କର୍ଣ୍ଣାଟକରେ ନିର୍ବାଚନୀ ଇସ୍ତାହାର ଜାରି କଲା କଂଗ୍ରେସ

ବେଙ୍ଗାଲୁରୁ: କର୍ଣ୍ଣାଟକ ନିର୍ବାଚନ ପାଇଁ କଂଗ୍ରେସ ଶୁକ୍ରବାର ନିର୍ବାଚନୀ ଇସ୍ତାହାର ଜାରି କରିଛି। ରାଜ୍ୟର କୃଷକ ଏବଂ ଯୁବ ପୀଢ଼ିଙ୍କୁ ଆକୃଷ୍ଟ କରିବା ପାଇଁ ଏଥିରେ ଅଧିକ ଗୁରୁତ୍ୱ ଦେଇଛି ଦଳ। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଆଜି ଏହାକୁ ଉନ୍ମୋଚନ କରିଛନ୍ତି।

ରାଜ୍ୟରେ କୃଷକଙ୍କ ଆୟ ଦୁଇ ଗୁଣା କରିବା, ଚାଷୀଙ୍କ ପାଇଁ ଇନ୍‌କମ୍ କମିଶନ୍ ଗଠନ ଏବଂ କୃଷି କରିଡର୍ ନିର୍ମାଣ କରିବା ପାଇଁ ଦଳ ପ୍ରତିଶୃତି ଦେଇଛି। ବେକାରୀ ସମସ୍ୟାକୁ ମଧ୍ୟ ଘୋଷଣା ପତ୍ରରେ ଉଲ୍ଲେଖ କରିଛି କଂଗ୍ରେସ। ପୁଣି ଥରେ ଶାସନକୁ ଫେରିଲେ ପାଞ୍ଚ ବର୍ଷ ମଧ୍ୟରେ ଏକ କୋଟି ନିଯୁକ୍ତି ଦେବାକୁ ପ୍ରତିଶୃତି ରଖିଛି କଂଗ୍ରେସ। ନିର୍ବାଚନୀ ଇସ୍ତାହାରକୁ ରାଜ୍ୟବାସୀଙ୍କ ମନ୍ କି ବାତ୍ ବୋଲି କହିଛନ୍ତି କଂଗ୍ରେସ ଅଧ୍ୟକ୍ଷ।

ଏହି ଅବସରରେ ବିଜେପିକୁ କଡ଼ା ଭାଷାରେ ସମାଲୋଚନା କରିଛନ୍ତି ରାହୁଲ। ବିଜେପି କିନ୍ତୁ କଂଗ୍ରେସ ବିରୋଧରେ ନିର୍ବାଚନ କମିଶନଙ୍କ ପାଖରେ ଫେରାଦ ହୋଇଛି। ରାଜ୍ୟରେ କଂଗ୍ରେସର ଘୋଷଣାପତ୍ର, ନିର୍ବାଚନ ଆଚରଣ ବିଧି ଉଲ୍ଲଙ୍ଘନ କରୁଥିବା ରାଜ୍ୟ ବିଜେପି ଅଭିଯୋଗ କରି କମିଶନଙ୍କ ଦ୍ୱାରସ୍ଥ ହୋଇଛି।

 

You might also like