ଠିକା ଶିକ୍ଷା ସହାୟକ ମାନଙ୍କୁ ନିୟମିତ କରିବା ପାଇଁ ଓଡିଶା ପ୍ରାଥମିକ ଶିକ୍ଷକ ସଂଘର ଦାବି

ଭୁବନେଶ୍ୱର: ୬ ବର୍ଷ ପୁରଣ କରିଥିବା ସମସ୍ତ ଠିକା ଶିକ୍ଷା ସହାୟକ ମାନଙ୍କୁ ନିୟମିତ କରିବା ପାଇଁ ଓଡିଶା ପ୍ରାଥମିକ ଶିକ୍ଷକ ସଂଘ ଦାବି କରିଛି।  ଶିକ୍ଷା ସହାୟକ ଭାବେ ୩ ବର୍ଷ କାର୍ଯ୍ୟ କଲେ କନିଷ୍ଠଶିକ୍ଷକ ଓ କନିଷ୍ଠଶିକ୍ଷକ ଭାବେ  ୩ ବର୍ଷ କାମ କଲେ ନିୟମିତ ଶିକ୍ଷକ ହେବ ବୋଲି ନିୟମ ଥିଲେ ମଧ୍ୟ ସରକାର ଏହି ନିୟମ କୁ ପାଳନ କରୁନାହାନ୍ତି।

ଏହା ସହିତ ୬ ବର୍ଷ ଠିକା ଭାବେ କାର୍ଯ୍ୟ କରିଥିବା ସମସ୍ତ ଶିକ୍ଷା ସହାୟକ ମାନଙ୍କୁ ନିୟମିତ କରାଯିବ ବୋଲି ସରକାର ପ୍ରତିଶୃତି ଦେଇଥିବାବେଳେ ଏ ପର୍ଯ୍ୟନ୍ତ ଏହା କାର୍ଯ୍ୟକାରୀ ହୋଇନାହିଁ।

ଯଦି ଆସନ୍ତା ୨୧ ତାରିଖ ସୁଦ୍ଧା ସରକାର ଶିକ୍ଷା ସହାୟକ ମାନଙ୍କୁ ନିୟମିତ ନ କରନ୍ତି ତେବେ ଆସନ୍ତା ୨୨ ତାରିଖ ରେ ସମସ୍ତ ୧୭ ହଜାର ଶିକ୍ଷାସହାୟକ ବିଧାନସଭା ସମ୍ମୁଖରେ ଆନ୍ଦୋଳନ ଓ ବିକ୍ଷୋଭ କରିବବୋଲି ଚେତାବନୀ ଦେଇଛି ସଂଘ।

You might also like