ନୂଆ ଶହେ ଟଙ୍କିଆ ନୋଟ୍ ପ୍ରଚଳନ ନେଇ ଚିନ୍ତାରେ ଏଟିଏମ୍‌ ଅପରେଟର ସଂଘ, ଜାଣନ୍ତୁ କାହିଁକି

ନୂଆଦିଲ୍ଲୀ: ଖୁବ୍‌ ଶୀଘ୍ର ମାର୍କେଟକୁ ଆସୁଛି ନୂଆ ଶହେ ଟଙ୍କିଆ ନୋଟ୍।  କିନ୍ତୁ ଏହି ନୋଟ୍ ପାଇଁ ଏଟିଏମ୍‌ରେ ଯେଉଁ ପରିବର୍ତ୍ତନ କରାଯିବ, ସେଥିପାଇଁ ପ୍ରାୟ ଶହେ କୋଟି ଟଙ୍କା ଖର୍ଚ୍ଚ କରିବାକୁ ପଡ଼ିବ ବୋଲି ଜଣାପଡ଼ିଛି। କାହିଁକି ନା ଏଟିଏମ୍‌ଗୁଡ଼ିକୁ ରିକାଲିବ୍ରେଟ୍‌ କରିବା ପାଇଁ ଏହି ଖର୍ଚ୍ଚ କରିବାକୁ ପଡ଼ିବ।

ଯଦି ଠିକ୍ ଭାବେ ପରିଚାଳନା ନ ହୋଇପାରିଲା ତେବେ ଆହୁରି ଅଧିକ ସମୟ ଲାଗିବ ବୋଲି ଏଟିଏମ୍ ଅପରେଟର ସଂଘ ସତର୍କ କରାଇ ଦେଇଛି।  ଏହା ଦ୍ୱାରା ମାର୍କେଟରେ ଶହେ ଟଙ୍କିଆ ନୋଟ୍‌ର ଅଭାବ ମଧ୍ୟ ଦେଖା ଦେଇପାରେ ବୋଲି ଆଶଙ୍କା ପ୍ରକାଶ କରାଯାଇଛି।

ଦେଶରେ ପ୍ରାୟ ୨ ଲକ୍ଷ ୪୦ ହଜାର ଏଟିଏମ୍ ଅଛି। ସେ ସବୁଗୁଡ଼ିକୁ ରିକାଲିବ୍ରେଟ୍‌ କରିବାକୁ ହେବ। ଉଭୟ ପୁରୁଣା ଓ ନୂଆ ୧୦୦ ଟଙ୍କିଆ ନୋଟ୍‌କୁ ଏଟିଏମ୍‌ରେ ରଖିବାକୁ ପଡ଼ିବ, ଯାହାକି ଆମ ପାଇଁ ଏକ ବଡ଼ ସମସ୍ୟା। ଉଭୟ ପ୍ରକାର ନୋଟ୍‌ ପାଇଁ ଭିନ୍ନ ଆକାରର ଟ୍ରେ ଦରକାର ହେବ’ ବୋଲି ଏଟିଏମ୍‌ ପରିଚାଳନା କରୁଥିବା କଂପାନି ସଂଘର ଅଧିକାରୀ ଭି ବାଲସୁବ୍ରମଣିଅନ୍‌ କହିଛନ୍ତି।

ତେବେ କିଛି ମାସ ପୂର୍ବରୁ ପ୍ରଚଳନ କରାଯାଇଥିବା ନୂଆ ୨୦୦ ଟଙ୍କିଆ ନୋଟ୍‌ ପାଇଁ ଏଟିଏମ୍‌ଗୁଡ଼ିକୁ ରିକାଲିବ୍ରେଟ୍‌ କରାଯାଇଥିଲା। ସେହି କାମ ଏବେ ଶେଷ ହୋଇଥିବା ବେଳେ ପୁଣି ନୂଆ ଶହେ ଟଙ୍କିଆ ନୋଟ୍‌ ଆସିବା ସମ୍ପର୍କିତ ଖବର ଜଣାପଡ଼ିବା ପରେ ଏଟିଏମ୍‌ ପରିଚାଳନା କମ୍ପାନୀ ଗୁଡ଼ିକ ଚିନ୍ତିତ ହୋଇପଡ଼ିଛନ୍ତି।

