ଏମ୍ସର ଛାତ୍ର ସୋହେଲ ଅଜାଜ ନିଖୋଜ ମାମଲା :  ୩ଟି ରାଜ୍ୟର ପୋଲିସ୍‌ଙ୍କ ଅନୁସନ୍ଧାନ ଜାରି

ଭୁବନେଶ୍ୱର : ଭୁବନେଶ୍ୱର ଏମ୍ସର କାଶ୍ମୀର ଛାତ୍ର ସୋହେଲ ଅଜାଜ ନିଖୋଜ ମାମଲାରେ ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମାଙ୍କ ସୂଚନା। ଏହି ପ୍ରସଙ୍ଗରେ ସେ ଟେଲିଫୋନ ଯୋଗେ ଜାମ୍ମୁ-କାଶ୍ମୀର ଡିଜିପିଙ୍କ ସହ କଥା ହୋଇଛନ୍ତି। ଏଥିସହ ସୋହେଲଙ୍କ ସୋସିଆଲ ମିଡିଆ ଆକାଉଣ୍ଟ ଯାଞ୍ଚ ଚାଲିଛି । କୌଣସି ଆତଙ୍କବାଦୀ ସଂଗଠନ ସହ ସଂପର୍କ ଦିଗରେ ବି ତଦନ୍ତ ଚାଲିଛି।

ଓଡ଼ିଶା, ଜାମ୍ମୁ କାଶ୍ମୀର ଓ ପଶ୍ଚିମବଙ୍ଗ ପୋଲିସ ସୋହେଲ ସଂପର୍କରେ ଅନୁସନ୍ଧାନ କରୁଛନ୍ତି ବୋଲି ଡିଜି ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି। ଅନ୍ୟପକ୍ଷରେ ଜାମ୍ମୁ କାଶ୍ମୀର ଡିଜିପି ଏସ୍.ପି ବୈଦ OTVକୁ କହିଛନ୍ତି ଯେ, ସୋହେଲଙ୍କୁ ଶେଷ ଥର ପାଇଁ କୋଲକତାରେ ଦେଖିବାକୁ ମିଳିଥିଲା। ତା’ପରେ ସୋହେଲଙ୍କ ସଂପର୍କରେ କୌଣସି ସୁରାକ୍‌ ମିଳୁନି। ତାଙ୍କ ଘରକୁ ଯାଇ ପରିବାର ଲୋକଙ୍କୁ ପଚରାଉଚରା କରିଛୁ।  ଆତଙ୍କବାଦୀ ସଂଗଠନ ସହ ସଂପର୍କ ନେଇ ମଧ୍ୟ କିଛି ସୁରାକ୍‌ ମିଳିନି।

ଜାମ୍ମୁ ଓ କାଶ୍ମୀର କୁପଓ୍ୱାଡା ଜିଲ୍ଲାର ସୋହେଲ ରହସ୍ୟମୟ ଭାବେ ଭୁବନେଶ୍ୱର ହଷ୍ଟେଲରୁ ନିଖୋଜ ହୋଇଯାଇଥିବା ଅଭିଯୋଗ ହୋଇଛି।  ଗତ ୧୬ ଦିନ ହେଲା ସୋହେଲଙ୍କ ମୋବାଇଲ ମଧ୍ୟ ବନ୍ଦ ରହିଛି  ପରିବାର କିମ୍ବା କଲେଜ କର୍ତ୍ତୃପକ୍ଷଙ୍କ ସହ କୌଣସି ଯୋଗଯୋଗ ରଖିନଥିବାରୁ ଘଟଣା ନେଇ ସନ୍ଦେହ ଘନୀଭୁତ ହେବାରେ ଲାଗିଛି।

You might also like