LIVE TV
କେନ୍ଦ୍ରାପଡ଼ା: କେଉଁଠି ପିଚୁ ଉଠିଗଲାଣି ତ ଆଉ କେଉଁଠି ଖାଲଖମାରେ ପରିପୂର୍ଣ୍ଣ ରାସ୍ତା, ଗୋଟିଏ ଗାଡି ଗଲେ ଆଉ ଏକ ଗାଡି ଯିବା ମୁସ୍କିଲ୍ । ଏହି ଭଳି ପରିସ୍ଥିତି ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ରାଜକନିକା ଅଂଚଳରେ । କେନ୍ଦ୍ରାପଡ଼ା ଜିଲ୍ଲା ରାଜକନିକା ଅଂଚଳର ମାଦେଇଆଡିଆଠାରୁ କାଟଣାକୁ ସଂଯୋଗ କରୁଛି ଏହି ରାସ୍ତାଟି । ୫ ପଂଚାୟତର ୨୫ ହଜାରରୁ ଅଧିକ ଲୋକେ ଏହି ସଡ଼କ ଉପରେ ନିର୍ଭର କରିଥାନ୍ତି । ରାସ୍ତା ଖରାପ ଥିବାରୁ ବିପଦପୂର୍ଣ୍ଣ ଭାବେ ଲୋକେ ଯାତ୍ରା କରିଥାନ୍ତି।
Also Read
ଆବଶ୍ୟକ ସ୍ଥଳେ ଲୋକଙ୍କ ପାଖରେ ଠିକ୍ ସମୟରେ ଆମ୍ବୁଲାନ୍ସ ମଧ୍ୟ ପହଞ୍ଚି ପାରୁନି ରାସ୍ତାର ମରାମତି ନେଇ ଦାବି ହୋଇ ଆସୁଥିଲେ ମଧ୍ୟ କିଛି ବି ସୁଫଳ ମିଳିନି । ସ୍ଥାୟୀ ପ୍ରତିକାର କରାନଗଲେ ଆଗକୁ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି । ଲୋକେ ସେପଟେ ଖୁବଶୀଘ୍ର ସମସ୍ୟାର ସମାଧାନ କରାଯିବ ବୋଲି କହିଛନ୍ତି ଜିଲ୍ଲାପାଳ ।
ରାୟଗଡ଼ା:ସମାନ ଏହିଭଳି ପ୍ରଶାସନିକ ଅବ୍ୟବସ୍ଥାର ଆଉ ଏକ ସମସ୍ୟାର ଚିତ୍ର ହେଉଛି ରାୟଗଡ଼ା ଜିଲ୍ଲା ସଦର ବ୍ଲକ ଅନ୍ତର୍ଗତ ପୋଡାମରା ଗାଁର । ପଞ୍ଚାୟତ ମୁଖ୍ୟାଳୟରୁ ମାତ୍ର କିଲୋମିଟର ଦୂରରେ ଗାଁ ଥିଲେ ମଧ୍ୟ ଲୋକେ ନାନା ଅସୁବିଧାର ସମ୍ମୁଖୀନ ହେଉଥିଲେ । ରାସ୍ତା ମଝିରେ ନାଳ ପଡୁଥିବାରୁ ବିପଦ ସମୟରେ ଆମ୍ବୁଲାନ୍ସ ଟିଏ ମଧ୍ୟ ଆସିପାରୁନଥିଲା କେବଳ ଏହି ଗୋଟିଏ ଗାଁ ନୁହଁ ଆଖପାଖର ଅନେକ ଗାଁ ସମସ୍ୟାର ସାମନା କରୁଥିଲେ ।
ଛାତ୍ରଛାତ୍ରୀମାନେ ସ୍କୁଲ ଯିବାରୁ ବଞ୍ଚିତ ହେଉଥିଲେ ନାଳ ଉପରେ ପୋଲ ନିର୍ମାଣ କରିବାକୁ ବାରମ୍ବାର ଦାବି କରୁ ଆସୁଥିଲେ । ଲୋକେ ହେଲେ କିଛି ବି ସୁଫଳ ନମଳିବାରୁ ଶେଷରେ ଆଖପାଖର ୩ ଖଣ୍ଡ ଗାଁ ଲୋକେ ଚାନ୍ଦା ଆଦାୟ କରିଏକ ଅସ୍ଥାୟୀ ପୋଲ ନିର୍ମାଣ କରିଛନ୍ତି । ସେପଟେ ରାସ୍ତାକାମକୁ ନେଇ ଭିନ୍ନ କାରଣ ଦର୍ଶାଇଛି ପ୍ରଶାସନ ।
