ଏଡିଜିଙ୍କ ଝିଅଙ୍କୁ ଚାପୁଡା ମାରିଲେ ଟ୍ରାଫିକ୍‌ କନଷ୍ଟେବଲ

ଭୁବନେଶ୍ୱର : ଭୁବନେଶ୍ୱରରେ ପୁଲିସ୍‌ ଏଡିଜିଙ୍କ ଝିଅଙ୍କୁ ମାଡ଼ ଅଭିଯୋଗ। ଏଜି ଛକରେ ଜଣେ ଟ୍ରାଫିକ୍‌ କନଷ୍ଟେବଲ ତାଙ୍କୁ ଚାପୁଡ଼ା ମାରିଥିବା ଅଭିଯୋଗ ହୋଇଛି। ଟ୍ରାଫିକ୍ ନିୟମ ଉଲଂଘନ ଅଭିଯୋଗକୁ ନେଇ ଏଭଳି ଅପ୍ରୀତିକର ଘଟଣା ଘଟିଥିବା ସୂଚନା ମିଳିଛି।

ଏଡିଜି ପ୍ରଣବିନ୍ଦୁ ଆଚାର୍ଯ୍ୟଙ୍କ ପତ୍ନୀ ଓ ଝିଅ ଏକ ଗାଡ଼ିରେ ରାଜମହଲ ଛକରୁ ଏଜି ଛକ ଅାଡକୁ ଅାସୁଥିଲେ। ତେବେ ଟ୍ରାଫିକ୍‌ ନିୟମ ଉଲ୍ଲଂଘନ ଅଭିଯୋଗକୁ ନେଇ ଏଜି ଛକରେ ଥିବା ଜଣେ ଟ୍ରାଫିକ୍ କନଷ୍ଟେବଲଙ୍କ ସହ ସେମାନଙ୍କ ବଚସା ହୋଇଥିଲା। ଏହି ସମୟରେ ଟ୍ରାଫିକ୍ କନଷ୍ଟେବଲ ଜଣଙ୍କ ତାଙ୍କୁ ଚାପୁଡ଼ା ମାରିଥିବା ଅଭିଯୋଗ କରିଛନ୍ତି ଏଡିଜିଙ୍କ ଝିଅ।

ପରେ ସେ ଏନେଇ ଭୁବନେଶ୍ୱର ଡିସିପିଙ୍କୁ ଜଣାଇଛନ୍ତି। ଖବର ପାଇ ଟ୍ରାଫିକ୍‌ ଥାନାରେ ପହଞ୍ଚିଥିଲେ ନିଜେ ଏଡିଜି ପ୍ରଣବିନ୍ଦୁ ଆଚାର୍ଯ୍ୟ। ତେବେ ଏନେଇ ସମ୍ପୃକ୍ତ ମହିଳା ଟ୍ରାଫିକ୍‌ କନଷ୍ଟେବଲ ନିଜର ପ୍ରତିକ୍ରିୟାରେ କହିଛନ୍ତି , ମୁଁ ମୋର ଦାୟିତ୍ୱ କରିଛି । କାର୍‌ ଚଳାଉଥିବା ମହିଳା ଟ୍ରାଫିକ୍‌ ନିୟମ ଉଲ୍ଲଂଘନ କରିଥିଲେ ।

You might also like