RBI ପକ୍ଷରୁ ଜାରି ହେବାକୁ ଥିବା ଏହି ନୂଆ ଶହେ ଟଙ୍କିଅା ନୋଟ୍ ବାଇଗଣି ରଙ୍ଗର ରହିବ। ଏନେଇ RBI ପକ୍ଷରୁ ଏହାର ଫଟୋ ଜାରି କରାଯାଇଛି।

ନୂଅା ନୋଟ୍ ଅାସିଲେ ବି ପୁରୁଣା ଶହେ ଟଙ୍କିଅା ନୋଟ୍ ପ୍ରଚଳନ ରହିବ। ନୂଅା ନୋଟ୍ ପୁରୁଣା ନୋଟ୍‌ରୁ ସାମାନ୍ୟ ଛୋଟ ଏବଂ ୧୦ ଟଙ୍କିଅାଠୁ ସାମାନ୍ୟ ବଡ଼ ରହିବ। ନୂଅା ଶହେ ଟଙ୍କିଅା ନୋଟ୍‌ର ପଛ ପାର୍ଶ୍ୱରେ ଗୁଜରାଟର ରାଣୀ କି ଭାବ୍ ସ୍ମାରକର ଚିତ୍ର ସ୍ଥାନ ପାଇଛି।

 

 

ଆହୁରି ପଢ଼ନ୍ତୁ

ରାୟୁଡୁଙ୍କ ଧମାକା: ମୁମ୍ବାଇକୁ ଚକମା ଦେଲା ଚେନ୍ନାଇ

ଅନ୍ତିମ ଯାତ୍ରାରେ ବାହାରିଲା INS ବିରାଟ

କରୋନା ଆରୋଗ୍ୟ ହାର: ଆମେରିକାକୁ ପଛରେ ପକାଇ ଭାରତ ଆଗରେ

ଲକ୍‌‌ଡାଉନ ସମୟରେ ସ୍ୱତନ୍ତ୍ର ଶ୍ରମିକ ଟ୍ରେନ୍‌‌ରେ ୯୭ ଶ୍ରମିକଙ୍କ ମୃତ୍ୟୁ ଘଟିଛି

ସାମ୍ବାଦିକଙ୍କ ସମେତ ଚୀନ ଓ ନେପାଳ ନାଗିରକ ଗିରଫ; ଚୀନ ଗୁଇନ୍ଦା ସଂସ୍ଥାକୁ ଦେଉଥିଲେ ଗୁପ୍ତ ଖବର

COVID-19କୁ ନେଇ ବଢ଼ିଲା ଚିନ୍ତା; ରୂପ ବଦଳାଇ ସୁସ୍ଥ ହୋଇଥିବା ରୋଗୀଙ୍କ ଶରୀରରେ ପୁଣି ସଂକ୍ରମିତ ହେଉଛିି

୨୪ ଘଣ୍ଟାରେ ୯୩, ୩୩୭ କରୋନା ଆକ୍ରାନ୍ତ ଚିହ୍ନଟ

ରେଡ୍‌ ବେଳେ ୯ ଆତଙ୍କବାଦୀ ଗିରଫ, ଦେଶରେ ବଡ଼ ଧରଣର ହମ୍‌ଲା ପାଇଁ କରିଥିଲେ ଯୋଜନା

କରୋନା ଭ୍ୟାକ୍‌ସିନ୍‌ ପରେ ଔଷଧ ତିଆରି କଲା ଋଷ

ପ୍ଲେ’ ଷ୍ଟୋରକୁ ପୁଣି ଫେରିଲା Paytm

ଚୀନକୁ ଆଉଏକ ଝଟ୍‌କା, ଏହି ଦେଶରେ ବି ବ୍ୟାନ୍ ହେଲା TikTok

ମୋଦିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଲେ ବିରାଟ୍, ଜବାବରେ ପ୍ରଧାନମନ୍ତ୍ରୀ କହିଲେ…

You might also like