ବିନା ପିଆଜରେ ବନାନ୍ତୁ ପନିର ମସାଲା | Paneer Masala Recipe Without Onion

ପିଆଜର ଦାମ ଏବେ ଆକାଶଛୁଆଁ। ବିନା ପିଆଜରେ ରୋଷେଇଘରର ସ୍ୱାଦ ଆଉ ପାଟିକୁ ରୁଚୁନି । କେତେ ଦିନ ଏମିତି ଚାଲିବ ? ତେଣୁ ବିନା ପିଆଜରେ ସୁଆଦିଆ ଖାଦ୍ୟ ପ୍ରସ୍ତୁତ କରିନେଲେ ଅସୁବିଧା କ’ଣ। ବିନା ପିଆଜରେ କିପରି ପନିର ତରକାରୀ ପ୍ରସ୍ତୁତ କରିବେ ଆସନ୍ତୁ ଜାଣିବା।

Tips to Prepare Paneer Masala(ପନିର ମସାଲା) Recipe Without Onion

ବିନା ପିଆଜ, ରସୁଣରେ ପ୍ରସ୍ତୁତ କରିବା ପନିର ମସାଲା। ଖୁବ କମ୍‌ ସମୟରେ ଏବଂ ସହଜରେ ଏହି ତରକାରୀ ପ୍ରସ୍ତୁତ କରିପାରିବେ। ପିଆଜ, ରସୁଣ ନ ଥିଲେ ମଧ୍ୟ ସ୍ୱାଦ ପୂର୍ବପରି ରହିବ।

Paneer masala in odia
Paneer Masala Recipe Without Onion

ପନୀର ମସାଲା ପାଇଁ ଆବଶ୍ୟକ ସାମଗ୍ରୀ

ଏଥିପାଇଁ ଦରକାର ଅଧା କିଲୋ ଛୋଟ ଆକାରରେ କଟା ଯାଇଥିବା ପନୀର, ୫୦ ଗ୍ରାମ ପୋସ୍ତର ପେଷ୍ଟ, ୨ଟି ଛୋଟ ଟମାଟୋ ପେଷ୍ଟ, କଟା ଯାଇଥିବା ଧନିଆ ପତ୍ର, ହଳଦି ଗୁଣ୍ଡ, ଧନିଆ, ଜିରା ଓ ଶୁଖିଲା ଲଙ୍କାର ପାଉଡର୍‌, ଗରମ ମସଲା । ଜିରା ଗୁଣ୍ଡକୁ ପୂରା ପାଲିସ ନ ହୋଇ ଖଣ୍ଡ ଖଣ୍ଡ ରହିଥିଲେ ଭଲ। ଏହା ବ୍ୟତିତ ମିଟ୍‌ ମସଲା କିଛି ଦରକାର । ମିସ୍‌ ମସଲା ନ ଥିଲେ ସବ୍‌ଜି ମସଲାରେ ବି  ଚଳିବ। ଅଳେଇଚ, ଲବଙ୍ଗ, ଡାଳଚିନି ଏବଂ ଜାଇତ୍ରି ଗୁଣ୍ଡ କିଛି ଆବଶ୍ୟକ। ତା ଛଡ଼ା ଗୋଟିଏ ତେଜପତ୍ର, ତେଲ ଏବଂ ସ୍ୱାଦ ଅନୁଯାୟୀ ଲୁଣ।

କେମିତି ପ୍ରସ୍ତୁତ କରିବେ

ଗ୍ୟାସରେ ପ୍ୟାନ ଗରମ ହେଲା ପରେ ତେଲ ପକାନ୍ତୁ। ତେଲ ଏମିତି ପକାଇବେ ଯେମିତି ଏଥିରେ ପନିର ଭାଜି ହୋଇ ପାରୁଥିବ। ପନିର ଅଳ୍ପ ନାଲି ହୋଇଗଲା ପରେ କାଢି ଦିଅନ୍ତୁ। ଚାହିଁଲେ ଆପଣ କଞ୍ଚା ପନିରରେ ବି ଏହାକୁ କରି ପାରିବେ। ଏହି ତେଲରେ ଲବଙ୍ଗ, ଡାଳଚିନି, ଅଳେଇଚ ଗୁଣ୍ଡ ଏବଂ ତେଜପତ୍ର ପକାନ୍ତୁ । ଏହା ଅଳ୍ପ ଭାଜି ହୋଇଗଲା ପରେ ଏଥରେ ଟମାଟୋ ପେଷ୍ଟ ପକାଇ କଷନ୍ତୁ। ଏହାପରେ ଆବଶ୍ୟକତା ଅନୁଯାୟୀ ଲୁଣ, ଅଧାଚାମଚ ହଳଦି ଗୁଣ୍ଡ, ଗୋଟିଏ ଚାମଚ ଲଙ୍କାଗୁଣ୍ଡ ପକାନ୍ତୁ। ଅଳ୍ପ ଭାଜିଲା ପରେ ଏଥିରେ ଆବଶ୍ୟକତା ଅନୁଯାୟୀ ଜିରା ଗୁଣ୍ଡ, ମିଟ୍‌ ମସଲା ପାଉଡର, ଧନିଆ ପାଉଡର ଓ ଗରମ ମସଲା ପକାନ୍ତୁ । ଏହା ପ୍ରାୟ ୩ ମିନିଟ କଷିବା ପରେ ବଟା ପୋସ୍ତ ପକାଇ ୨ ମିନିଟ କଷନ୍ତୁ। ମସଲା ଭଲ ଭାବେ କଷି ହୋଇଗଲା ପରେ ଏଥିରେ  ପନିର ପକାଇ ହାଲ୍‌କା ଭାବେ ଗୋଳାନ୍ତୁ।

