ଗୀତ ଛାଡ଼ି ପରିବା ବିକୁଛନ୍ତି ଆଫଗାନିସ୍ତାନୀ ଗାୟକ

ତାଲିବାନକୁ ଭୟ କରି ଅଫଗାନିସ୍ତାନର ପ୍ରସିଦ୍ଧ ଗାୟକ ହବିବୁଲ୍ଲା ଶବାବ୍ ଗୀତ ଗାଇବା ଛାଡି ପନିପରିବା ବିକ୍ରୀ କରୁଛନ୍ତି । ହବିବୁଲ୍ଲା ଶବାବ୍ ହେଉଛନ୍ତି ଆଫଗାନିସ୍ତାନର ଜଣେ ପ୍ରସିଦ୍ଧ ଗାୟକ ଓ କଳାକାର । ଅଫଗାନିସ୍ତାନକୁ ତାଲିବାନ ଅକ୍ତିଆର କଲା ପରେ ପ୍ରାୟ ସମସ୍ତ କଳାକାର ଅଫଗାନିସ୍ତାନରୁ ପଳାୟନ କରିଛନ୍ତି । ଆଫଗାନିସ୍ତାନକୁ ତାଲିବାନ ଆସିବା ପରେ ସେଠାକାର ପରିସ୍ଥିତି ସଂପୂର୍ଣ୍ଣ ଭାବେ ବଦଳି ଯାଇଛି । ରାଷ୍ଟ୍ରପତି,ସାଂସଦ,ରାଜନେତାଠାରୁ ଆରମ୍ଭ କରି ସେଲିବ୍ରେଟି ପର୍ଯ୍ୟନ୍ତ ସମସ୍ତେ ଦେଶ ଛାଡି ପଳାୟନ କରିଛନ୍ତି । ସେଠାକାର ଜନ ସାଧାରଣ ନିଜର ଭବିଷ୍ୟତକୁ ଆଖି ଆଗରେ ରଖି ଦେଶ ଛାଡି ପଳାୟନ କରୁଛନ୍ତି । ତେବେ ଆଫଗାନିସ୍ତାନର ଏଭଳି ପରିସ୍ଥିତିରେ ସୋସିଆଲ ମିଡିଆରେ ଏହିଭଳି ହୃଦୟ ବିଦାରକ ଚିତ୍ର ସାମନାକୁ ଆସୁଛି ।

Also Read

ମନ୍ତ୍ରୀ ପ୍ରତାପ ଜେନାଙ୍କ ଉପରେ ସାନି ତଦନ୍ତ ନିର୍ଦ୍ଦେଶ ଦେଲେ କୋର୍ଟ

ବିପଦରେ ଶ୍ରୀମନ୍ଦିର ରତ୍ନଭଣ୍ଡାର, RTIରୁ ମିଳିଲା ତଥ୍ୟ

ଟିକାକରଣ ପାଇଁ ଜୀବନକୁ ବାଜି ଲଗେଇ ନଦୀ ପାର ହେଲେ ସ୍ୱାସ୍ଥ୍ୟକର୍ମୀ

ହବିବୁଲ୍ଲା କହିଛନ୍ତି କି ଏବେ ତାଲିବାନରେ ସଂଗୀତ ଉପରେ ରୋକ୍ ଲଗାଯାଇଛି । ମୁଁ ବର୍ତ୍ତମାନ କେଉଁ ଗୀତ ଗାଇବି ତାହା ଜାଣିନି । ମୁଁ କେବଳ ଏବେ ମୋ ଛୋଟ ବ୍ୟବସାୟ ଉପରେ ଧ୍ୟାନ ଦେଉଛି । ଏହା ଛଡା ସେ କହିଛନ୍ତି ଯେ ଏଭଳି ପରିସ୍ଥିତିରେ ସଂଙ୍ଗୀତ ଉପରେ ସଂପୂର୍ଣ୍ଣ ରୋକ୍ ଲଗାଯାଇଛି । ସେଥିପାଇଁ ଆମକୁ କିଛି ନା କିଛି କାମ କରିବାକୁ ପଡିବ । ହବବୁଲ୍ଲା ଶବାବ କହିଛନ୍ତି ଯେ ସମସ୍ତ କଳାକାର ଦେଶ ଛାଡି ପଳାୟନ କରୁଛନ୍ତି ଏଥିରୁ ସ୍ପଷ୍ଟ ଜାଣା ପଡୁଛି ଯେ ଲୋକେ ଶାନ୍ତିରେ ଜୀବନଯାପନ କରିବାକୁ ଚାହୁଁଛନ୍ତି ।

ଏହା ପୂର୍ବରୁ ଆଫଗାନିସ୍ତାନର ପପ୍ ତାରକା ଆର୍ଯ୍ୟନା ସଇଦ ମଧ୍ୟ କାବୁଲ ଛାଡିଥିଲେ । ସେ ଆଫଗାନିସ୍ତାନ ଛାଡି ଆମେରିକାରେ ଅଛନ୍ତି । ଆର୍ଯ୍ୟନା ସଇଦ ଆମେରିକାର ସରକାରକୁ ନିବେଦନ କରିଛନ୍ତି କି ପାକିସ୍ଥାନକୁ ଦେଉଥିବା ଫଣ୍ଡକୁ ବନ୍ଦ କରି ଦିଅନ୍ତୁ। ପାକିସ୍ତାନ ଆଇଏସ୍ ଏବଂ ତାଲିବାନ ପାଇଁ ଆତଙ୍କବାଦୀ ଉତ୍ପାଦନ କରୁଛି ବୋଲି ସେ କହିଛନ୍ତି ।

ଆଫଗାନିସ୍ତାନରେ ହୋଇଥିବା ବିଶୃଙ୍ଖଳା ମଧ୍ୟରେ ପ୍ରସିଦ୍ଧ ମହିଳା ଚଳଚ୍ଚିତ୍ର ନିର୍ଦ୍ଦେଶକ ସାହାରା କରିମି ମଧ୍ୟ ଦେଶ ଛାଡି ୟୁକ୍ରେନର ରାଜଧାନୀ କଲିଭରେ ଅଛନ୍ତି । ପୂର୍ବରୁ ସେ କାବୁଲ ରାସ୍ତାରେ ବୁଲୁଥିବା ଏକ ଭିଡିଓ ରେକର୍ଡ କରି ସେଠାରେ ଥିବା ପରିସ୍ଥିତି ବିଷୟରେ ଜଣାଇଥିଲେ । ସାହାରା କରମି କହିଛନ୍ତି ଯେ ଅଫଗାନିସ୍ତାନର ସ୍ଥିତି ବହୁତ ଭୟାନକ ଅଛି ଯାହାକି ସାରା ବିଶ୍ୱ ଏହି କଷ୍ଟକୁ ଭୁଲି ପାରିବ ନାହିଁ ।