ହଠାତ୍‌ ସହର ସାରା ଉଡ଼ିଲା ପାଉଁଶ, ଲୋକେ ନିଶ୍ୱାସ ବି ନେଇ ପାରିଲେନି

ସମ୍ବଲପୁର: ସମ୍ବଲପୁର ଠେଲକୋଲିରେ ଥିବା JSW-ଭୂଷଣ କାରଖାନାର ପ୍ରଦୂଷଣରେ ଆକ୍ତାମାକ୍ତା ସ୍ଥାନୀୟ ବାସିନ୍ଦା । ଗତକାଲି ସଂଧ୍ୟାରେ ପ୍ରାୟ ଦୁଇ ଘଣ୍ଟା ଧରି ହୋଇଥିଲା ପାଉଁଶ ଝଡ଼ । ଲୋକେ ଅଣନିଶ୍ୱାସୀ ହୋଇପଡ଼ିଥିଲେ । ଏପରିକି ଲୋକେ ରୋଷେଇ ବି କରିପାରି ନଥିଲେ । ସ୍ଥାନୀୟ ବାସିନ୍ଦା ରାତିରେ କାରଖାନା ଆଗରେ ପ୍ରତିବାଦ କରିଥିଲେ ।

ଚାରିଆଡ଼େ ପାଉଁଶ । ଘର ଦ୍ୱାର, ରାସ୍ତା ଘାଟ, ଗଛପତ୍ର ସବୁଠି ପାଉଁଶର ବହଳ ଆସ୍ତରଣ । ଖପର ଉପରେ, କାର୍ ଉପରେ ଏତେ ପାଉଁଶ ଜମିଛି ଯେ, ସେଥିରେ ଅକ୍ଷର ଲେଖିଲେ ମଧ୍ୟ ଜଣାପଡୁଛି । ସାମାନ୍ୟ ପବନ ହେଲେ ଅବସ୍ଥା ଆହୁରି ସାଂଘାତିକ । ଲାଗୁଛି ଯେମିତି ଘନ କୁହୁଡ଼ି । ଆଜି ଦିନବେଳା ଯଦି ଏ ଅବସ୍ଥା, ଗତ ରାତିରେ କଣ ହୋଇନଥିବ । ରାସ୍ତାରେ ପାଣି ଢାଳି ଦେଲେ ଜଣାପଡୁଛି, କେତେ ବହଳର ପାଉଁଶ ଜମିଛି ଏଠାରେ । ସମ୍ବଲପୁର ଠେଲକୋଲିରେ ଥିବା ଜେଏସ୍‌ଡବ୍ଲୁ-ଭୂଷଣ କାରଖାନାର ଏହି ପ୍ରଦୂଷଣରେ ଆକ୍ତାମାକ୍ତା ସ୍ଥାନୀୟ ବାସିନ୍ଦା ।

Also Read

କମିଲା ସୁନା ଦର,ଜାଣନ୍ତୁ ଆପଣଙ୍କ ସହରରେ କେତେ ରହିଛି ଦାମ୍

୧୦ ବର୍ଷ ଧରି ମାଗଣାରେ ଖଟିଲେ, ଚାକିରି ବେଳକୁ ବାହାର କରିଦେଲେ

ପ୍ରକୃତିରାଣୀର ପହିଲି ସ୍ପର୍ଶରେ ପ୍ରଥମ ତୁଷାରପାତର ମନଲୋଭା ଦୃଶ୍ୟ, ସଭିଙ୍କୁ ବାୟା କରୁଛି..

ଗତକାଲି ସଂଧ୍ୟା ୭ଟାରୁ ୯ ଯାଏ ଏମିତି ପାଉଁଶ ଓ ଧୂଳି ଧୂଆଁ ଉଡ଼ିଲା ଯେ, ଲୋକେ ରୋଷେଇ କରିପାରି ନଥିଲେ କି ଖାଇ ପାରିନଥିଲେ । କିଛି ସମୟ ତ ନିଶ୍ୱାସ ନେବା ବି କଷ୍ଟକର ହୋଇ ପଡ଼ିଥିଲା ବୋଲି ଲୋକେ କହିଛନ୍ତି । ଏମିତି ପରିସ୍ଥିତିରେ ଏଠାରେ କେମିତି ବଞ୍ଚିବେ ବୋଲି ପ୍ରଶ୍ନ କରିଛନ୍ତି ସ୍ଥାନୀୟ ବାସିନ୍ଦା ।
ପରିସ୍ଥିତି ସାଂଘାତିକ ହେବାରୁ ଲୋକେ ରାତିରେ କାରଖାନା ମୁଖ୍ୟ ଗେଟ୍‌ରେ ତାଲା ପକାଇ ପ୍ରତିବାଦ କରିଥିଲେ । କମ୍ପାନି କର୍ତ୍ତୃପକ୍ଷଙ୍କ ପ୍ରତିଶ୍ରୁତି ମୁତାବକ ଆଜି ଆରଆର୍ କଲୋନି ମନ୍ଦିର ପରିସରରେ ଏକ ବୈଠକ ବସିଥିଲା । ଏଥିରେ ଜେଏସଡବ୍ଲୁ ଭୂଷଣର ବରିଷ୍ଠ ଅଧିକାରୀ ସଫେଇ ଦେଇଛନ୍ତି, କାରଖାନାର କେତେକ ୟୁନିଟ କିଛି ଦିନ ବନ୍ଦ ଥିଲା । ତାକୁ ଚାଲୁ କରିବାରୁ ଗତକାଲି ବାହାରିଥିଲା ଏହି ପାଉଁଶ ଓ ଧୂଳି ଧୂଆଁ । ଏହାକୁ ତୁରନ୍ତ ସଫା କରିବାକୁ  ପଦକ୍ଷେପ ନିଆଯାଉଛି ।