କଳିଙ୍ଗ ଷ୍ଟୁଡିଓରେ ସ୍ପୋଟର୍ସ କମ୍ପ୍ଲେକ୍ସ ନିର୍ମାଣ ପ୍ରସ୍ତାବକୁ ନେଇ ବିବାଦ

ଭୁବନେଶ୍ୱର : ସ୍ପୋର୍ଟସ ବନାମ ସିନେମା। କ୍ଷତିରେ ଚାଲିଥିବା ସିନେ ଶିଳ୍ପକୁ ଦୁର୍ବଳ କରି ଖେଳ ଭିତ୍ତିଭୂମି ନିର୍ମାଣ ପ୍ରସ୍ତାବକୁ ଆରମ୍ଭ ହୋଇଛି ଏକ ନୂଆ ବିବାଦ। ଓଡିଆ ସିନେ ଦୁନିଆର ମୁକସାକ୍ଷୀ କଳିଙ୍ଗ ଷ୍ଟୁଡିଓ। ପ୍ରାୟତଃ ଅଚଳ ଅବସ୍ଥାରେ ପଡ଼ି ରହିଥିବା ଏହି ଷ୍ଟୁଡିଓ ଉପରେ ଏବେ ଆଖି ପକାଇଛି କ୍ରୀଡା ବିଭାଗ।

ଷ୍ଟୁଡିଓର ଖାଲି ଜାଗାରେ ସ୍ପୋର୍ଟସ୍ କଂପ୍ଳେକ୍ସ ନିର୍ମାଣ ପାଇଁ କ୍ରୀଡା ବିଭାଗର ପ୍ରମୁଖ ଶାସନ ସଚିବ ବିଶାଲ ଦେବ୍, ସାଧାରଣ ପ୍ରଶାସନ ବିଭାଗକୁ ଦେଇଛନ୍ତି ଚିଠି। ଯାହା ଛିଡ଼ା କରିଛି ବିବାଦର ପାଚେରୀ। ଚିଠିରେ ଉଲ୍ଲେଖ ରହିଛି, ଭୁବନେଶ୍ୱର ଓ ଆଖପାଖ ଏରିଆରେ ସ୍ପୋର୍ଟସ କଂପ୍ଳେକ୍ସ ନିର୍ମାଣ ପାଇଁ ଲକ୍ଷ୍ୟ ରଖାଯାଇଛି। ଆଉ କଳିଙ୍ଗ ଷ୍ଟୁଡିଓରେ ଆବଶ୍ୟକତା ଠାରୁ ଅଧିକ ଜମି ରହିଛି। ତେଣୁ ସେଇ ଖାଲି ଜାଗାକୁ କ୍ରୀଡା ବିଭାଗକୁ ଦେଲେ ସେଠାରେ ସ୍ପୋର୍ଟସ କଂପ୍ଳେକ୍ସ ନିର୍ମାଣ କରାଯିବ। ହେଲେ କ୍ରୀଡା ବିଭାଗର ଏହି ପ୍ରସ୍ତାବକୁ ଦେଖି ଖପ୍ପା ଓଡିଶା ଫିଲ୍ମ ଡେଭଲମେଣ୍ଟ କର୍ପୋରେସନ୍।

ପ୍ରତିବର୍ଷ ଚଳଚ୍ଚିତ୍ର ନିର୍ମାଣ ସଂଖ୍ୟା ବଢୁଛି, ହେଲେ କ୍ଷତିରେ ଚାଲିଛି ଓଡିଆ ସିନେ ଶିଳ୍ପ। ଏହା ଭିତରେ ମରି ହଜି ଯାଉଥିବା ଷ୍ଟୁଡିଓକୁ ପୁର୍ନଜନ୍ମ ଦେବାକୁ ଓଡିଶା ଫିଲ୍ମ ଡେଭଲପେଣ୍ଟ କର୍ପୋରେସନ୍ ଅଣ୍ଟା ଭିଡିଥିବା ବେଳେ କ୍ରୀଡ଼ା ବିଭାଗ କରିଛି ଜମି ଅକ୍ତିଆରର ମସୁଧା।

