ଅବକାରୀ ଅଫିସ ଭିତରେ ବ୍ରାଉନ୍‌ସୁଗାର ହାଟ !

ଖୋର୍ଦ୍ଧା: ଅବକାରୀ ବିଭାଗର ନାକ ତଳେ ଚାଲିଛି ନିଶା ବେପାର। ଅବକାରୀ ଅଫିସ ଭିତରେ ଧଳା ଜହରର ହାଟ । ସଉଦା କରୁଛନ୍ତି ବିଭାଗର କର୍ମଚାରୀ।

vlcsnap-error892ସ୍ଥାନ ଖୋର୍ଦ୍ଧା ଜିଲ୍ଲାପାଳଙ୍କ ପୁରୁଣା ଅଫିସ ଭିତରେ ଥିବା ଅବକାରୀ ଅଫିସ। ସମୟ ରାତି ପ୍ରାୟ ଗୋଟାଏ ୪୭ ମିନିଟ୍। ନିସ୍ତବ୍ଧ ରାତିରେ ଜମିଛି ଭୋଜିଭାତର ଅାସର, ଅାଉ ସେହି ଅାସର ଭିତରେ ମୂଲଚାଲ ହେଉଛି ବ୍ରାଉନସୁଗାରର ଦର । ନିଆଁ ଲଗାଇ ଦମ୍ ମାରିବା ପରେ ଖୋର୍ଦ୍ଧା ଅବକାରୀ ବିଭାଗର କନ୍‌ଷ୍ଟେବଲ ଦରକୁ ନେଇ କରୁଛନ୍ତି ମୂଲଚାଲ। ସତ୍ୟାସତ୍ୟ ଜାଣିବା ପାଇଁ ଘଟଣାସ୍ଥଳରେ ପହଞ୍ଚି ଥିଲା ଅାମ କ୍ୟାମେରା ଟିମ୍ ।

ଅବକାରୀ ବିଭାଗର ଅଫିସ ଭିତରେ ଜଣେ କନ୍‌ଷ୍ଟେବଲ ଏଭଳି ବେଅାଇନ ବ୍ରାଉନସୁଗାର କାରବାର ଚଳାଇଛନ୍ତି କିପରି ? ଘଟଣା ପଛରେ ବିଭାଗର କୌଣସି ଅଧିକାରୀ କିମ୍ବା ଅନ୍ୟ କର୍ମଚାରୀ ସାମିଲ୍ ନାହାଁନ୍ତି ତ ? କାହା ସହ ଲିଙ୍କ୍ ରଖି କନ୍‌ଷ୍ଟେବଲ ଜଣକ ଏଭଳି କାରବାର ଚଳାଇଛନ୍ତି ? ଅାଶ୍ଚର୍ଯ୍ୟର କଥା ହେଉଛି, ଖୋର୍ଦ୍ଧା ଅବକାରୀ ବିଭାଗର ବରିଷ୍ଠ ଅଧିକାରୀ କହୁଛନ୍ତି ଏ ସମ୍ପର୍କରେ ତାଙ୍କ ପାଖରେ କୌଣସି ଖବର ନାହିଁ । ଖୋର୍ଦ୍ଧା ଏସ୍‌ପି ଦୀପ୍ତିରଂଜନ ରାୟ କହିଛନ୍ତି, ଘଟଣାର ତଦନ୍ତ କରି ସଂପୃକ୍ତ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଅାଯିବ ।

 

You might also like
Comments
Loading...