ଡାକ୍ତରଙ୍କ ଅଭାବରେ ଚାଲିଛି ଅନୁଗୁଳ ଜିଲ୍ଲାର ମେଡ଼ିକାଲ

ଅନୁଗୁଳ: ଶିଳ୍ପ ସମୃଦ୍ଧ ଅନୁଗୁଳ ଜିଲ୍ଲାରେ ଡାକ୍ତରଙ୍କ ମରୁଡ଼ି।  ଅର୍ଦ୍ଧାଧିକ ଡାକ୍ତର ପଦବୀ ଖାଲି। କୌଣସି ଉପାନ୍ତ ଅଞ୍ଚଳ ନୁହେଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ବି ୫୦ରୁ ଅଧିକ ଡାକ୍ତର ପଦବୀ ଖାଲି ପଡ଼ିଛି।  ବହୁ ସ୍ଥାନରେ ଡାକ୍ତରଙ୍କ ଦେଖା ନ ପାଇ ନିରାଶ ହେଉଛନ୍ତି ରୋଗୀ

ଅନୁଗୁଳ ଜିଲ୍ଲା ପାଇଁ ମୋଟ ୧୯୮ ଡାକ୍ତର ପଦବୀ ଥିବା ବେଳେ ସେଥିରୁ ଅର୍ଦ୍ଧାଧିକ ପଦବୀ ଖାଲି ପଡ଼ିଥିବାବେଳେ ମାତ୍ର ୯୨ ଡାକ୍ତର ଅଛନ୍ତି। ଜିଲ୍ଲା ମୁଖ୍ୟ ଚିକିତ୍ସାଳୟରେ ବି ଅବସ୍ଥା ଶୋଚନୀୟ।  ୩୮ଜଣ ଡାକ୍ତରଙ୍କ ବଦଳରେ ଅଛନ୍ତି ୧୬ ଜଣ ସ୍ଥାୟୀ ଓ ୨ଜଣ କଣ୍ଟ୍ରାକ୍ଚୁଆଲ୍ ଡାକ୍ତର।

ଡାକ୍ତରଙ୍କ ଅଭାବ ନେଇ ଏମିତି ଏକ ଅସୁବିଧାର ସମ୍ମୁଖୀନ ହୋଇଛନ୍ତି ଅନୁଗୁଳ ବଲଙ୍ଗ ଗାଁର ବିଷ୍ଣୁ ମହାଳିକ। ବିଷ୍ଣୁ ତାଙ୍କ  ପୁତୁରାକୁ ନେଇ ଗାଁରେ ଥିବା ସ୍ୱାସ୍ଥ୍ୟକେନ୍ଦ୍ରକୁ ଆସିବା ବେଳକୁ ସେଠାରେ କୌଣସି ଡାକ୍ତର କି କୌଣସି କର୍ମଚାରୀ ନ ଥିବାର ସେ କହିଛନ୍ତି।  କେବଳ ବଲଙ୍ଗର ବିଷ୍ଣୁ ନୁହନ୍ତି, ଲବଙ୍ଗୀ, ଜୁକୁବ, ତଳସରା ଆଦି ଗାଁଲୋକେ ବି ଡାକ୍ତରଙ୍କ ଦେଖା ନ ପାଇ ଏଠାରୁ ନିରାଶ ହୋଇ ଫେରୁଥିବା ଅଭିଯୋଗ ହେଉଛି।

ବଲଙ୍ଗ ଭଳି ଜିଲ୍ଲାର ପ୍ରାୟ ୪୦ଟି ସ୍ୱାସ୍ଥ୍ୟକେନ୍ଦ୍ରର ଏହି ଅବସ୍ଥା। ସ୍ୱାସ୍ଥ୍ୟକେନ୍ଦ୍ରରେ ମାସକୁ ମାତ୍ର ୪-୫ ଦିନ ଡାକ୍ତର ରହୁଥିବାରୁ ରୋଗୀସେବା ଅତି ଦୟନୀୟ ଅବସ୍ଥାରେ ଚାଲିଥିବା ଲୋକେ ଅଭିଯୋଗ କରିଛନ୍ତି।

ଡାକ୍ତର ଅଭାବ ଯୋଗୁଁ ଲୋକେ ଦେଶୀ ଚିକିତ୍ସା ଉପରେ ନିର୍ଭର କରିବାକୁ ବାଧ୍ୟ ହେଉଥିବା ଜଣାପଡ଼ିଛି। ଅବସ୍ଥା ସୁଧାରିବାକୁ ଚେଷ୍ଟା ଚାଲିଛି ବୋଲି ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଧିକାରୀ କହିଛନ୍ତି। ତେବେ ଏଭଳି ସ୍ଥିତିରେ କେତେ ଫଳପ୍ରଦ ହେବ ରାଜ୍ୟ ସରକାରଙ୍କ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ତାକୁ ନେଇ ପ୍ରଶ୍ନ।

ଆହୁରି ପଢ଼ନ୍ତୁ

ଜିଓକୁ ପଛରେ ପକାଇଲା ଏୟାର୍‌ଟେଲ୍‌

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

You might also like