ଧୁମ୍‌ଧାମ୍‌ରେ ଚାଲିଥିଲା ଭସାଣ ଉତ୍ସବ; ହଠାତ ଲୋକଙ୍କ ଉପରେ ମାଡ଼ିଗଲା କାର, ଚାଲିଗଲା ନିରୀହ ଜୀବନ

ଦଶରା ଭସାଣ ଶୋଭାଯାତ୍ରା ବେଳେ ଲୋକଙ୍କୁ ଦଳିଦେଲା ଦୃତଗାମୀ କାର । ଛତିଶଗଡ଼ ଯଶପୁରରେ ଆଜି ଦୁର୍ଗା ଭସାଣ ଶୋଭାଯାତ୍ରା ବେଳେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୨୦ରୁ ଅଧିକ ଆହତ ହୋଇଛନ୍ତି । ଆହତମାନଙ୍କୁ ନିକଟସ୍ଥ ପାଥଲଗାଁଓ ହସ୍ପିଟାଲରେ ଭର୍ତ୍ତି କରାଯାଇଛି ।

भूपेश सरकार को पद से इस्तीफ़ा दे देना चाहिए.....

राजनिति करने lakhimapur ja sakte hain........... 🤨 pic.twitter.com/sxxsJq1TQs

— मैं मजदुर हूं (@Sitaram36599247) October 15, 2021

ଆଜି ଅପରାହ୍ନରେ ଛତିଶଗଡ଼ର ପାଥଲଗାଁଓ ବଜାରପଡ଼ାରେ ଦୁର୍ଗା ମୂର୍ତ୍ତି ବିସର୍ଜନ ପାଇଁ ଲୋକେ ରାସ୍ତାରେ ଶୋଭାଯାତ୍ରା କରି ଯାଉଥିଲେ । ପ୍ରାୟ ୧୦୦ରୁ ଅଧିକ ଲୋକେ ଉତ୍ସବରେ ସାମିଲ ଥିଲେ । ତେବେ ହଠାତ ପଛପଟୁ ଏକ ଦ୍ରୁତଗାମୀ କାର ଆସି ଲୋକଙ୍କୁ ନିର୍ମମ ଭାବେ ଧକ୍କା ଦେବା ସହ ଦଳି ଚକଟି ଆଗକୁ ମାଡ଼ି ଚାଲିଥିଲା । ଲୋକେ କିଛି ବୁଝିବା ଆଗରୁ କାର୍‌ଟି ଦ୍ରୁତ ଗତିରେ ପଳାଇଥିଲା ।

जशपुर की घटना बहुत दुखद और हृदयविदारक है।

दोषियों को तुरंत गिरफ्तार कर लिया गया है। प्रथमदृष्टया दोषी दिख रहे पुलिस अधिकारियों पर भी कार्रवाई हुई है।

जांच के आदेश दिए गए हैं। कोई भी बख्शा नहीं जाएगा।

सबके साथ न्याय होगा।

ईश्वर दिवंगतजनों की आत्मा को शांति दे।

— Bhupesh Baghel (@bhupeshbaghel) October 15, 2021

ସେପଟେ ଏହି କାରଟି ଚୋରା ଗଞ୍ଜେଇ କାରବାରରେ ସଂପୃକ୍ତ ଥିବା ଜଣାପଡ଼ିଛି । ଏହି ଘଟଣା ନେଇ ସ୍ଥାନୀୟ ଲୋକେ ପୋଲିସକୁ ବି ଦାୟୀ କରିଛନ୍ତି । କାର ଭିତରୁ ଗଞ୍ଜେଇ ପ୍ୟାକେଟ୍ ମିଳିଥିବା ବେଳେ ଉତ୍ୟକ୍ତ ଲୋକେ ଏହାକୁ ନିଆଁ ଲଗାଇ ପୋଡ଼ି ଦେଇଛନ୍ତି । ଏହି ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରିଛି । ସେପେଟେ ପୋଲିସ ବିରୋଧରେ ବି କାର୍ଯ୍ୟାନୁଷ୍ଠାନ ହୋଇଥିବା ଟ୍ୱିଟ୍  କରି ସୂଚନା ଦେଇଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ।