ଖେଳାଳିଙ୍କ ଦୃଢ ଇଚ୍ଛା ଶକ୍ତି ! କୋମାରୁ ଉଠି ଜିତିଲେ ବ୍ରୋଞ୍ଜ

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପରୀକ୍ଷା ପୂର୍ବରୁ ଛାତ୍ରୀଛାତ୍ରଙ୍କୁ ଟିପ୍ସ ଦେଇଛନ୍ତି। କେମିତି ପଢିଲେ ଜଣେ ଭଲ ଓ  ଫଳ ବ୍ୟକ୍ତିତ୍ୱର ଅଧିକାରୀ  ହୋଇ ସମାଜ ସାମ୍ନାରେ ଛିଡାହେବ । ସେ ନେଇ ମୋଦି ବର୍ଣ୍ଣନା କରିଥିଲେ। ଆଉ ଏଇ ଟିପ୍ସ ଭିତରେ କହିଥିଲେ ,ଜଣେ ଖେଳାଳିଙ୍କ ସଫଳତାର କହାଣୀ । କେମିତି ଜଣେ ଖେଳାଳି କୋମାରୁ ଉଠି ବ୍ରୋଞ୍ଚ ପଦକ ଜିତିଥିଲେ ।

ଦେଶର ପାଖାପାଖି ୧୦କୋଟି ପିଲାମାନଙ୍କ ସହ କଥାବାର୍ତ୍ତା ହେବା ସମୟରେ ସେ ଯେଉଁ ଖେଳାଳିଙ୍କ ସଂଘର୍ଷମୟ କାହାଣୀ ଶୁଣାଇଥିଲେ। ଯାହାକୁ ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଏହି ଖଳାଳି ଜଣକ ହେଉଛନ୍ତି ୱିଣ୍ଟର ଅଲମ୍ପିକ୍ସରେ ଭାଗ ନେଇଥିବା କାନାଡାର ‘ମାର୍କ ମେକମାଁରିସ’। ସେ ଜଣେ ସ୍ନୋବୋର୍ଡ ସ୍ଲୋପସ୍ଟାଇଲ ଖେଳାଳି। ଆସନ୍ତୁ ଜାଣିବା ତାଙ୍କ ସଫଳତା ସମ୍ପର୍କରେ-

କୋମାରୁ ବାହାରି  ଜିତିଥିଲେ ବ୍ରୋଞ୍ଜ ମେଡାଲ୍‌-

୧୧ମାସ ପୂର୍ବରୁ ଗୋଟେ ବଡ଼ ଦୁର୍ଘଟଣାର ସାମ୍ନା କରିଥିଲେ ମାର୍କ। ଯେଉଁଥିରେ ସେ ଗଭୀର ଭାବେ ଆଘାତ ପାଇଥିଲେ। ତାଙ୍କର ୧୭ଟି ହାଡ ଭାଙ୍ଗିଯାଇଥିଲା। ସେଥିପାଇଁ ସେ କୋମାକୁ ଚାଲିଯାଇଥିଲେ। ପଞ୍ଜରା,ପାଟିହାଡ ସମେତ ଆଉକିଛି ଅଙ୍ଗରେ ତାଙ୍କର କ୍ଷତ ହୋଇଥିଲା। ସ୍ନୋବୋର୍ଟିଂ କରିବା ସମୟରେ ସେ ଗଛରେ ପିଟିହୋଇଯାଇଥିଲେ। ଦୁର୍ଘଟଣାର ୧୧ମାସ ପରେ ସେ ୱିଣ୍ଟର ଅଲମ୍ପିକ୍ସରେ ଭାଗ ନେଇଥିଲେ। ସେଥିରେ ସେ ଅବିଶ୍ୱସନୀୟ ପ୍ରଦର୍ଶନ କରି ବ୍ରୋଞ୍ଚ ମେଡାଲ ହାସଲ କରିଥିଲେ। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିରଖିଥିଲା।

ମେଡାଲ୍‌ ଜିତିବା ପରେ ମାର୍କ ଟ୍ୱିଟରରେ ଦୁଇଟି ଫଟୋ ସେୟାର କରିଥିଲା । ଗୋଟେ ଫଟୋରେ ସେ ହସ୍ପିଟାଲରେ କୋମାରେ ପଡିରହିଥିଲେ ଏବଂ ଅନ୍ୟ ଫଟୋରେ ସେ ପୋଡିୟମରେ ମେଡାଲ୍‌ ସହ ଠିଆ ହୋଇଥିଲେ। ସେହି ଫଟୋର କ୍ୟାପ୍‌ସନରେ ସେ ଲେଖିଥିଲେ ‘ଶୁକ୍ରିୟା ଜିନ୍ଦେଗୀ’।

You might also like