ଅବଦୁଲ କଲାମ ଦ୍ୱୀପରୁ ଇଣ୍ଟରସେପ୍ଟର ମିଜାଇଲର ପରୀକ୍ଷଣ

ବାଲେଶ୍ୱର: ବାଲେଶ୍ୱର ଚାନ୍ଦିପୁର ଅବଦୁଲ କଲାମ ଦ୍ୱୀପରୁ ଇଣ୍ଟରସେପ୍ଟର ମିଜାଇଲର ପରୀକ୍ଷଣ କରାଯାଇଛି। ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଏହି ବିଧ୍ୱଂସୀ କ୍ଷେପଣାସ୍ତ୍ର ଆକାଶ ମାର୍ଗରେ ୨୦କିଲୋମିଟର ଉଚ୍ଚତା ମଧ୍ୟରେ ଶତ୍ରୁପକ୍ଷର ଯେକୌଣସି କ୍ଷେପଣାସ୍ତ୍ରକୁ ଅତି ସହଜରେ ଧ୍ୱଂସ କରିବାର କ୍ଷମତା ରଖିଛି। ଆଜି ସକାଳ ସାଢ଼େ ୧୧ରେ ଏହାର ପରୀକ୍ଷଣ ସଫଳ ହୋଇଥିବା କୁହାଯାଉଛି।

ଗତବର୍ଷ ମାର୍ଚ୍ଚ ମାସରେ ଏହି କ୍ଷେପଣାସ୍ତ୍ରକୁ ପ୍ରଥମ ଥର ପାଇଁ ପରୀକ୍ଷା କରାଯାଇଥିଲା। ଏହି ମିଜାଇଲର ଉଚ୍ଚତା ୭.୫ ମିଟର ରହିଛି। ଏହି ସିଙ୍ଗିଲ୍ ଷ୍ଟେଜ ମିଜାଇଲ୍ ଇଣ୍ଟରନାଲ୍ ନାଭିଗେସନ୍ ସିଷ୍ଟମ ଦ୍ୱାରା ପରିଚାଳିତ ହୋଇଥାଏ। ଆଜିର ପରୀକ୍ଷା ସମୟରେ ଅବଦୁଲ କଲାମ ଦ୍ୱୀପ ଓ ଚାନ୍ଦିପୁର ପ୍ରତିରକ୍ଷା ଗବେଷଣା ପ୍ରତିଷ୍ଠାନର ବହୁ ବରିଷ୍ଠ ବୈଜ୍ଞାନିକ ଉପସ୍ଥିତ ଥିଲେ।

You might also like