ପୋଲିସ୍‌କୁ ବଡ଼ ସଫଳତା: ୩ ଜଣ କ୍ୟାଡର୍ ମହିଳା ମାଓବାଦୀ ଗିରଫ

ମାଲକାନଗିରି: ୩ ଜଣ କ୍ୟାଡର୍ ମହିଳା ମାଓବାଦୀଙ୍କୁ ଗିରଫ କରିଛି ମାଲକାନଗିରି ପୋଲିସ। ଗିରଫ ମାଓବାଦୀଙ୍କ ମଧ୍ୟରୁ ଜଣେ ଏରିଆ କମାଣ୍ଡର ଏବଂ ଅନ୍ୟ ଦୁଇ ଜଣ ଏରିଆ କମିଟି ମେମ୍ବର ବୋଲି ଜଣାପଡ଼ିଛି। ଏରିଆ କମାଣ୍ଡର ହେଲେ ଯୋଗୀ କବାସୀ ଓ କମିଟି ମେମ୍ବର ହେଲେ ଇଡ୍‌ମେ ମାଣ୍ଡବୀ ଏବଂ ଜାମଲୀ କୁରାମୀ। ପୂର୍ବରୁ ଯୋଗୀ କବାସୀଙ୍କୁ ଧରାଇଦେବାକୁ ୪ ଲକ୍ଷ ଟଙ୍କାର ପୁରସ୍କାର ରାଶି ଥିବାବେଳେ ଅନ୍ୟ ୨ ଜଣଙ୍କ ପାଇଁ ଏକ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା।

ତୁଳସୀ ପାହାଡ଼ରେ ମାଓ ଶିବିର ଥିବା ସୂଚନା ପାଇ ମାଲକାନଗିରି ପୋଲିସ ଅପରେସନ କରିଥିଲା। ଏସ୍‌ପିଙ୍କ ନେତୃତ୍ୱରେ ହୋଇଥିବା ଏହି ଅପରେସନରେ ଏସ୍ଓଜି ଏବଂ ଡିଭିଏଫ୍ ବାହିନୀ ସାମିଲ୍ ହୋଇଥିଲେ। ତେବେ ସୁରକ୍ଷାକର୍ମୀଙ୍କୁ ଦେଖି ମାଓବାଦୀମାନେ ଚମ୍ପଟ ମାରିଥିବା ବେଳେ ପୋଲିସ୍‌ ଏହି ୩ ଜଣଙ୍କୁ ଗିରଫ କରିଛି।

You might also like