ଦେଶରେ ଲଗାତାର ଚତୁର୍ଥ ଦିନରେ ୪୦ ହଜାରରୁ ଅଧିକ ସଂକ୍ରମିତ ଚିହ୍ନଟ : କେରଳରେ ବେକାବୁ ମହାମାରୀ

ନୂଆଦିଲ୍ଲୀ : କେରଳରେ ତୀବ୍ର ବେଗରେ ମାଡ଼ି ଚାଲିଛି ମହାମାରୀ । ଫଳରେ ସାରା ଦେଶରେ କରୋନାର ତୃତୀୟ ଲହରୀ ଆରମ୍ଭ ନେଇ ସଙ୍କଟ ଘନେଇବାରେ ଲାଗିଛି । ଆଜି କ୍ରମାଗତ ଚତୁର୍ଥ ଦିନ ପାଇଁ ଦେଶରେ ୪୦ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ରବିବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସମସ୍ତ ତଥ୍ୟ ପ୍ରକାଶ ପାଇଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୪୫,୦୮୩ ନୂତନ କରୋନା ମାମଲା ଆସିଥିବା ବେଳେ ୪୬୦ କରୋନା ସଂକ୍ରମିତଙ୍କ ଜୀବନ ଯାଇଛି । ଏଥି ସହିତ ଗତ ୨୪ ଘଣ୍ଟା ମଧ୍ୟରେ ୩୫,୮୪୦ ସଂକ୍ରମିତ କରୋନାକୁ ମାତ ଦେଇ ଘରକୁ ଫେରିଛନ୍ତି ।

ଗତ ଚାରି ଦିନ ହେଲେ ଦେଶରେ ୪୦ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଗୁରୁବାର ଦିନ ୪୬୧୪୬, ଶୁକ୍ରବାର ଦିନ ୪୪୬୫୮, ଶନିବାର ଦିନ ୪୬୭୫୯ ସଂକ୍ରମିତ ଚିହ୍ନଟ ହୋଇଥିଲେ । ତେବେ ସମଗ୍ର ଦେଶରେ କରୋନା ମାମଲା ବୃଦ୍ଧି ହେବାର ମୁଖ୍ୟ କାରଣ ହେଉଛି କେରଳ । କେରଳରେ ମଧ୍ୟ କ୍ରମାଗତ ଚତୁର୍ଥ ଦିନ ପାଇଁ ୩୦ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଫଳରେ କେରଳରେ ମୋଟ୍ ସଂକ୍ରମିତଙ୍କ ସଂଖ୍ୟା ୩୯ ଲକ୍ଷ ୭୭ ହଜାର ୫୭୨କୁ ବୃଦ୍ଧି ପାଇଛି । ତେବେ ସଂକ୍ରମଣ ହାରରେ ସାମାନ୍ୟ ହ୍ରାସ ଘଟି 18.67 ପ୍ରତିଶତ ରହିଛି, ଯାହା ୨୭ ଅଗଷ୍ଟ ରେ ୧୯.୨୨ ପ୍ରତିଶତ ଥିଲା ।

ଭାରତରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା

କରୋନା ମହାମାରୀ ଆରମ୍ଭରୁ ଏବେ ସୁଦ୍ଧା ମୋଟ ୩ କୋଟି ୨୬ ଲକ୍ଷ ୯୫ ହଜାର ଲୋକ ସଂକ୍ରମିତ ହୋଇଛନ୍ତି । ସେଥିମଧ୍ୟରୁ ମହାମାରୀ ପାଇଁ ୪ ଲକ୍ଷ ୩୭ ହଜାର ୮୩୦ ଜଣଙ୍କର ଜୀବନ ଯାଇଛି । ତେବେ ଆଶ୍ୱସ୍ତିକର କଥା ହେଉଛି ଏପର୍ଯ୍ୟନ୍ତ ୩ କୋଟି ୧୮ ଲକ୍ଷ ୮୮ ହଜାର ଲୋକ କରୋନାକୁ ହରାଇ ସୁସ୍ଥ ହୋଇଛନ୍ତି । ବର୍ତ୍ତମାନ ଦେଶରେ କରୋନା ସକ୍ରିୟ ମାମଲା ସଂଖ୍ୟା ତିନି ଲକ୍ଷରୁ ଅଧିକ, ଯେଉଁମାନେ ଚିକିତ୍ସିତ ହେଉଛନ୍ତି।

Also Read

ଆଧାର ଲିଙ୍କ୍ ବନ୍ଦ ଖବର ଉପରେ ସୂଚନା ଦେଲେ ୟୁଆଇଡିଏଆଇ

ପ୍ରବଳ ବର୍ଷିବ, ୧୦ ଜିଲ୍ଲାକୁ ଆଲର୍ଟ

ଆଫଗାନିସ୍ତାନ ଉପରେ ତାଲିବାନର ଶାସନକୁ ମାନ୍ୟତା ଦେଲା କି ଆମେରିକା?

କରୋନାର ମୋଟ ମାମଲା - ୩ କୋଟି ୨୬ଲକ୍ଷ ୯୫ହଜାର ୩୦

ସୁସ୍ଥ ହୋଇଛନ୍ତି - ୩ କୋଟି ୧୮ ଲକ୍ଷ ୮୮ ହଜାର ୬୪୨

ମୋଟ ସକ୍ରିୟ ସଂକ୍ରମିତ - ୩ ଲକ୍ଷ ୬୮ ହଜାର ୫୫୮

ମୋଟ ମୃତ୍ୟୁ - ୪ ଲକ୍ଷ ୩୭ ହଜାର ୮୩୦

ଦେଶରେ ମୋଟ ଟିକାକରଣ - ୬୩ କୋଟି ୯ ଲକ୍ଷ ୧୭ ହଜାର ଡୋଜ