ସୁଶାନ୍ତଙ୍କ ଆତ୍ମହତ୍ୟା ପରେ ମ୍ୟୁଜିକ୍‌ ଇଣ୍ଡଷ୍ଟ୍ରିକୁ ନେଇ ଚାଞ୍ଚଲ୍ୟକର କଥା କହିଲେ ସୋନୁ ନିଗମ

ମୁମ୍ବାଇ: ଅଭିନେତା Sushant Singh Rajput ‌ଙ୍କ ଆତ୍ମହତ୍ୟା ଘଟଣା ପରେ ଫିଲ୍ମ ଇଣ୍ଡଷ୍ଟ୍ରିରେ ଭେଦଭାବ, ପାରିବାରିକବାଦ ଚାଲିଥିବା ନେଇ ସ୍ୱର ଉଠିଛି। ଏସବୁ ଭିତରେ ବଲିଉଡ୍‌ ଲୋକପ୍ରିୟ ଗାୟକ ସୋନୁ ନିଗମ ମ୍ୟୁଜିକ୍‌ ଇଣ୍ଡଷ୍ଟ୍ରିକୁ ନେଇ ଏକ ଚାଞ୍ଚଲ୍ୟକର କଥା କହିଛନ୍ତି। ଯାହା ସମସ୍ତଙ୍କୁ ଆଚମ୍ବିତ କରିଛି।

ଖୁବ୍‌ ଶୀଘ୍ର ମ୍ୟୁଜିକ୍‌ ଇଣ୍ଡଷ୍ଟ୍ରିରୁ ଆତ୍ମହତ୍ୟା ଖବର ଆସିପାରେ ବୋଲି ଗୁରୁବାର ଦିନ Sonu Nigam Instagram ରେ ଏକ ଭିଡିଓ ଶେଆର୍‌ କରି ସେ ଏହା କହିଛନ୍ତି। ଏଭଳି କଥା କହିବା ପଛରେ ଅନେକ କାରଣ ଅଛି ବୋଲି ସୋନୁ କହିଛନ୍ତି।

‘ବର୍ତ୍ତମାନ ତ କେବଳ ଅଭିନେତା ସୁଶାନ୍ତ ସିଂ ରାଜପୁତ୍‌ ଆତ୍ମହତ୍ୟା କରିଛନ୍ତି। କିନ୍ତୁ ମ୍ୟୁଜିକ୍‌ ଇଣ୍ଡଷ୍ଟ୍ରିରେ ଯେଉଁଭଳି ଭାବରେ ମାଫିଆ ସକ୍ରିୟ ଅଛନ୍ତି, ଏମିତି ହୋଇପାରେ ଆଗକୁ ଏହି ଇଣ୍ଡଷ୍ଟ୍ରିରେ ଆତ୍ମହତ୍ୟା ଖବର ଆସିପାରେ’ ବୋଲି ସୋନୁ ଏହି ଭିଡିଓରେ କହୁଥିବା ଦେଖିବାକୁ ମିଳିଛି।

ସେ ଆହୁରି ମଧ୍ୟ କହିଛନ୍ତି, ଜଣେ-ଦୁଇ ଜଣ ଲୋକ ପୂରା ମ୍ୟୁଜିକ୍‌ ଇଣ୍ଡଷ୍ଟ୍ରିକୁ ନିଜ୍‌ କବ୍‌ଜାରେ ରଖିଛନ୍ତି। ସେମାନେ ହିଁ ନିଷ୍ପତ୍ତି ନେଇଥାନ୍ତି କେଉଁ ସିଙ୍ଗର ଗୀତ ଗାଇବେ ଓ କେଉଁମାନେ ନୁହେଁ।

