ଜୋରସୋରରେ ଚାଲିଛି ବିଜେପୁର ଉପ ନିର୍ବାଚନ ପ୍ରଚାର : ପୁଣି ଜବତ ହେଲା ଟଙ୍କା

ବିଜେପୁର : ବିଜେପୁର ଉପନିର୍ବାଚନ ପ୍ରଚାର ଚାଲିଥିବା ବେଳେ ପୁଣି ଜବତ ହେଲା ଟଙ୍କା । ଗତକାଲି ବରଗଡ଼ ଜିଲ୍ଲା ମହୁଲିପାଲି ଛକରୁ ଏକ କାରରୁ ୪୦ ଲକ୍ଷ ୫୦ ହଜାର ଟଙ୍କା ଜବତ ହୋଇଛି । ପଦ୍ମପୁର ପୋଲିସ ପକ୍ଷରୁ ମହୁଲିପାଲି ଚେକପୋଷ୍ଟରେ ଯାଞ୍ଚ ବେଳେ କାର ଡିକିରୁ ଏତେ ପରିମାଣର ଟଙ୍କା ଜବତ ହୋଇଛି ।

 ଗତକାଲି ରାତିରେ OR 17 G 1855 ନମ୍ବର ବିଶିଷ୍ଟ କାରଟି ପଦ୍ମପୁରରୁ ବିଜେପୁର ଅଭିମୁଖେ ଯାଉଥିଲା ତେବେ ପୋଲିସର ସନ୍ଦେହ ହେବାରୁ କାରଟିକୁ ଯାଞ୍ଚ୍ ବେଳେ ଏହି ଟଙ୍କା ଥିବା ଦେଖିବାକୁ ମିଳିଥିଲା । ଏହି କାର ଚଳାଉଥିବା କାରର ମାଲିକ ରାଜେଶ ଅଗ୍ରଓ୍ୱାଲଙ୍କୁ ପୋଲିସ ଅଟକ ରଖି ଅଧିକ ପଚରାଉଚରା କରୁଛି । ଜବତ ଟଙ୍କା ସମ୍ପର୍କରେ ରାଜେଶ ଠିକରେ ତଥ୍ୟ ଦେଇ ପାରିନଥିବା ପଦ୍ମପୁର ଏସଡିପିଓ କହିଛନ୍ତି ।

ଏହା ପୂର୍ବରୁ ମଧ୍ୟ ଗତ ୧୪ ତାରିଖରେ ଗାଇସିଲେଟ୍ ଥାନା ତାଲପାଲି ଛକରୁ ୨ଟି କାରରୁ ୩ ଲକ୍ଷ ୨୦ ହଜାର ଟଙ୍କା ଜବତ ହୋଇଥିଲା ।

ଏହାସହ ଦେଖନ୍ତୁ ଏହି ଭିଡିଓ –

You might also like