ଜମ୍ମୁକାଶ୍ମୀରରେ କଟକଣା: ଆଜି ସୁପ୍ରିମକୋର୍ଟରେ ଶୁଣାଣି

ଶ୍ରୀନଗର: କାଶ୍ମୀରରେ ଧାରା ୩୭୦ ଉଚ୍ଛେଦ ପରେ କେନ୍ଦ୍ର ପକ୍ଷରୁ ଜାରି କରାଯାଇଥିବା ବିଭିନ୍ନ କଟକଣା ପ୍ରସଙ୍ଗରେ ଆଜି ସୁପ୍ରିମକୋର୍ଟରେ ଶୁଣାଣି ହେବ।

ଉପତ୍ୟକାରେ ମୋବାଇଲ ଓ ଇଣ୍ଟରନେଟ୍ ସେବା ବନ୍ଦ କରିବା, ନ୍ୟୁଜ ଚ୍ୟାନେଲ ଉପରେ ଅଙ୍କୁଶ ଲଗାଇବା ଆଦି ପଦକ୍ଷେପକୁ ନେଇ ସୁପ୍ରିମକୋଟରେ ଚ୍ୟାଲେଞ୍ଜ ହୋଇଥିଲା । ସ୍ୱେଛାସେବୀ ତେହସୀନ ପୁନାୱାଲା କେନ୍ଦ୍ର ସରକାରଙ୍କ ଏହି କଟକଣାକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ।

କେନ୍ଦ୍ରର ଏହି ପଦକ୍ଷେପ ସମ୍ବିଧାନର ଧାରା ୧୯ ଓ ୨୧ ଅନ୍ତର୍ଗତ ପ୍ରଦତ୍ତ ମୌଳିକ ଅଧିକାରର ଉଲ୍ଲଂଘନ ବୋଲି ସେ ତାଙ୍କ ଆବେଦନରେ ଦର୍ଶାଇଥିଲେ।  ଗିରଫ ଜାମ୍ମୁ କାଶ୍ମୀରର ଦୁଇ ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍‌ତୀ  ଓ ଓମାର ଅବଦୁଲ୍ଲାଙ୍କୁ ମୁକ୍ତ କରିବା ସହିତ ୧୪୪ ଧାରା ପ୍ରତ୍ୟାହାର ପାଇଁ ମଧ୍ୟ ସେ ଆବେଦନ କରିଥିଲେ

You might also like