ଉଦ୍ଧାର ହେଲେ ଅପହୃତ ବ୍ୟକ୍ତି, ଚାକିରି ନାଁରେ ଠକୁଥିଲେ

ଭୁବନେଶ୍ୱର: ଚାକିରି ନାଁରେ ଲୋକଙ୍କୁ ଠକୁ ଥିବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି। ଚନ୍ଦକା ଥାନା ପୋଲିସ୍‌ ଅପହୃତଙ୍କୁ ଖୋର୍ଦ୍ଧାର ଏକ ଫାର୍ମ ହାଉସରୁ ଉଦ୍ଧାର କରିଛି। ଏହାସହ ୨ ଜଣ ଅପହରଣକାରୀଙ୍କୁ ପୋଲିସ୍‌ ଗିରଫ କରିଛି। ଅପହୃତ ହୋଇଥିବା ବ୍ୟକ୍ତି ହେଲେ ଅନ୍ଧାରୁଆ ଅଞ୍ଚଳର ସଦାନନ୍ଦ ବେହେରା।   

ସୂଚନା ଅନୁସାରେ, ସଦାନନ୍ଦ ଚାକିରି ଦେବା ନାଁରେ ଲୋକଙ୍କୁ ଠକୁଥିବା ଅଭିଯୋଗ ହୋଇଥିଲା। ୨ ଜଣ ବ୍ୟକ୍ତିଙ୍କୁ ଚାକିରି ଦେବା ନାଁରେ ସେ ସାଢ଼େ ୩ ଲକ୍ଷ ଟଙ୍କା ଠକି ନେଇଥିଲେ। ୨ ବର୍ଷ ପରେ ଟଙ୍କା କି ଚାକିରି ନ ଦେବାରୁ ସଦାନନ୍ଦଙ୍କୁ ପୁରୀ ଅଞ୍ଚଳର ପ୍ରମୋଦ ମହାନ୍ତି ଓ ନୟାଗଡ଼ର ସନ୍ତୋଷ ପଟ୍ଟନାୟକ ଗତ ୯ ତାରିଖରେ ଅପହରଣ କରି ନେଇଥିଲେ। ଏହାପରେ ସଦାନନ୍ଦଙ୍କ ପତ୍ନୀଙ୍କୁ ଫୋନ୍‌ କରି ଅପହରଣକାରୀ ୪ ଲକ୍ଷରୁ ଅଧକ ଟଙ୍କା ମାଗିଥିଲେ। ଏନେଇ ସଦାନନ୍ଦଙ୍କ ପତ୍ନୀ ଚନ୍ଦକା ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଥିଲା।

Also Read

ବୁଡ଼ି ଯିବ କି ବାଘ ବଂଶ ? କଳାହାଣ୍ଡିରୁ ବଡ଼ ଧରଣର ବାଘ ଛାଲ ରାକେଟର ପର୍ଦ୍ଦାଫାସ୍

ପାରିବାରିକ କଳହର କରୁଣ ପରିଣତି : ରୋଷେଇ କରିବାକୁ ମନା କରିବାରୁ ସ୍ତ୍ରୀକୁ ହତ୍ୟା କଲା ସ୍ୱାମୀ

ମେଡିକାଲ୍‌ର ୩ ମହଲାରୁ ଡେଇଁ ଯୁବତୀଙ୍କ ଆତ୍ମହତ୍ୟା

ଅପହରଣକାରୀ ସଦାନନ୍ଦଙ୍କ ପତ୍ନୀଙ୍କୁ କଲ୍‌ କରିଥିବା ଫୋନ୍‌ ନମ୍ବରକୁ ଟ୍ରାକ୍‌ କରି ପୋଲିସ ଖୋର୍ଦ୍ଧାର ଏକ ଫାର୍ମ ହାଉସରେ ଗତକାଲି ଚଢ଼ାଉ କରି ସଦାନନ୍ଦଙ୍କୁ ଉଦ୍ଧାର କରିବା ସହ ପ୍ରମୋଦ ଓ ସନ୍ତୋଷଙ୍କୁ ଗିରଫ କରିଥିଲେ। ପରେ ପୁରା ଘଟଣା ସାମ୍ନାକୁ ଆସିଥିଲା। ଏହାସହ ସଦାନନ୍ଦଙ୍କୁ ଠକେଇ ଅଭିଯୋଗରେ ପୋଲିସ୍‌ ଗିରଫ କରି କୋର୍ଟ ଚାଲାଣ କରିଛି।