ସମିତିସଭ୍ୟାଙ୍କୁ ଅସଦାଚରଣ ଅଭିଯୋଗ, ଗିରଫ ହେଲେ ଭିଏଲ୍‌ଡ଼ବ୍ଲ୍ୟୁ

ତେଲକୋଇ: ତେଲକୋଇ ବ୍ଲକ ଜଗମୋହନପୁର ପଞ୍ଚାୟତର ସମିତିସଭ୍ୟାଙ୍କୁ ଅସଦାଚରଣ ଅଭିଯୋଗରେ ଭିଏଲଡବ୍ଲୁ (Village Level Worker) ଗିରଫ।  ଏହି ମାମଲାରେ ଜଗମୋହନପୁରର ଭିଏଲ୍ଡବ୍ଲୁ ତାରକାନ୍ତ ବେହେରାଙ୍କୁ ଗିରଫ କରିଛି ତେଲକୋଇ ପୋଲିସ।

ଏହି ଘଟଣାରେ ସରପଞ୍ଚଙ୍କ ସ୍ୱାମୀ ଯୋଗେଶ୍ୱର ପ୍ରଧାନ ଫେରାର ଥିବା ଜଣାପଡିଛି। ପଞ୍ଚାୟତରେ ଗ୍ରାମସଭା ଏବଂ କାର୍ଯ୍ୟ ବଣ୍ଟନରେ ଅନିୟମିତତାକୁ ବିରୋଧ କରିଥିଲେ ସମିତି ସଭ୍ୟା ପୁଷ୍ପାଞ୍ଜଳି ଆପଟ୍‌। ଏଥିପାଇଁ ପୁଷ୍ପାଞ୍ଜଳିଙ୍କୁ ଗ୍ରାମସଭାରୁ ଧକ୍କା ମାରି ବାହାର କରିବା ସହ ଅସଭ୍ୟ ଭାଷାରେ ଗାଳିଗୁଲଜ କରାଯାଇଥିଲା। ଏହାସହ ସମିତିସଭ୍ୟାଙ୍କୁ ନେଇ ଏକ ଅଡିଓ କ୍ଲିପ୍ ମଧ୍ୟ ବିଭିନ୍ନ ମୋବାଇଲକୁ ଭାଇରାଲ କରାଯାଇଥିବା ଅଭିଯୋଗ ହୋଇଛି।

ସେପଟେ ସମିତିସଭ୍ୟା ଆଣିଥିବା ଅଭିଯୋଗକୁ ଅସ୍ୱୀକାର କରିଛନ୍ତି ଭିଏଲ୍ଡବ୍ଲୁ ତାରାକାନ୍ତ। ଅନ୍ୟପକ୍ଷରେ ଏନେଇ ପୋଲିସ୍‌ ଘଟଣାର ତଦନ୍ତ କରୁଛି।

You might also like