କାମ ମିଳୁନି, ପେଟ ପୂରୁନି; ଦଲାଲ କବଳରୁ ଉଦ୍ଧାର ପରେ ଜୀବନ ଆହୁରି ଦୁର୍ବିସହ

କେନ୍ଦୁଝର/ତେଲକୋଇ : କର୍ମ ସଂସ୍ଥାନ ନ ମିଳିବାରୁ ବାଧ୍ୟ ହୋଇ ବାହାରକୁ ଦାଦନ ଖଟିବାକୁ ଯାଉଛନ୍ତି ଆଦିବାସୀ ଅଚଂଳର ଯୁବକ ଯୁବତୀ। ତାପରେ ଦଲାଲ୍‌ର ପ୍ରଲୋଭନରେ ପଡି ଠକାମୀର ଶିକାର ହୋଇ ପୁଣି ଗାଁକୁ ଫେରୁଛନ୍ତି। ଖବର ପ୍ରଚାରିତ ହେବା ମାତ୍ରେ ତାଙ୍କୁ ଉଦ୍ଧାର କରାଯାଉଛି ଏବଂ କାମ ଯୋଗାଇ ଦେବାର ପ୍ରତିଶ୍ରୁତି ଦେଉଛି ପ୍ରଶାସନ, ହେଲେ ଏହା କେବଳ ପ୍ରତିଶ୍ରୁତିରେ ହିଁ ରହିଯାଉଛି।

ବଣ ପାହାଡ଼ ଘେରା କେନ୍ଦୁଝର ଜିଲ୍ଲାର ନିପୋ ଗାଁରେ ବସବାସ କରନ୍ତି ପ୍ରାୟ ୬୫ଟି ଭୂୟାଁ ଜନଜାତି ପରିବାର। ବେଉଷା କହିଲେ ପୋଡୁଚାଷ ଯାହାକି ପରିବାରର ଆବଶ୍ୟକତା ମେଣ୍ଟାଇ ପାରେନି। ଫଳରେ ପରିବାର ଚଳାଇବା ପାଇଁ ଗାଁର ୧୨ ଝିଅ ଗୋଡ଼ କାଢ଼ିଥିଲେ ବାହାରକୁ। ସେମାନଙ୍କ ମଧ୍ୟରେ ଥିଲେ ଏହି ଚିନି, କାନ୍ଦ, ଓ କଇଁ। ମିଠା ଦୋକାନରେ କାମ କରାଇବା କଥା କହି ଦଲାଲ ଏମାନଙ୍କୁ ଦିଲ୍ଲୀରେ ବିକି ଦେଇଥିଲା। ସେଠାରେ ବାସନ ମାଜିବା କାମ କରୁଥିଲେ। ସେପଟେ ଝିଅମାନଙ୍କ ସଂପର୍କରେ ଖୋଜଖବର ନ ମିଳିବାରୁ ପରିବାର ଲୋକେ ପ୍ରଶାସନର ଦ୍ୱାରସ୍ଥ ହୋଇଥିଲେ।

ଶେଷରେ ଏମାନଙ୍କୁ ଉଦ୍ଧାର କରାଗଲା। ହେଲେ ଉଦ୍ଧାର ପରେ ଜୀବନ ଆହୁରି ଦୁର୍ବିସହ। ପ୍ରଶାସନ ତରଫରୁ ମନରେଗାରେ ନା କାମ ମିଳୁଛି ନା ସରକାରୀ ସହାୟତା। ଫଳରେ ଦୁଖ କଷ୍ଟରେ ବିତୁଛି ଜୀବନ।

କେବଳ ଚିନି, କାନ୍ଦ ଓ କଇଁ ନୁହେଁ, ମିଠେଇ, ଦେହୁରୀ ଓ ସୁନ୍ଦରୀ ପ୍ରଧାନଙ୍କର ମଧ୍ୟ ସେହି ସମାନ ଅବସ୍ଥା। ସରକାରୀ କାମ ଗାଁରେ ହେଲେ ଦୁଇ ପଇସା ମିଳୁଛି, ନହେଲେ ନାହିଁ।

ଦକ୍ଷତା ବିକାଶ ଯୋଜନା ମାଧ୍ୟମରେ ଗରିବ ଯୁବକ ଯୁବତୀ ରୋଜଗାରକ୍ଷମ ହୋଇପାରିବେ ବୋଲି ସରକାର ଡିଣ୍ଡିମ ପିଟୁଥିବାବେଳେ ରାଜ୍ୟର ବାସ୍ତବ ସ୍ଥିତି କିନ୍ତୁ ଅଲଗା ଏବେ ଦେଖିବାର କଥା ଏହି ଭୂୟାଁ ଜନଜାତିଙ୍କୁ ସରକାର କେବେ ରୋଜଗାରକ୍ଷମ କରୁଛନ୍ତି ଏବଂ ସରକାରୀ ସୁବିଧା ଯୋଗାଇ ଦେଉଛନ୍ତି।

(ତେଲକୋଇରୁ ଚିନ୍ମୟ କୁମାର ସାହୁଙ୍କ ରିପୋର୍ଟ)

ଆହୁରି ପଢ଼ନ୍ତୁ

ଜିଓକୁ ପଛରେ ପକାଇଲା ଏୟାର୍‌ଟେଲ୍‌

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

You might also like