ଟିଟିଲାଗଡ଼ରେ ରାଜ୍ୟର ସର୍ବାଧିକ ତାପମାତ୍ରା ୪୧.୫ ଡିଗ୍ରୀ ସେଲସିଅସ୍ ରେକର୍ଡ

ଭୁବନେଶ୍ୱର : ତାତିଲା ଟିଟିଲାଗଡ଼। ଆଜି ଏଠାରେ ରାଜ୍ୟର ସର୍ବାଧିକ ତାପମାତ୍ରା ୪୧.୫ ଡିଗ୍ରୀ ସେଲସିଅସ୍ ରେକର୍ଡ କରାଯାଇଛି। ସେହିଭଳି ରାଜ୍ୟର ଅନ୍ୟ ୩ଟି ସହରରେ ମଧ୍ୟ ଆଜି ପାରଦ ୪୦ ଡିଗ୍ରୀ ଟପିଛି।

ସୋନପୁରରେ ୪୦ ଦଶମିକ ୪ ଡିଗ୍ରୀ, ମାଲକାନଗିରିରେ ୪୦ ଦଶମିକ ୨ ଡିଗ୍ରୀ, ବଲାଙ୍ଗିରରେ ୪୦ ଦଶମିକ ୧ ଡିଗ୍ରୀ ପାରଦ ରେକର୍ଡ କରାଯାଇଛି। ରାଜଧାନୀ ଭୁବନେଶ୍ୱରର ତାପମାତ୍ରା ଥିଲା ୩୮ ଦଶମିକ ୨ ଡିଗ୍ରୀ ସେଲ୍‌ସିଅସ୍।

ସେପଟେ ତାପମାତ୍ରା ବୃଦ୍ଧିକୁ ଦେଖି ପାଣିପାଗ ବିଭାଗ ପକ୍ଷରୁ ସାରା ରାଜ୍ୟରେ ଆଜିଠୁ ହିଟ୍ ୱେଭ୍ କଣ୍ଡିସନର ସତର୍କ ସୂଚନା ଜାରି କରାଯାଇଛି। ତେବେ ଆସନ୍ତା ୩୧ ତାରିଖ ପରେ ପାଣିପାଗରେ ପରିବର୍ତ୍ତନ ହେବା ସମ୍ଭାବନା ରହିଥିବା ଭୁବନେଶ୍ୱର ଆଞ୍ଚଳିକ ପାଣିପାଗ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି।

You might also like