଦିନେ ତାଙ୍କ ଉପରିସ୍ଥ ପୋଲିସ୍ ସକର୍ଲ ଇନସପେକ୍ଟର ଗାଳି କରିଥିଲେ । ଜାଣିଶୁଣି ବ୍ୟକ୍ତିଗତ ଆକ୍ରୋଶ ରଖି ୬୦ ଜଣ ପୋଲିସ୍ ଅଧିକାରୀଙ୍କ ଆଗରେ ଅପମାନିତ କରିଥିଲେ ।
Also Read
ବାସ୍ ଏହି ଗୋଟିଏ ଘଟଣା ଉଦୟଙ୍କ ମନକୁ ଶକ୍ତ ଆଘାତ ଦେଇଥିଲା ଆଉ ତା’ସହ ନିଜକୁ ବଡ଼ ଅଧିକାରୀ ଭାବେ ପରିଚିତ କରାଇବାକୁ ମନରେ ଜୋସ୍ ବଢ଼ାଇ ଦେଇଥିଲା । ସେହି ଅପମାନରୁ ଉଦୟ ଶପଥ ନେଇଥିଲେ, ପରିଶ୍ରମ କରି କିଭଳି UPSCରେ ସଫଳ ହେବେ । ସେ ଦିନରୁ ଦୃଢ଼ତାର ସହ ଅଭ୍ୟାସରେ ଲାଗି ପଡ଼ିଲେ ।
ଏକ ସୁଯୋଗ ଭାବେ ନିଜ ଜୀବନରେ ବ୍ୟବହାର କଲେ ଆଉ ଶେଷରେ ଦୁଇ ବର୍ଷର ପରିଶ୍ରମ ତାଙ୍କୁ ସଫଳତା ଆଣିଦେଲା । ୭୮୦ ରାଙ୍କ ପାଇଁ ବି ସେ ଖୁସି ନାହାନ୍ତି କାରଣ ଉଦୟଙ୍କୁ IPS ହେବାକୁ ଅଛି । ଆଉ ଥରେ ଚେଷ୍ଟା କରିବେ, ପୁଣି ସଫଳ ହେବେ ବୋଲି ସେ କହିଛନ୍ତି ।
