ବହୁ ଚର୍ଚ୍ଚିତ ସୁରତ ଦୁଷ୍କର୍ମ ମାମଲାର ଅଭିଯୁକ୍ତ ଗିରଫ

ଗାନ୍ଧିନଗର: ବହୁ ଚର୍ଚ୍ଚିତ ସୁରତ ଦୁଷ୍କର୍ମ ଏବଂ ହତ୍ୟା ମାମଲାରେ ଅଭିଯୁକ୍ତମାନେ ଶନିବାର ଗିରଫ ହୋଇଛନ୍ତି। ରାଜସ୍ଥାନ ଗାଙ୍ଗପୁରରୁ ମୁଖ୍ୟ ଅଭିଯୁକ୍ତ ହର୍ଷ ଗୁଜ୍ଜର ସମେତ ତିନି ଜଣକୁ ଗିରଫ କରିଛି ସୁରତ ପୋଲିସ। ମୁଖ୍ୟ ଅଭିଯୁକ୍ତ ହର୍ଷ ଗୁଜ୍ଜର ରାଜସ୍ଥାନ ଗାଙ୍ଗପୁର ଅଞ୍ଚଳର ବୋଲି ଜଣାପଡ଼ିଛି। ଏହି ଘଟଣାରେ କେବଳ ନାବାଳିକା ନୁହେଁ ତାଙ୍କ ମାଆଙ୍କୁ ମଧ୍ୟ ହତ୍ୟା କରିଥିବା ଅଭିଯୁକ୍ତମାନେ ସ୍ୱୀକାର କରିଛନ୍ତି।

ଖବର ଅନୁସାରେ ମାଆ ଝିଅଙ୍କୁ ଗୋତି ଶ୍ରମିକ ଭାବେ ୩୫ ହଜାର ଟଙ୍କାରେ କିଣିଥିଲା ମୁଖ୍ୟ ଅଭିଯୁକ୍ତ ହର୍ଷ ଗୁଜ୍ଜର। ପ୍ରଥମେ ମାଆକୁ ହତ୍ୟା କରି ମୃତଦେହକୁ ଫିଙ୍ଗି ଦେବା ପରେ ୯ ବର୍ଷର ନାବାଳିକାକୁ ଦୁଷ୍କର୍ମ କରି ଅତ୍ୟନ୍ତ ନିର୍ମମ ଭାବେ ହତ୍ୟା କରିଥିଲା। ନାବାଳିକା ଦେହରେ ଥିଲା ୮୬ଟି କ୍ଷତ ଚିହ୍ନ। ଝିଅର ମୃତଦେହ ଏପ୍ରିଲ ୬ ତାରିଖରେ ମିଳିଥିବା ବେଳେ ଏପ୍ରିଲ ୯ରେ ଅନ୍ୟ ଏକ ସ୍ଥାନରୁ ମାଆର ମୃତଦେହ ମିଳିଥିଲା। ପୋଲିସ ଉଭୟଙ୍କ ଡିଏନ୍ଏ ଟେଷ୍ଟ କରାଇଛି। ରିପୋର୍ଟକୁ ଅପେକ୍ଷା କରାଯାଇଛି।

You might also like