‘କରୋନା କଣ ଆମେ ଜାଣିନୁ’

ମାଲକାନଗିରି :  କରୋନା କଟକଣା ପ୍ରଭାବ ଶୂନ୍ୟ। ଆଦିମ ଜନଜାତି ବଣ୍ଡା ଏହି ମହାମାରି ବିଷୟରେ ନା କଣ ଜାଣିଛନ୍ତି ନା ସଚେତନତା ଅବଲମ୍ବନ କରିଛନ୍ତି। ବଣ୍ଡାଘାଟିରେ ରହିଥିବା ଦୁଇଟି ପଞ୍ଚାୟତ ଅଣ୍ଡ୍ରାହାଲ ଏବଂ ମୁଦୁଲିପଡାରେ ବାସ କରୁଥିବା ୩୨ଟି ଗାଁର ୭ ହଜାର ଲୋକଙ୍କୁ ଆଜି ପଯର୍ୟନ୍ତ କରୋନା ଆକ୍ରାନ୍ତ କରିପାରିନାହିଁ।

ଘାଟିରେ ଆଦିମ ଜନଜାତି ଏହି ରୋଗ ସଂପର୍କରେ ଜାଣିନଥିବାରୁ ସେମାନେ ନା ମୁହଁରେ ମାସ୍କ ପିନ୍ଧୁଛନ୍ତି ନା ସାମାଜିକ ଦୂରତାକୁ ରକ୍ଷା କରୁଛନ୍ତି। ପ୍ରଶାସନ ମଧ୍ୟ ବଣ୍ଡାଘାଟିରେ ଲୋକଙ୍କୁ କରୋନା ନେଇ ସଚେତନ କରାଇନଥିବା ସେଠାକାର ଲୋକେ କହିଛନ୍ତି।

ସମୁଦ୍ର ପତନ ଠାରୁ ୫ ହଜାର ଫୁଟରେ ରହିଥିବା ଏହି ବଣ୍ଡାଘାଟିକୁ ଚଢିପାରି ନାହିଁ କରୋନା ତଥାପି କେତେକ ଶିକ୍ଷିତ ଯୁବକ ଏଠାକାର ବାସିନ୍ଦାଙ୍କୁ ସାମାଜିକ ଦୂରତା ସହ ମାସ୍କ ପିନ୍ଧିବା ଲାଗି ସଚେତନ କରୁଥିବା ଦେଖିବାକୁ ମିଳିଛି।

You might also like