ସ୍ତ୍ରୀ ସହିତ ମିଶି ମାଆକୁ ହତ୍ୟା କଲା ପୁଅ

ଝାରସୁଗୁଡ଼ା: ଟଙ୍କା ପାଇଁ ମାଆକୁ ହତ୍ୟା କଲା ପୁଅ। ଏଭଳି ଲୋମଟାଙ୍କୁରା ଘଟଣା ଝାରସୁଗୁଡ଼ା ସହରରେ ଶୁଣିବାକୁ ମିଳିଛି। ମୁଙ୍ଗାପଡ଼ାର ଉଷା ରାଉତ ନାମ୍ନୀ ଜଣେ ମହିଳାଙ୍କୁ ତାଙ୍କ ପୁଅ ସ୍ତ୍ରୀ ସହିତ ମିଶି ହତ୍ୟା କରିଥିବା ଅଭିଯୋଗ ହୋଇଛି।

ସୂଚନା ଅନୁସାରେ, ଆଜି ସ୍ଥାନୀୟ ମନମୋହନ ସ୍କୁଲ ପଛପଟେ ଏକ ପରିତ୍ୟକ୍ତ ସ୍ଥାନରୁ ଉଷାଙ୍କ କ୍ଷତାକ୍ତ ମୃତଦେହ ଉଦ୍ଧାର କରାଯାଇଥିଲା। ଏହାପରେ ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଥିଲା ଯେ, ମୁଙ୍ଗାପଡ଼ାରେ ଜରି ଗୋଟାଳି ଭାବେ କାର୍ଯ୍ୟ କରୁଥିବା ଉଷାଙ୍କ ସହ ଟଙ୍କା ପାଇଁ ତାଙ୍କ ପୁଅ ଓ ବୋହୂ ବିଭିନ୍ନ ସମୟରେ ଝଗଡ଼ା କରୁଥିଲେ। ଗତରାତିରେ ପୁଅ ମିଟୁ ରାଉତ ସ୍ତ୍ରୀ ସହ ମିଶି ଉଷାଙ୍କ ମୁଣ୍ଡକୁ ପଥରରେ ଛେଚି ହତ୍ୟା କରିଥାଇପାରେ ବୋଲି ପୋଲିସ ଅନୁମାନ କରୁଛି। ସନ୍ଧାନୀ କୁକୁର ସହ ଏସ୍‌ଡିପିଓ ଏବଂ ଆଇଆଇସି ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ଏଥିସହିତ ପୋଲିସ ମିଟୁ ଓ ତାଙ୍କ ପତ୍ନୀଙ୍କୁ ଅଟକ ରଖି ପଚରାଉଚରା କରୁଥିବା ଜଣା ପଡ଼ିଛି।

 

You might also like
Comments
Loading...