ଏଥର ୧/୪ କପ୍‌ ପାଣି ଦେଇ ୨ ମିନିଟ୍ ଫୁଟାନ୍ତୁ। ତା’ ପରେ ଚୂଲିରୁ ଓହ୍ଲାଇ ଆଣନ୍ତୁ।

ଆପଣଙ୍କ ପନିର ମଶାଲା ଏବେ ପ୍ରସ୍ତୁତ ହୋଇଗଲା।  ଏଥିରେ ଧନିଆ ପତ୍ର ଗୁଣ୍ଡ ପକାଇ ପୁରୀ, ପରାଠା, ରୁଟ ସହ ଗରମ ଗରମ ଖାଆନ୍ତୁ।

ଆହୁରି ପଢ଼ନ୍ତୁ: How to Prepare Butterfly Chicken Recipe

ଆହୁରି ପଢ଼ନ୍ତୁ

ଲକ୍‌ଡାଉନ୍‌ ସମୟରେ ଘରେ ପ୍ରସ୍ତୁତ କରନ୍ତୁ ଦହି ଚିଙ୍ଗୁଡ଼ି | Dahi Chingudi Tarkari

କଲରା ପତ୍ର ଆଳୁ ବେସର | Kalara Patra Alu Besara

ନୂଆବର୍ଷରେ ପରଷନ୍ତୁ ବଟରଫ୍ଲାଏ ଚିକେନ୍ | How to Prepare Butterfly Chicken Recipe

ବିନା ପିଆଜରେ ଷ୍ଟ୍ରିଟ୍‌ ଫୁଡ୍‌-ଚଟ୍‌ନୀ ଆଳୁ ଚାର୍ଟ | Chutney Aloo Chat Without Onion

ମାଟି ହାଣ୍ଡି ପୋସ୍ତ ଚିକେନ୍‌ | Mati Handi Posta Chicken

ପର୍ବପର୍ବାଣୀରେ ପ୍ରସ୍ତୁତ କରନ୍ତୁ ସ୍ୱାଦିଷ୍ଟ ‘ପନୀର୍ ପଲାଉ’ | Paneer Pulao Recipe in Odia

ବିନା ପିଆଜ, ରସୁଣରେ ପ୍ରସ୍ତୁତ କରନ୍ତୁ ‘ସାହି ପୋଟଳ’ | Shahi Parwal Without Onion & Garlic

କମ୍‌ ତେଲରେ ପ୍ରସ୍ତୁତ କରନ୍ତୁ କଦଳୀ ପତ୍ର ଶୁଖା କଙ୍କଡ଼ା | Kadali Patra Sukha Kankada

ଆଜି ହିଁ ଘରେ ପ୍ରସ୍ତୁତ କରନ୍ତୁ ସୁଆଦିଆ ଏଗ୍‌ କୋରମା | Prepare Egg Kurma in Home

ଘରେ ପ୍ରସ୍ତୁତ କରନ୍ତୁ ‘ତନ୍ଦୁରୀ ପାମ୍ପଲେଟ୍‌’ | Tandoor Pamplet

ପ୍ରସ୍ତୁତ କରନ୍ତୁ କୋଶଳା ଶାଗ, ଛତୁ ତାୱା ଫ୍ରାଏ | Masroom Tawa Fry

ଆଜି ହିଁ ଘରେ ପ୍ରସ୍ତୁତ କରନ୍ତୁ ‘ସୁଜି ଚକୁଳି’ | Suji Chakuli Recipe

You might also like