୧୭ ଲକ୍ଷ ଠକେଇର ଶିକାର ବ୍ୟକ୍ତିଙ୍କ ଆତ୍ମାହୁତି ଉଦ୍ୟମ

ଖୋର୍ଦ୍ଧା : ନ୍ୟାୟ ନମିଳିବା ଅଭିଯୋଗରେ ଖୋର୍ଦ୍ଧା ଜିଲ୍ଲାପାଳଙ୍କ ଅଫିସ ଆଗରେ ଆତ୍ମାହୁତି ଉଦ୍ୟମ କଲେ ବୋଲଗଡ଼ର ବ୍ରଜବନ୍ଧୁ ସାହୁ  । ସ ମିଲ୍ କରିଥିବା ବ୍ରଜବନ୍ଧୁ କାଠ କିଣିବା ପାଇଁ  ଅନଲାଇନରେ ୧୬ ଲକ୍ଷ ୯୫ ହଜାର ଟଙ୍କା  ଡିପୋଜିଟ କରିଥିଲେ  ।  ଟଙ୍କା ପଇଠ କରିବାର ଅନେକ ଦିନ ପରେ ମଧ୍ୟ ତାଙ୍କୁ କୌଣସି ଜିନିଷ ମିଳିନଥିଲା । ଘରୋଇ ବ୍ୟାଙ୍କରୁ ଲୋନ୍‌ ଆଣିଥିବାରୁ  ଦିନକୁ ଦିନ ଋଣ ଭାର ବଢ଼ିଚାଲିଲା । ଠକେଇର ଶିକାର ହୋଇଥିବା ଜାଣି ଏ ପୋଲିସ ଏବଂ ସାଇବର ଥାନାରେ ଅଭିଯୋଗ କରିଥିଲେ  । ହେଲେ ବାରମ୍ବାର ଥାନାକୁ ଦଔଡ଼ିବା ସତ୍ୱେ ନ୍ୟାୟ ମିଳିନଥିବା ନେଇ ଅଭିଯୋଗ କରିଛନ୍ତି  । ଶେଷରେ ମ୍ରିୟମାଣ ହୋଇ ବ୍ରଜବନ୍ଧୁ ଆତ୍ମାହୁତି ଉଦ୍ୟମ କରିଥିବା ସୂଚନା ମିଳିଛି  । ଆତ୍ମାହୁତି ପରେ ପୋଲିସ ତାଙ୍କୁ ନେଇ ହେପାଜତରେ ରଖିଛି । ତେବେ ଏହି ଠକେଇ ନାଇଜେରୀୟ ଗ୍ୟାଙ୍ଗ କରିଥିବା ନେଇ ଖୋର୍ଦ୍ଧା ଏସପି ସୂଚନା ଦେଇଛନ୍ତି ।  କ୍ରାଇମବ୍ରାଞ୍ଚ ଏଡିଜିଙ୍କୁ କାଲି ବ୍ରଜବନ୍ଧୁ ଭେଟି ତାଙ୍କର ଅଭିଯୋଗ ରଖିବେ ବୋଲି କହିଛନ୍ତି ଏସପି । 

ସୂଚନା ଅନୁସାରେ,  ବୋଲଗଡ଼ରେ ଆତ୍ମାହୁତି ଉଦ୍ୟମ କରିଥିବା ବ୍ରଜବନ୍ଧୁଙ୍କର ଏକ ସରକାରୀ କାଠ ଗୋଲା ରହିଛି। ଗତବର୍ଷ ଅନ୍‌ଲାଇନ୍‌ରେ ସେ ପୋଲାଣ୍ଡରୁ କାଠ ମଗାଇଥିଲେ । ଘରୋଇ ବ୍ୟାଙ୍କରୁ ଋଣ ଆଣି ଭିନ୍ନ ଭିନ୍ନ ୪ଟି ଆକାଉଣ୍ଟରେ ୧୬.୭୬ ଲକ୍ଷ ଟଙ୍କା ଡିପୋଜିଟ କରିଥିଲେ । ହେଲେ ଦୁର୍ଭାଗ୍ୟର ବିଷୟ ଟଙ୍କା ଡିପୋଜିଟ୍ କରିବା ପରେ ମଧ୍ୟ  ନିର୍ଦ୍ଧାରିତ ସମୟରେ ପାରାଦୀପରେ ପହଞ୍ଚିଥିଲେ ମଧ୍ୟ କୌଣସି କାଠ ପହଞ୍ଚି ନ ଥିଲା ।  ବୋଲଗଡ଼ ଥାନାକୁ ଅବଗତ କରିବା ପରେ ସେମାନ କଟକସ୍ଥିତ କ୍ରାଇମବ୍ରାଞ୍ଚର ସାଇବର ସେଲ୍‌ରେ ଅଭିଯୋଗ କରିବାକୁ ପରାମର୍ଶ ଦେଇଥିଲେ । ଫଳରେ  ଗତବର୍ଷ ସେପ୍ଟେମ୍ବର ୧୬ ତାରିଖରେ ଅଭିଯୋଗ କରିଥିଲେ  ବ୍ରଜବନ୍ଧୁ ସାହୁ ।

#ଜିଲ୍ଲାପାଳ_କାର୍ଯ୍ୟାଳୟ_ସାମ୍ନାରେ_ଆତ୍ମାହୁତି_ଉଦ୍ୟମ
୧୭ ଲକ୍ଷ ଠକେଇର ଶିକାର ବ୍ୟକ୍ତିଙ୍କ ଆତ୍ମାହୁତି ଉଦ୍ୟମ। କଲେକ୍ଟୋରେଟ ସାମ୍ନାରେ ଆତ୍ମାହୁତି ଉଦ୍ୟମ କଲେ ବ୍ୟକ୍ତି। କିରାସିନି ଢାଳି ଦିଆସିଲି ଲଗାଉଥିବା ବେଳେ କାବୁ କଲା ପୋଲିସ। #Collectorate #Bhubaneswar #Odisha pic.twitter.com/Oo68HqUoUG

— ଓଟିଭି (@otvkhabar) January 4, 2021