ସୋନୁ କହିଛନ୍ତି, ‘ଆଜି ସୁଶାନ୍ତ ସିଂ ରାଜପୁତ୍‌ ଆତ୍ମହତ୍ୟା କରିଛନ୍ତି। କାଲି ଆପଣମାନେ ଶୁଣିବାକୁ ପାଇପାରନ୍ତି ଯେ, କୌଣସି ସିଙ୍ଗର କିମ୍ବା ମ୍ୟୁଜିକ୍‌ କମ୍ପୋଜର୍‌ ଆତ୍ମହତ୍ୟା କରିଛନ୍ତି। କାରଣ ଏବେ ମ୍ୟୁଜିକ୍‌ ଇଣ୍ଡଷ୍ଟ୍ରିରେ ଯେଉଁ ପରିବେଶ ସୃଷ୍ଟି ହୋଇଛି, ଏଠି ଫିଲ୍ମଠୁ ବଡ଼ ବଡ଼ ମାଫିଆ ଅଛନ୍ତି। ମୁଁ ବହୁତ୍‌ ଭାଗ୍ୟବାନ୍‌। କାରଣ କମ୍‌ ବୟସରେ ମୁଁ ଏହି ଇଣ୍ଡଷ୍ଟ୍ରିକୁ ଆସି ଯାଇଥିଲି ଓ ଏସବୁରୁ ରକ୍ଷା ପାଇ ଯାଇଥିଲି। କିନ୍ତୁ ଏବେ ଯେଉଁ ନୂଆ ଲୋକ ଏହି ଇଣ୍ଡଷ୍ଟ୍ରିକୁ ଆସୁଛନ୍ତି, ସେମାନଙ୍କ ପାଇଁ ବହୁତ ମୁସ୍କିଲ୍‌।

ସେ ଆହୁରି କହିଛନ୍ତି, ‘ ମ୍ୟୁଜିକ୍‌ ଇଣ୍ଡଷ୍ଟ୍ରିରେ ଦୁଇ ଜଣ ଲୋକଙ୍କ ହାତରେ ପାୱାର ଅଛି, ଦୁଇଟି କମ୍ପାନୀ ଅଛି। ସେମାନେ ହିଁ ନିଷ୍ପତ୍ତି ନେଇଥାନ୍ତି, କିଏ ଗୀତ ଗାଇବେ ଓ କେଉଁମାନେ ଗାଇବେ ନାହିଁ।

‘ମୁଁ ତ ଏସବୁ ବାହାରି ଯାଇଛି। ମୁଁ ମୋ ଦୁନିଆରେ ବହୁତ ଖୁସି ଅଛି। କିନ୍ତୁ ମୁଁ ନୂଆ ଗାୟକ/ଗାୟିକା, ନୂଆ କମ୍ପୋଜର୍‌, ନୂଆ ଗୀତକାରଙ୍କ ଆଖିରେ ଲୁହ ଦେଖିଛି।

ସେ ଆହୁରି କହିଛନ୍ତି, ‘ମୁଁ ଯାହା ଦେଖିଛୁ, ତାହା କହୁଛୁ। ଏହାକୁ ନେଇ କିଛି ଲୋକ କହିବେ ସୋନୁ ମୋ ନାଁରେ ଏମିତି କହିଲା। କିନ୍ତୁ ମୁଁ ଭାବୁଛି ଯେ, କ୍ରିଏଟିଭିଟି ୨ଜଣଙ୍କ ହାତରେ ରହିବା ଉଚିତ୍‌ ନୁହେଁ। ଯଦି ସବୁକିଛି ଆପଣମାନେ ନିଷ୍ପତ୍ତି ନେବେ, ତେବେ ମ୍ୟୁଜିକ୍‌ କେମିତି ଭଲ ହେବ ? ପୂର୍ବରୁ ମ୍ୟୁଜିକ୍‌ ବହୁତ ଭଲ ଥିଲ। ହେଲେ ଏବେ ମ୍ୟୁଜିକ୍‌ ଇଣ୍ଡଷ୍ଟ୍ରି ସଙ୍କୁଚିତ ହେବାରେ ଲାଗିଛି। ’

ସୁଶାନ୍ତ ସିଂଙ୍କ ଆତ୍ମହତ୍ୟା ଘଟଣା ପରେ ଏବେ ମ୍ୟୁଜିକ୍‌ ଇଣ୍ଡଷ୍ଟ୍ରିରେ କ’ଣ ଚାଲିଛି ସେନେଇ ସୋନୁ ନିଗମଙ୍କ ଏହି ଚାଞ୍ଚଲ୍ୟକର କଥା ସାମ୍ନାକୁ ଆସିବା ପରେ ଏବେ ସମସ୍ତଙ୍କ ମନ ମଧ୍ୟରେ ଅନେକ ପ୍ରଶ୍ନ ସୃଷ୍ଟି ହୋଇଛି।

Watch this video:

View this post on Instagram

You might soon hear about Suicides in the Music Industry.

