ବାଘ ରାସ୍ତାରେ ଅଜଗର, ଦେଖନ୍ତୁ ଆଗକୁ କଣ ଘଟିଲା…

ନୂଆଦିଲ୍ଲୀ: କୌଣସି ପଶୁ ପକ୍ଷୀ ବା ସରୀସୃପକୁ ଦେଖି ବାଘ ସ୍ଥିର ରହିବାର ଆପଣ କେବେ ଦେଖିଛନ୍ତି କି ? କାରଣ ଜଙ୍ଗଲରେ ବାଘର ପତିଆର ବେଶ୍। ସେ କାହାର ଉପସ୍ଥିତିକୁ ସହିପାରେନା। କେବେ କେବେ ବିଶାଳ ଅଜଗର ଓ ବାଘର ମୁହାଁମୁହିଁ ଦୃଶ୍ୟ ଆପଣ ଭିଡିଓରେ ଦେଖିଥିବେ। କିଛି ଭିଡିଓରେ ଆପଣ ଦେଖିଥିବେ ଯେ ବାଘ ଏବଂ ଅଜଗର ସାପ ମଧ୍ୟରେ ଲଢ଼େଇ ଲାଗିଥିବାର ଏବଂ ଶେଷରେ ବାଘ ଅଜଗରର ସାମ୍ନା କରିନପାରି ଜଙ୍ଗଲକୁ ପଳାଇବାର।

ଏହିପରି ଏକ ୪୪ ସେକେଣ୍ଡର ଭିଡିଓ ଭାରତୀୟ ଫରେଷ୍ଟ ସର୍ଭିସ (ଆଇଏଫଏସ)ର ଅଧିକାରୀ ସୁଶାନ୍ତ ନନ୍ଦ ଟ୍ୱିଟରରେ ସେୟାର କରିଛନ୍ତି। ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହୋଇଛି, ଯେଉଁଥିରେ କି ବାଘ ଜାଣିଶୁଣି ବିପଦ ଠାରୁ ଦୂରେଇ ଯାଉଛି ଏବଂ ଅଜଗରକୁ ଯିବାପାଇଁ ଅନୁମତି ଦଉଛି। ସେ ଏହାର କ୍ୟାପସନରେ ବାଘ ଅଜଗରକୁ ଯିବାପାଇଁ ବାଟ ଛାଡ଼ିଛି ବୋଲି ଲେଖିଛନ୍ତି।

ଭିଡିଓଟିରେ ବାଘଟି ବାଟରେ ଯାଉଥିବା ସମୟରେ ଗୋଟିଏ ଅଜଗର ସେହି ବାଟରେ ଅତିକ୍ରମ କରୁଥିଲା। ବାଘଟି ଜାଣିଶୁଣି ତା ସହିତ ଲାଗିନଥିଲା ଏବଂ ତା ଚାରିପାଖରେ ଘୁରି ବୁଲିଥିଲା। ଶେଷରେ ସେ ତାକୁ ଯିବାପାଇଁ ବାଟ ଛାଡ଼ିଦେଇଥିଲା।

You might also like