ବାପା ରିକ୍ସା ଚାଳକ, ପୁଅ ହେବେ ଡାକ୍ତର....

ଭଦ୍ରକ(ପାର୍ଥସାରଥୀ ନାୟକ): ରିକ୍ସା ଟ୍ରଲି ଚାଳକଙ୍କ ପୁଅ ହେବେ ଡାକ୍ତର । ନିଷ୍ଠା ଓ ଏକାଗ୍ରତା ଥିଲେ ଯେ କେହିବି ବ୍ୟକ୍ତି ନିଶ୍ଚିତ ସଫଳତା ପାଇ ପାରିବ ଏକଥା କାହାକୁ ବି ଅଛପା ନାହିଁ । ତେବେ ଏହାକୁ ସତ ପ୍ରମାଣିତ କରି ଦେଖାଇଛନ୍ତି ଭଦ୍ରକ ସହରସ୍ଥ ପୁରୁଣା ବଜାର କାଜି ମହଲାର ମୈରାଜ ଖାନ ନାମକ ଜଣେ ଗରିବ ରିକ୍ସା ଚାଳକଙ୍କର ପୁଅ ମୁର୍ଶିଦ ଖାନ । ସେ ଚଳିତ ବର୍ଷ ନିଟ ପରୀକ୍ଷାରେ କୃତକାର୍ଯ୍ୟ ହୋଇ ସରକାରୀ ମେଡିକାଲ କଲେଜରେ ଡାକ୍ତରୀ ପଢିବାକୁ ଯୋଗ୍ୟ ବିବେଚିତ ହୋଇଛନ୍ତି ଓ ଭବିଷ୍ୟତରେ ଜଣେ ଭଲ ଡାକ୍ତର ହେବାକୁ ଲକ୍ଷ ରଖିଛନ୍ତି ।ଯାହାକୁ ନେଇ ପରିବାର ଲୋକେ ସମସ୍ତ ବେଶ ଖୁସି ଥିବା ବେଳେ ସ୍ଥାନୀୟ ଅଞ୍ଚଳରେ ଆନନ୍ଦ ଖେଳିଯାଇଛି ।

ଭଦ୍ରକ ସହରର ପୁରୁଣା ବଜାର, କାଜିମହଲାର ମୈରାଜ ଖାନ ଜଣେ ରିକ୍ସା ଚାଳକ ଭାବେ ଯାହା ରୋଜଗାର କରନ୍ତି ସେଥିରେ ନିଜର ୪ ଜଣ ପୁଅ ଓ ଦୁଇ ଜଣ ଝିଅଙ୍କୁ ପାଠ ପଢାଇବା ସହିତ ପରିବାର ବହୁ କଷ୍ଟରେ ଚଳାନ୍ତି । ତେବେ ଗତ ୨୦୦୭ ମସିହାରେ ଦୁର୍ଘଟଣାର ଶିକାର ହେବା ପରେ ସେ ଆଉ ରିକ୍ସା ଚଳାଇ ପାରିଲେ ନାହିଁ । ଠିକ ଏତିକି ବେଳେ ତାଙ୍କ ବଡ଼ ପୁଅ ରିଆଜ ଉଦିନ ଖାନ ପରିବାରର ବୋଝ ନିଜେ ସମ୍ଭାଳିବା ସହିତ ଭାଇ ମାନଙ୍କୁ ପାଠ ପଢ଼ାଇଲେ । ତେବେ ପିଲାଟି ବେଳୁ ମେଧାବୀ ଛାତ୍ର ମୁର୍ଶିଦ ଖାନଙ୍କ ଉଚ୍ଚ ଶିକ୍ଷା ପାଇଁ ଅର୍ଥ ପ୍ରତି ବନ୍ଧକ ସାଜିବାରୁ ଭଦ୍ରକ କଲେଜରେ +2 ବିଜ୍ଞାନରେ ପାସ କଲା ପରେ ସେ ନିଜେ ବାରମ୍ବାର ଡାକ୍ତରୀ ପଢିବା ପାଇଁ ଏଣ୍ଟ୍ରାନ୍ସ ଦେଲେ । ହେଲେ ବିଫଳ ହେଉ ଥିଲେ ବି ପ୍ରଚେଷ୍ଟା ଜାରି ରଖିଥିଲେ।

Also Read

ଦିବ୍ୟାଙ୍କ ପାଇଁ ଆରମ୍ଭ ହେଲା ସ୍ୱତନ୍ତ୍ର ଯୋଜନା, ଏଣିକି କାହା ଉପରେ ନିର୍ଭର କରିବେ ନାହିଁ ବରଂ....

