ଇମ୍ଫା ପ୍ଲାଣ୍ଟରେ ଆନ୍ଦୋଳନ ଜାରି: ବାହ୍ୟ ଚାପ ନେଇ ସନ୍ଦେହ

ରାୟଗଡ଼ା: ଥେରୁବାଲି ସ୍ଥିତ ଇମ୍ଫା ପ୍ଲାଣ୍ଟ ଆଗରେ ଜାରି ରହିଥିବା ଆନ୍ଦୋଳନ ଆଜି ପଞ୍ଚମ ଦିନରେ ପହଞ୍ଚିଛି।  ଏଥିପାଇଁ ପ୍ଲାଣ୍ଟ ପରିସରରେ ଅଚଳାବସ୍ଥା ଜାରି ରହିଥିବା ବେଳେ ସାଧାରଣ ଲୋକ ଓ କାରଖାନା ଭିତରେ ବନ୍ଦୀ ହୋଇ ରହିଥିବା କର୍ମଚାରୀମାନେ ଆତଙ୍କିତ ଅବସ୍ଥାରେ ଅଛନ୍ତି।

ଏଭଳି ଆନ୍ଦୋଳନ ପଛରେ କୌଣସି ବାହ୍ୟ ଚାପ ଥିବା ନେଇ ସନ୍ଦେହ ବଢ଼ିବାରେ ଲାଗିଛି। ସେପଟେ ଆଜି ରାୟଗଡ଼ା ଉପଜିଲ୍ଲାପାଳ ପ୍ରବୀର ନାୟକ ଘଟଣାସ୍ଥଳକୁ ଯାଇ ଆନ୍ଦୋଳନକାରୀଙ୍କ ସହ ଆଲୋଚନା କରିଛନ୍ତି। ଥେରୁବାଲିର କୌଣସି ନିରପେକ୍ଷ ସ୍ଥାନରେ ଆଲୋଚନା ପାଇଁ ଆନ୍ଦୋଳନକାରୀମାନେ କହିଥିବା ଉପଜିଲ୍ଲାପାଳ ସୂଚନା ଦେଇଛନ୍ତି।

ଆନ୍ଦୋଳନର ସମାଧାନ ଲାଗି ପ୍ଲାଣ୍ଟ ପରିସରରେ ଆଲୋଚନା ପାଇଁ ପ୍ରଶାସନକୁ ପ୍ରସ୍ତାବ ଦେଇଛନ୍ତି ଇମ୍ଫା କର୍ତ୍ତୃପକ୍ଷ। ଯଦି ତାହା ସମ୍ଭବ ନୁହେଁ, ତେବେ ଜିଲ୍ଲାପାଳଙ୍କ କାର୍ଯ୍ୟାଳୟରେ ବୈଠକ ବସି ଆଲୋଚନା ହେଉ ବୋଲି ଇମ୍ଫା କର୍ତ୍ତୃପକ୍ଷ କହିଛନ୍ତି। ଆନ୍ଦୋଳନକାରୀମାନେ ମାରଣାସ୍ତ୍ର ରଖିଥିବା ଟେଲିଭିଜନ ଫୁଟେଜରୁ ଦେଖିବାକୁ ମିଳିଛି ତେଣୁ ଆନ୍ଦୋଳନସ୍ଥଳରେ ଆଲୋଚନା ସମ୍ଭବ ନୁହେଁ ବୋଲି ଇମ୍ଫା କର୍ତ୍ତୃପକ୍ଷ ଜଣାଇଛନ୍ତି।

 

You might also like