• translate
Odishatv Bureau

ବାଲେଶ୍ୱର : ପାଠପଢା ଆଗରେ ହାର ମାନିଥାଏ ବୟସ। ଏହି ଉକ୍ତିକୁ ସଫଳ କରିଦେଖାଇଛନ୍ତି ବାଲେଶ୍ୱର ଜିଲ୍ଲାର ବିଜେପି ନେତା ଅରୁଣ ବେଜ। ଜଲେଶ୍ୱର ଅଞ୍ଚଳର ୫୮ ବର୍ଷୀୟ  ଅରୁଣ ଏବଂ ତାଙ୍କ ପୁଅ ୩୦ ବର୍ଷୀୟ ବିଶ୍ୱଜିତ ଏକାଠି ମାଟ୍ରିକ୍ ପାସ୍ କରିଛନ୍ତି।

ଉଭୟେ ଜଳେଶ୍ୱର ଅଞ୍ଚଳର ଦାଗପୁଞ୍ଜିସ୍ଥିତ ଚୈତନ୍ୟ ଦେବ ମୁକ୍ତ ବିଦ୍ୟାଳୟରେ ପାଠ ପଢିଥିଲେ। ଆଉ ସେମାନେ ମନୋରଞ୍ଜନ ଉଚ୍ଚ ବିଦ୍ୟାଳୟରେ ପରୀକ୍ଷା ଦେଇଥିଲେ। ବାଲେଶ୍ୱର ଜିଲ୍ଲା ବିଜେପି ଉପସଭାପତି ଥିବା ଅରୁଣ କୌଣସି କାରଣ ବଶତଃ ମାଟ୍ରିକ୍ ପାସ୍ କରିପାରିନଥିଲେ। ପରବର୍ତ୍ତୀ ସମୟରେ ପୁଅ ବିଶ୍ୱଜିତ୍ ମଧ୍ୟ ମାଟ୍ରିକ ପରୀକ୍ଷାରେ ଉତ୍ତୀର୍ଣ୍ଣ ହୋଇପାରିନଥିଲେ।

ତେଣୁ ଏକାଠି ଉଭୟେ ମାଟ୍ରିକ ପରୀକ୍ଷା ଦେବା ଲାଗି ନିଷ୍ପତ୍ତି ନେଇଥିଲେ। କଠିନ ପରିଶ୍ରମ ଏବଂ ଇଚ୍ଛାଶକ୍ତି ବଳରେ ଉଭୟ ବାପ ପୁଅ ଚଳିତ ବର୍ଷ ମାଟ୍ରିକ ପରୀକ୍ଷାରେ ସମାନ ୩୪୨ ନମ୍ବର ରଖି ପାସ୍ କରିଛନ୍ତି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି।

Other Stories