ଅଭିନବ ଢଙ୍ଗରେ ଲୁଟିନେଲେ ୧୫ ଭରି ସୁନା

ବ୍ରହ୍ମପୁର: ପୁଲିସ ନାଁରେ ମହିଳାଙ୍କଠାରୁ ଅଭିନବ ଢଙ୍ଗରେ ୧୫ ଭରି ସୁନା ଲୁଟିଲେ ଦୁର୍ବୃତ୍ତ। ବ୍ରହ୍ମପୁର ସୀତାଦେବୀ ଖାଡ଼ଙ୍ଗା ଛାତ୍ରୀନିବାସ ସାମ୍ନାରୁ ଅାଜି ସକାଳେ ଏଭଳି ଅଭିନୟ ଉପାୟରେ ଲୁଟ୍ ଅଭିଯୋଗ ହୋଇଛି।

ଗୋଷାଣୀ ନୂଅାଗାଁ ଅଞ୍ଚଳର ସଂଯୁକ୍ତା ପାଢ଼ୀ ନାମକ ଜଣେ ମହିଳା ସବୁଦିନ ଭଳି ଅାଜି ମଧ୍ୟ ମର୍ଣ୍ଣିଂ ଓ୍ୱାକରେ ଯାଇଥିଲେ। ତେବେ ଫେରିବା ବେଳେ ୪ ଜଣ ବ୍ୟକ୍ତି ତାଙ୍କୁ ଅଟକାଇ ନିଜକୁ ପୁଲିସ୍ ବୋଲି ପରିଚୟ ଦେଇଥିଲେ। ପରେ ସଂଯୁକ୍ତା ପିନ୍ଧିଥିବା ସୁନା ଗହଣା ଖୋଲି ଦାୟିତ୍ୱରେ ରଖିବାକୁ ପରାମର୍ଶ ଦେଇଥିଲେ। ସଂଯୁକ୍ତ ସେମାନଙ୍କ କଥାରେ ବିଶ୍ୱାସ କରି ପିନ୍ଧିଥିବା ହାର, ମୁଦି ଓ ଚୁଡ଼ି ଖୋଲି ନିଜ ପାଖରେ ରଖିବା ପୂର୍ବରୁ ଦୁର୍ବୃତ୍ତମାନେ ମାଉଜର ଦେଖାଇ ଲୁଟି ନେଇଥିବା ଅଭିଯୋଗ ହୋଇଛି। ବ୍ରହ୍ମପୁର ଟାଉନ ଥାନା ପୁଲିସ୍  ଘଟଣାର ଛାନଭିନ୍ କରୁଛି।

You might also like