ଯୋଗୀ ଆଦିତ୍ୟନାଥଙ୍କ ପିତାଙ୍କ ପରଲୋକ

ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପିତା ଆନନ୍ଦ ସିଂ ବିଷ୍ଟଙ୍କ ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିଲା।

ସେ ଦିଲ୍ଲୀ ସ୍ଥିତ ଏମ୍ସରେ ଚିକିତ୍ସାଧୀନ ଥିଲେ।

ଆଜି ସକାଳ ୧୦ଟା ୪୪ମିନିଟ ସମୟରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ। ଏନେଇ  ୟୁପି ଅତିରିକ୍ତ ମୁଖ୍ୟ ଶାସନ ସଚିବ(ଗୃହ) ସୂଚନା ଦେବା ସହ ଗଭୀର ସମବେଦନା ଜଣାଇଛନ୍ତି।

କୋଭିଡ-୧୯କୁ ନେଇ ମିଟିଂ ଚାଲିଥିବାବେଳେ ଯୋଗୀ ଆଦିତ୍ୟନାଥଙ୍କୁ ପିତାଙ୍କ ଦେହାନ୍ତ ଖବର ମିଳିଥିଲା। ଏହି ଦୁଃଖଦ ଖବର ଶୁଣିଲା ପରେ ମଧ୍ୟ ସେ ମିଟିଂ ଜାରି ରଖିଥିଲେ। ହେଲେ ଯୋଗୀଙ୍କ  ଆଖିରେ ଲୁହ ଦେଖିବାକୁ ମିଳିଥିଲା।

ଯୋଗୀ ଆଦିତ୍ୟନାଥଙ୍କ ପିତାଙ୍କ କିଡ଼ନୀ ସମସ୍ୟା ଥିଲା। ଅସୁସ୍ଥତା କାରଣରୁ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିଲା।

ଆନନ୍ଦ ସିଂ, ଉତ୍ତରାଖଣ୍ଡ ୟମକେଶ୍ୱରର ପଞ୍ଚୁର ଗାଁରେ ରହୁଥିଲେ। ସେ  ୧୯୯୧ରେ ଫରେଷ୍ଟ ବିଭାଗର ରେଞ୍ଜର ପଦବୀରୁ ଅବସର ନେବା ପରେ ସେ ତାଙ୍କ ପୈତୃକ ଗାଁରେ ରହୁଥିଲେ।

You might also like