ବକେୟା ଦରମା ଦାବିରେ ଘରୋଇ ସିକ୍ୟୁରିଟି ଗାର୍ଡଙ୍କ ବିକ୍ଷୋଭ

ରାଉରକେଲା : ବକେୟା ଦରମା ଦାବିରେ ରାଉରକେଲାରେ ଘରୋଇ ସିକ୍ୟୁରିଟି ଗାର୍ଡଙ୍କ ବିକ୍ଷୋଭ। ଇସ୍ପାତ କାରଖାନାର ସହର ପ୍ରଶାସନ ଅଫିସକୁ ଧସେଇ ପଶିଲେ ସିକ୍ୟୁରିଟି ଗାର୍ଡ। ରାଉରକେଲା ଷ୍ଟିଲ ପ୍ଳାଣ୍ଟ ଅଧିନରେ ଟପ୍ ଗାଡିଙ୍ଗ ସର୍ଭିସେସ୍ ପ୍ରାଇଭେଟ୍ ଲିମିଟେଡ୍ ପକ୍ଷରୁ ପ୍ରାୟ ୨ ଶହ ସିକ୍ୟୁରିଟି ଗାର୍ଡ କାମ କରନ୍ତି। ଏମାନେ ମୁଖ୍ୟତଃ ଆଇଜି ପାର୍କ, ଇସ୍ପାତ ଜେନେରାଲ ହସ୍ପିଟାଲ ଆଦି ସ୍ଥାନମାନଙ୍କରେ ଡ୍ୟୁଟି କରିଥାନ୍ତି।

ତେବେ ଗତ ଜାନୁୟାରୀ ମାସରୁ ଦରମା ମିଳି ନ ଥିବା ଅଭିଯୋଗ କରି, ଗାର୍ଡମାନେ ଆଜି ଆରଏସପିର ସହର ପ୍ରଶାସନ ବିଭାଗ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ପରେ ଘରୋଇ କମ୍ପାନୀ କର୍ତ୍ତୃପକ୍ଷ ଓ ଆରଏସପି କର୍ତ୍ତୃପକ୍ଷ ଗାର୍ଡମାନଙ୍କୁ ବୁଝାସୁଝା କରିଥିଲେ।  ଆଜି ସଂନ୍ଧ୍ୟା ୫ ଟା ସୁଦ୍ଧା ଦରମା ବାବଦକୁ ଫାଇନାଲ ନିଷ୍ପତ୍ତି ନିଆଯିବା ବୋଲି RSP କର୍ତ୍ତୃପକ୍ଷ କହିଛନ୍ତି।

ଦେଖନ୍ତୁ ଏହି ଭିଡ଼ିଓ-

You might also like