ପୁଲିସ ହେବ ତ ଏମିତି ; ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ମେଡିକାଲ ପହଞ୍ଚାଇଲେ ଏସ୍‌ପି

ରାଉରକେଲା (ସତ୍ୟାନନ୍ଦ ମହାନ୍ତି): ପୁଲିସ ହେବ ତ ଏମିତି , ଯିଏ ବିପଦ ଆପଦରେ ଲୋକଙ୍କ ପାଖରେ ଛିଡ଼ା ହୁଏ।  ଠିକ୍ ଯେମିତି ସୁନ୍ଦରଗଡ ଏସପି ସୌମ୍ୟା ମିଶ୍ର। ଜଣେ ଆହତ ବ୍ୟକ୍ତିଙ୍କୁ ବଞ୍ଚାଇବା ପାଇଁ ପ୍ରାଣମୂର୍ଚ୍ଛା ଉଦ୍ୟମ କରି  ସେ ନିଜ କର୍ତ୍ତବ୍ୟର ପରିଚୟ ଦେଇଛନ୍ତି।

ସୂଚନା ଅନୁସାରେ, ସୁନ୍ଦରଗଡ଼ରୁ ରାଜଗାଙ୍ଗପୁର ଆସୁଥିଲେ ଏସ୍‌ପି ସୌମ୍ୟା। କୁତ୍ରା ନିକଟ ବିଜୁ expressway ରେ ସେହି ସମୟରେ ଏକ ବାଇକ ଧକ୍କା ଦେଇଥିଲା ଜଣେ ସାଇକେଲ ଅରୋହୀଙ୍କୁ । ବାଇକ୍‌ ଧକ୍କାରେ ସାଇକେଲ ଆରୋହି ରାଜେନ୍ଦ୍ର କିସପେଟା ଗୁରୁତର ଆହତ ହୋଇ highway ରେ ପଡ଼ିଥିଲେ ମଧ୍ୟ  କେହି ସହାୟତା କରିନିଥିଲେ ।

ଏହି ସମୟରେ ସେଠାରେ ଏସପି ସୌମ୍ୟା ମିଶ୍ର ପହଞ୍ଚି ନିଜ ସରକାରୀ ପୁଲିସ ଗାଡ଼ିରେ ଆହତ ରାଜେନ୍ଦ୍ରଙ୍କୁ ଚିକତ୍ସା ଲାଗି ନେଇଥିଲେ ରାଜଗାଙ୍ଗପୁର ହସ୍ପିଟାଲ। ଏପରିକି ସୌମ୍ୟାଙ୍କ ବ୍ୟକ୍ତିଗତ ରକ୍ଷା ଜ୍ୟାକେଟକୁ ଷ୍ଟ୍ରେଚର ଭାବେ ବ୍ୟବହାର କରାଯାଇଥିଲା। ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିଙ୍କୁ ସାଙ୍ଗେ ସାଙ୍ଗେ ହସ୍ପିଟାଲ ନେବା କେତେ ଜରୁରୀ, ଏହାର ବାର୍ତ୍ତା ଦେଇଛନ୍ତି ଏସ୍‌ପି ସୌମ୍ୟା ମିଶ୍ର। ତେବେ ଦୁଃଖର କଥା ଡାକ୍ତରଙ୍କ ଶତ ଚେଷ୍ଟା ସତ୍ତ୍ୱେ ଆହତ ବ୍ୟକ୍ତିଙ୍କ ମୃତ୍ୟୁ ହୋଇଛି।

ଆହୁରି ପଢ଼ନ୍ତୁ

You might also like