ପୁଅ ସହ ମାଟ୍ରିକ୍‌ ପାସ୍‌ କଲେ ମାଆ

ବାଲେଶ୍ୱର: ଯେଉଁ ଆଶା ଛାତ୍ରୀ ଜୀବନରେ ପୂରଣ ହୋଇପାରି ନଥିଲା ଆଜି ପୂରଣ ହୋଇଯାଇଛି। ଗୋଟିଏ ପୁଅ ଓ ଗୋଟିଏ ଝିଅର ମାଆ ହେବା ପରେ ମାଟ୍ରିକ ପରୀକ୍ଷାରେ ପାସ୍‌ ହୋଇଛନ୍ତି। ଗୁରୁତ୍ୱପୂର୍ଣ୍ଣ କଥା ହେଲା ଚଳିତବର୍ଷ ପୁଅ ସହ ସେ ଦେଇଥିଲେ ମାଟ୍ରିକ ପରୀକ୍ଷା। ଆଉ ଉଭୟ ମାଆ, ପୁଅ ପାସ କରିଛନ୍ତି। ଏ ହେଉଛି ବାଲେଶ୍ୱର ଜିଲ୍ଲା ଭୋଗରାଇ ବ୍ଲକର ଶବରଘାଟା ପଞ୍ଚାୟତର ବାସିନ୍ଦା ତଅପୋଇ ଖଟୁଆଙ୍କ କାହାଣୀ। ପୁଅ ବିକାଶ କୁମାର ଖଟୁଆ ସହ ସେ ମାଟ୍ରିକ ପାସ କରିଛନ୍ତି।

ପୁଅ ରେଗୁଲାର ମାଟ୍ରିକ ପରୀକ୍ଷାରେ ପାସ ହୋଇଥିବାବେଳେ ତଅପୋଇ ରାଜ୍ୟ ମୁକ୍ତ ବିଦ୍ୟାଳୟରୁ ପାସ କରିଛନ୍ତି। ଅର୍ଥାଭାବାରୁ ପାଠ ପଢିପାରି ନଥିବା ତଅପୋଇ ପୁଅ ବିକାଶଙ୍କ ପ୍ରେରଣାରୁ ପାଠପଢି ମାଟ୍ରିକ ପାସ କରିଛନ୍ତି। ପାଠ ପଢିବା ପାଇଁ ବୟସ କେବେ ବି ବାଧକ ସାଜେ ନାହିଁ ବୋଲି ସେ କହିଛନ୍ତି।

You might also like