A post shared by Sonu Nigam (@sonunigamofficial) on

ଆହୁରି ମଧ୍ୟ ପଢ଼ନ୍ତୁ: ଦୁଃଖ ନିଜ ଭିତରେ ଚାପି ରଖିଥିଲେ, ବାପାଙ୍କୁ ବି କହି ନଥିଲେ।

ଆହୁରି ପଢ଼ନ୍ତୁ

ସୁଶାନ୍ତ ସିଂଙ୍କ ମୃତ୍ୟୁ ପଛରେ ଦାଉଦ୍‌ ଇବ୍ରାହିମ୍‌ ଗ୍ୟାଙ୍ଗ !

ସୁଶାନ୍ତଙ୍କ ଆତ୍ମହତ୍ୟାର ୧୪ ଦିନ ପରେ ଗର୍ଲଫ୍ରେଣ୍ଡ୍‌ ରିୟା ନେଲେ ଏମିତି ପଦକ୍ଷେପ

ଶେଷଥର ପାଇଁ ବାପାଙ୍କୁ ଏହି କଥା କହିଥିଲେ ସୁଶାନ୍ତ…

ଯେତେବେଳେ ନିଜକୁ ଧୋନିଙ୍କ ରୂପରେ ଦେଖିଥିଲେ ସୁଶାନ୍ତ, ଏମିତି ଥିଲା ରିଆକ୍ସନ…

ଜୀବନରେ ସବୁଠୁ ବେଶୀ ଡର କ’ଣ ଲାଗେ ? ପ୍ରଶ୍ନରେ ଏମିତି ଉତ୍ତର ଦେଇଥିଲେ ସୁଶାନ୍ତ

ଟି-ସିରିଜ୍ କମ୍ପାନୀ ମାଲିକଙ୍କୁ ଖୋଲା ଚେତାବନୀ ଦେଲେ ସୋନୁ ନିଗମ, କହିଲେ…

‘ବନ୍ଦେ ଭାରତମ୍‌’ ଫିଲ୍ମରେ ଲିଡ୍‌ ରୋଲ କରିଥାନ୍ତେ ସୁଶାନ୍ତ, କିନ୍ତୁ…

ସୁଶାନ୍ତଙ୍କ ପୂର୍ବରୁ ଧୋନିଙ୍କ ଭୂମିକାରେ ଅଭିନୟ କରିବାକୁ ଚାହୁଁଥିଲେ ଏହି ଅଭିନେତା

ସୁଶାନ୍ତଙ୍କ ଗର୍ଲଫ୍ରେଣ୍ଡ୍‌ ରିୟାଙ୍କ ପାଇଁ ବଢ଼ିଲା ଅଡ଼ୁଆ

ସୁଶାନ୍ତଙ୍କ ଆତ୍ମହତ୍ୟାର ସପ୍ତାହକ ପରେ ନୀରବତା ଭାଙ୍ଗିଲେ ସଲମାନ୍‌, ଫ୍ୟାନ୍ସଙ୍କୁ କଲେ ଏମିତି ନିବେଦନ

ସୁଶାନ୍ତଙ୍କୁ ମୃତ୍ୟୁ ମୁଖରୁ କେବଳ ଏହି ବାନ୍ଧବୀ ହିଁ ବଞ୍ଚାଇ ପାରିଥାନ୍ତେ !

ସୁଶାନ୍ତଙ୍କ ଗର୍ଲଫ୍ରେଣ୍ଡ୍‌ ରିୟାଙ୍କୁ ୯ ଘଣ୍ଟା ଜେରା, ସାମ୍ନାକୁ ଆସିଲା ଅନେକ ତଥ୍ୟ…

You might also like