ପ୍ରଶ୍ନ ଉଛୁଠି, ସହର ଚାରିପାଖରେ ଏତେ ଜାଗା ଥାଇ, କଳିଙ୍ଗ ଷ୍ଟୁଡିଓକୁ କାହିଁକି ବାଛିଲେ କ୍ରୀଡା ସଚିବ? ଏହା ପଛରେ ଅନ୍ୟ କିଛି କାରଣ ରହିଛି କି?  ସ୍ପୋର୍ଟସ୍ ହବ୍‌ର ସ୍ୱପ୍ନ ଦେଖୁଥିବା ରାଜ୍ୟ ସରକାର, ସିନେ ଶିଳ୍ପକୁ ସାବତ ପୁଅ ଭାବେ ଦେଖୁନାହାଁନ୍ତି କି ? କଳିଙ୍ଗ ଷ୍ଟୁଡିଓର ବିକାଶ ହେଇନଥିବାରୁ ରାଜ୍ୟ ସରକାର ସମାଲୋଚନା ସାମ୍ନା କରୁଥିବା ବେଳେ ଏବେ ପୁଣି ସେଥିରୁ ଜାଗା ନେବାକୁ ମସୁଧା ବିବାଦକୁ ବଢ଼ାଇବ ନିଶ୍ଚୟ।

ଆହୁରି ପଢ଼ନ୍ତୁ

ଡିନାମାଇଟ୍‌ ଦେଇ ନଦୀବନ୍ଧ ଉଡାଇବା ଅଭିଯୋଗ; ବିଧାୟକଙ୍କ ସମେତ ୬ ଜଣଙ୍କୁ ନୋଟିସ୍‌ କଲେ ଲୋକାୟୁକ୍ତ

ବିଜୁଳି ଦର ବୃଦ୍ଧି ପ୍ରତିବାଦ: ଆଜି ୧୫ ମିନିଟ୍‌ ପାଇଁ ଲାଇଟ୍‌ ବନ୍ଦ କରିବାକୁ ଆହ୍ୱାନ

କରୋନାରୁ ସୁସ୍ଥ ହେବାପରେ କ’ଣ କରିବେ?

୪୩.୫% କମିଛି ଦୁର୍ଘଟଣାଜନିତ ମୃତ୍ୟୁ ସଂଖ୍ୟା

ଆଜି ଅବପାତର ରୂପ ନେଇପାରେ ବଙ୍ଗୋପସାଗରରେ ସୃଷ୍ଟ ଲଘୁଚାପ

ଇଞ୍ଜିନିୟର ଏବେ ଦିନ ମଜୁରିଆ; କୋଦାଳ ଧରି ମାଟି ବୋହିଲେ

ଜେଲ୍ ଗଲେ ସହକାରୀ ନିର୍ବାହୀ ଯନ୍ତ୍ରୀ ରବୀନ୍ଦ୍ର ପ୍ରଧାନ; ଆୟର ୨୪୧% ଥିଲା ବେଆଇନ

କୋଭିଡ୍‌-୧୯ ସୁସ୍ଥ ହେବା ପରେ କ’ଣ କରିବେ, ପରାମର୍ଶ ଦେଲା ସ୍ୱାସ୍ଥ୍ୟ ବିଭାଗ

କରୋନାରୁ ସୁସ୍ଥ ହେଲେ ୨୭୧୬ ଜଣ ଆକ୍ରାନ୍ତ

ରକ୍ତମୁଖା ପଡ଼ୋଶୀର ବିଭତ୍ସ କାଣ୍ଡ; ରକ୍ତରେ ଭିଜିଲା ଘର ଓ ଜମି

ଆସନ୍ତାକାଲି ସନ୍ଧ୍ୟା ୬ଟାରୁ ୬ଟା ୧୫ ମିନିଟ୍‌ ଯାଏଁ ବିଜୁଳି ନଜାଳିବାକୁ ଆହ୍ୱାନ

ଭାଙ୍ଗିଯାଇଛି ପୋଲ, ସମସ୍ୟାରେ ୬ଟି ଗାଁ

You might also like