ବାପା ଚାଷୀ, ମାଆ ବିଡ଼ି ବାନ୍ଧି ପରିବାର ପୋଷନ୍ତି....ଆଉ ପୁଅ ଏବେ ହେବେ ଡାକ୍ତର

ସ୍କଟଲ୍ୟାଣ୍ଡ ବିପକ୍ଷରେ ଟିମ୍ ଇଣ୍ଡିଆର ଜବରଦସ୍ତ ବିଜୟ

ତେବେ ସାଙ୍ଗ ମାନଙ୍କ ସହ କେତେକ ପତ୍ର ପତ୍ରିକାରୁ ଜିନଦେଗୀ ଫାଉଣ୍ଡେସନ ବିଷୟରେ ଜାଣି ସେମାନଙ୍କ ସହ ଯୋଗାଯୋଗ କରିଥିଲେ । ପରେ ସେହି ଫାଉଣ୍ଡେସନ ମୁର୍ଶିଦ ଖାନଙ୍କ ଆଗ୍ରହ ଓ ଜ୍ଞାନକୁ ତର୍ଜମା କରି ତାଙ୍କ କୋଚିଂ ସେଣ୍ଟରରେ ରଖି ପଢାଇ ଥିଲେ । ଶେଷରେ ମୁର୍ଶିଦ ନିଟ ପରୀକ୍ଷାରେ ୬୦୯ ନମ୍ବର କୃତକାର୍ଯ୍ୟ ହେବା ସହ ସର୍ବଭାରତୀୟ ସ୍ତରରେ ୧୫,୨୩୯ ତମ ରାଙ୍କ ହାସଲ କରି ସରକାରୀ ମେଡିକାଲ କଲେଜରେ ଡାକ୍ତରୀ ପଢିବା ପାଇଁ ମନୋନୀତ ହୋଇଛନ୍ତି । ଏହି ଖବର ତାଙ୍କ ପରିବାର ପାଇଁ ଖୁସି ଆଣିଥିଲା ବେଳେ ସାହି ଲୋକ ଓ ତାଙ୍କ ଶିକ୍ଷକ ମାନେ ମଧ୍ୟ ବେଶ ଖୁସି । ତେବେ ଆଗକୁ ଡାକ୍ତରୀ ପଢି ଜଣେ ଭଲ ଡାକ୍ତର ହେବାକୁ ମୁର୍ଶିଦ ଲକ୍ଷ ରଖିଥିବା କହିଛନ୍ତି

ମୁର୍ଶିଦଙ୍କ ଏଭଳି ଉପଲବ୍ଧି ପାଇଁ ସ୍ଥାନୀୟ ଅଞ୍ଚଳବାସୀ ଖୁସିଥିବା ବେଳେ ତାଙ୍କର ଏଭଳି କାର୍ଯ୍ୟ ପାଇଁ ତାଙ୍କୁ ସମ୍ମାନୀତ କରିଛନ୍ତି । ବାପା ଓ ମାଆ ଅଶିକ୍ଷିତ ହୋଇ ମଧ୍ୟ ପୁଅର ପାଠ ପଢାରେ କୌଣସି ପ୍ରକାର ବାଧା ନ ଉପୁଜାଇ ତାକୁ ପଢିବାକୁ ସୁଯୋଗ ଦେଇଥିଲେ । ମ୍ୟାଟ୍ରିକ୍ ପରୀକ୍ଷାରେ ଭଲ ନମ୍ବର ରଖି ଯେତେବେଳେ ସେ ପାସ କଲେ ସେତେବେଳେ ତାଙ୍କ ପ୍ରତି ପରିବାର ଲୋକଙ୍କ ଆଶା ଓ ଆଙ୍କାକ୍ଷା ବଢିଥିଲା । ମୁର୍ଶିଦ ମଧ୍ୟ ନିଜ ପରିବାର ଲୋକଙ୍କ ପରିଶ୍ରମକୁ ସମ୍ମାନ ଜଣାଇ ପରିଶ୍ରମ କରି ଚାଲିଥିଲେ । ତାହା ଆଜି ତାଙ୍କ ପରୀକ୍ଷା ଫଳାଫଳରୁ ସ୍ପଷ୍ଟ ବାରି ହେଉଛି । ଆଗାକୁ ନିଜ ଅଞ୍ଚଳର ଲୋକଙ୍କ ସେବା କରିବେ ବୋଲୁ ମୁର୍ଶିଦ କହିଛନ୍ତି ।