ଚିକେନ୍‌ ପିଆଜ କଷା

ଚିକେନ୍‌ରେ ତିଆରି ବହୁତ ପ୍ରକାର ଆଇଟମ୍‌ ତ ଆପଣ ଖାଇଥିବେ। ପ୍ରାୟ ସବୁବେଳେ ବହୁତ ମସଲା ଦିଆ ହୋଇ ଚିକେନ୍‌ର ବିଭିନ୍ନ ପ୍ରକାରର ଆଇଟମ୍‌ ପ୍ରସ୍ତୁତ କରାଯାଇଥାଏ। କିନ୍ତୁ କେବେ ଚିକେନ୍‌ ପିଆଜ କଷା ଖାଇଛନ୍ତି କି? ଏଥିରେ ଅଳ୍ପ ମସଲା ବ୍ୟବହାର ହେବା ସହ ସ୍ୱାଦିଷ୍ଟ ମଧ୍ୟ ହୋଇଥାଏ। ତା’ହାଲେ ଜାଣନ୍ତୁ କିପରି ପ୍ରସ୍ତୁତ କରିବେ ଚିକେନ୍‌ ପିଆଜ କଷା ।

ଆବଶ୍ୟକୀୟ ସାମଗ୍ରୀ

ଚିକେନ୍‌, ପିଆଜ, ଟମାଟୋ, କଞ୍ଚାଲଙ୍କା, ହଳଦୀ ଗୁଣ୍ଡ,ଗରମ ମସଲା, ଲଙ୍କା ଗୁଣ୍ଡ, ତେଲ ଏବଂ ସ୍ୱାଦ ଅନୁସାରେ ଲୁଣ

ପ୍ରସ୍ତୁତି ପ୍ରଣାଳୀ

ପ୍ରଥମେ ଏକ ପ୍ୟାନ୍‌ ଗରମ କରି ସେଥିରେ ତେଲ ପକାନ୍ତୁ। ତେଲ ଟିକେ ଗରମ ହୋଇ ଆସିଲା ପରେ ସେଥିରେ ପିଆଜ ପକାଇ ଭାଜନ୍ତୁ। ଯେହେତୁ ଏହି ବ୍ୟଞ୍ଜନର ନାମ ଚିକେନ୍‌ କଷା ପିଆଜ ସେଥିପାଇଁ ଏଥିରେ ଅଧିକ ପରିମାଣରେ ପିଆଜ ବ୍ୟବହାର କରିବେ। ପିଆଜ ଭାଜି ହୋଇ ବାଦାମୀ ରଙ୍ଗ ହୋଇ ଆସିଲେ ସେଥିରେ କଞ୍ଚାଲଙ୍କା ଏବଂ ଚିକେନ୍‌ ପକାଇ କଷନ୍ତୁ। ତା’ ପରେ ସେଥିରେ ହଳଦୀ ଗୁଣ୍ଡ, ଲୁଣ, ଲଙ୍କା ଗୁଣ୍ଡ ଏବଂ ଟମାଟୋ ପକାଇ ଭଲଭାବରେ କଷନ୍ତୁ। ଚିକେନ୍‌ କଷି ହୋଇଗଲା ପରେ ସେଥିରେ ଅଳ୍ପ ପାଣି ଦେଇ କିଛି ସମୟ ସିଝିବାକୁ ଛାଡ଼ି ଦିଅନ୍ତୁ। ଚିକେନ୍‌ ସିଝି ହୋଇ ଆସିଲେ ଅଳ୍ପ ଗ୍ରେଭି ରହିବା ଯାଏ ଫୁଟାନ୍ତୁ। ଫଳରେ ଏଥିରେ ଅଧିକ ପାଣି ରହିବ ନାହିଁ କି ପୂରା ଶୁଖିଲା ମଧ୍ୟ ହେବ ନାହିଁ। ଶେଷରେ ଗରମ ମସଲା ପକାଇ ଏହାକୁ ପରଷନ୍ତୁ। ଏହାକୁ ରୁଟି କିମ୍ବା ପରଟା ନହେଲେ ଭାତ ସହ ମଧ୍ୟ ଖାଇପାରିବେ।

 

ଆହୁରି ପଢ଼ନ୍ତୁ

ଏହି କାମ କରୁଛନ୍ତି କି ? ସେଥିପାଇଁ ମୁହଁରେ ବାହାରୁଛି ବ୍ରଣ

ଖଟା ହୋଇଥିବା କ୍ଷୀରକୁ ଫିଙ୍ଗି ଦେଉଛନ୍ତି କି ? ଜାଣନ୍ତୁ କେଉଁ କାମରେ ଏହା ଆସିପାରେ

କପାଳଭାତି ପ୍ରାଣାୟମ କଲେ ଅବିଶ୍ୱସନୀୟ ଲାଭ ମିଳେ…

ପ୍ରତିଦିନ ସମାନ ଖାଦ୍ୟ ଖାଉଛନ୍ତି କି ? ହୋଇଯାଆନ୍ତୁ ସାବଧାନ !

ଜାଣନ୍ତୁ ସ୍ତନ କର୍କଟର ଲକ୍ଷଣ ସମ୍ପର୍କରେ

ସହଜରେ ବାସନରୁ ଛଡ଼ାନ୍ତୁ ପୋଡ଼ା ଦାଗ

ବିନା ବ୍ୟାୟାମ ଓ ଡାଏଟିଂ ରେ ଆପଣ ନିଜର ଓଜନ କମାଇ ପାରିବେ, ଜାଣନ୍ତୁ ଉପାୟ

ନିରାମିଷରେ ପ୍ରସ୍ତୁତ ଚିକେନ, ମଟନ, ଚିଙ୍ଗୁଡ଼ି !

ପାଚିଲା ଚୁଟିକୁ ନେଇ ଚିନ୍ତିତ କି? କଳା କରିବା ପାଇଁ ଆପଣାନ୍ତୁ ଏହି ସହଜ ଉପାୟ

ସେଓ ଖାଇବା ପରେ ଏହିସବୁ ଖାଦ୍ୟ ଖାଉଛନ୍ତି କି? ହୁସିଆର୍‌ ହୋଇଯାଆନ୍ତୁ, ନ ହେଲେ…

୧୫ ମିନିଟ୍‌ର ଆସନ ବିଭିନ୍ନ ସମସ୍ୟାର ଉପଶମକାରୀ …

ଜନ୍ମଦିନରେ ଆପଣ ଏମିତି କରୁଛନ୍ତି କି ? ସାବଧାନ

You might also like