ଓଡ଼ିଶାରେ ଖୁବ୍‌ଶୀଘ୍ର ବ୍ରେନ୍ ବ୍ୟାଙ୍କ୍, ଏଣିକି ମସ୍ତିଷ୍କ ବି ଦାନ କରିପାରିବେ ଲୋକ

ଭୁବନେଶ୍ୱର: ରାଜ୍ୟରେ ଖୁବ୍‌ଶୀଘ୍ର ଆରମ୍ଭ ହେବାକୁ ଯାଉଛି ବ୍ରେନ୍ ବ୍ୟାଙ୍କ୍ । ପୂର୍ବ ଭାରତରେ ପ୍ରଥମ ଥର ଏଭଳି ଏକ ବ୍ୟାଙ୍କ୍ ଖୋଲିବକୁ ଯାଉଛି । ମେଡିକାଲ କ୍ଷେତ୍ରରେ ଉଚ୍ଚ ଶିକ୍ଷା ଏବଂ ଗବେଷଣା ନିମନ୍ତେ ଏହା ବେଶ୍ ମହତ୍ୱ ରଖିବ । ଏହା ସହ ମସ୍ତିଷ୍କ ସମସ୍ୟାରେ ପୀଡ଼ିତ ଲୋକେ ଏହା ଯୋଗୁଁ ଉପକୃତ ହୋଇପାରିବେ ବୋଲି ବିଶେଷଜ୍ଞ ମତ ରଖିଛନ୍ତି ।

ମସ୍ତିଷ୍କ ଗବେଷଣା କ୍ଷେତ୍ରରେ ଆଉପାଦେ ଆଗକୁ ବଢିବ ଓଡ଼ିଶା । ପୂର୍ବ ଭାରତରେ ପ୍ରଥମ ଥର ପାଇଁ ଖୋଲିବାକୁ ଯାଉଛି ବ୍ରେନ୍ ବ୍ୟାଙ୍କ୍ । ସର୍ବ ଭାରତୀୟ ଆର୍ୟୁବିଜ୍ଞାନ ପ୍ରତିଷ୍ଠାନ ବା AIIMS ଭୁବନେଶ୍ୱରରେ ଖୁବଶୀଘ୍ର ଖୋଲିବକୁ ଯାଉଛି ଏହି ବ୍ୟାଙ୍କ୍ । ମସ୍ତିଷ୍କରେ ଥିବା ଟିସୁକୁ ସରକ୍ଷିତ କରି ରଖିବା ସହ ସେଗୁଡିକୁ ଗବେଷଣା ନିମନ୍ତେ ବ୍ୟବହାର କରାଯିବାକୁ ଲକ୍ଷ୍ୟ ରଖାଯାଇଛି । ବିଭିନ୍ନ ବୟସ ବର୍ଗ, ଭିନ୍ନ ଭିନ୍ନ ରୋଗ ତଥା ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତି ମାନଙ୍କ ମସ୍ତିଷ୍କ ଓ ସେଥିରୁ ଟିସୁ ନିଆଯାଇ ଏହି ବ୍ୟାଙ୍କରେ ରଖାଯିବ । ଏହା ମଡିକାଲ କ୍ଷେତ୍ରରେ ଉଚ୍ଚ ଶିକ୍ଷା ଏବଂ ଗବେଷଣା ନିମନ୍ତେ ସହାୟକ ହେବା ସହ ମସ୍ତିଷ୍କ ସମସ୍ୟାରେ ପୀଡ଼ିତ ଲୋକେ ଉପକୃତ ହୋଇପାରିବେ ବୋଲି ବିଶେଷଜ୍ଞ ମତ ରଖିଛନ୍ତି ।

Also Read

ଏଥର ବି ପାଣିଚିଆ ହେଲା ପାର୍ବଣ, ମୁଣ୍ଡରେ ହାତ ଦେଲେଣି ଛୋଟ ବ୍ୟବସାୟୀ

ବିଜେଡିକୁ ସାହା କଂଗ୍ରେସ ନେତା

ଓଡ଼ିଆ ଭାଷାର ଅସ୍ତିତ୍ୱ ରକ୍ଷା ପାଇଁ ଓଡ଼ିଆଙ୍କ ଲଢେଇ

ଆଇସିଏମ୍‌ଆର୍ ପକ୍ଷରୁ ଏହାକୁ ଅନୁମତି ପ୍ରଦାନ କରାଯାଇଥିବା ବେଳେ ପ୍ରାଥମିକ ପର୍ଯ୍ୟାୟରେ ଏହି ବ୍ୟାଙ୍କ୍ ପାଇଁ ୪୭ ଲକ୍ଷ ଟଙ୍କା ଅନୁଦାନ ମଧ୍ୟ ମିଳିସାରିଛି । ଭାରତ ଶରୀର ଅଙ୍ଗଦାନ ସମିତି ଅଧିନରେ ପୂର୍ବରୁ ବିଭିନ୍ନ ସମୟରେ ଅଙ୍ଗଦାନ ନିମନ୍ତେ ରାଜ୍ୟରେ ପ୍ରାୟ ୩୫ ହଜାର ଲୋକେ ପଞ୍ଜିକରଣ କରିଛନ୍ତି । କର୍ଣ୍ଣିଆ, ଲିଭର୍, କିଡ୍‌ନୀ ଭଳି ଅଙ୍ଗ ଦାନ କରୁଥିବା ବ୍ୟକ୍ତିମାନେ ନିଜ ଇଚ୍ଛାରେ ମସ୍ତିଷ୍କ ଦାନ କରିପାରିବେ । ଡିପାର୍ଟମେଣ୍ଟ ଅଫ୍ ପାଥୋଲୋଜି ଏବଂ ଲାବ୍ ମେଡିସିନ୍ ବିଭାଗରେ ଏହି ବ୍ରେନ୍ ବ୍ୟାଙ୍କ ଖୋଲିବାକୁ ଯାଉଛି ।