ଛତିଶଗଡ : ଏମାନେ ଜୀବନ ଓ ଯନ୍ତ୍ରଣାର ମଝି ନଈରେ ଭାସି ଚାଲିଥିଲେ। ସୁଖ ଓ ଦୁଃଖର ଭାଗବାଣ୍ଟ କରିବାକୁ ତାଙ୍କ ପାଖରେ ନଥିଲା ସମୟ। କାରଣ ରାତି ପାହିଲେ ସେମାନେ ଭେଟୁଥିଲେ ନୂଆ ଚେହେରାଙ୍କୁ। ଆରମ୍ଭ ହୋଇଯାଉଥିଲା ଦେହ ସଉଦା , ମୂଲଚାଲ। ଏମିତି ଅନେକ ଦିନରୁ ସେଠାରେ ଏହି ଦେହ ବ୍ୟବସାୟର କାରବାର ଚାଲିଆସୁଥିଲା। ଏହା କୌଣସି ଗପ କି କାହାଣୀର ସାରାଂଶ ନୁହେଁ। ଛତିଶଗଡର ମୁଙ୍ଗେଳି ଜିଲ୍ଲାରେ ଦେହ ବ୍ୟବସାୟରେ ଲିପ୍ତ ଥିବା ମହିଳାଙ୍କ ପାଇଁ ଏମିତି ଥିଲା ଦିନଚର୍ଯ୍ୟା।

ସୂଚନା ଅନୁସାରେ ମୁଙ୍ଗେଳି ଜିଲ୍ଲାରେ ବହୁମାତ୍ରାରେ ଦେହ ବ୍ୟବସାୟ ହୋଇଥାଏ । ଦୀର୍ଘଦିନରୁ ଏଠାକାର ମହିଳାମାନଙ୍କୁ ଏଥିରେ ଲିପ୍ତ ରହିବାକୁ ବାଧ୍ୟ କରାଯାଏ । ଯଦି କେହି ମହିଳା ଏହାକୁ ବିରୋଧ କରି ପାଠ ପଢିବାକୁ କହିଥାଏ, ତେବେ ସେଥିରୁ ନିବୃତ୍ତ ହୋଇପାରୁ ନଥିଲେ।

ଏବେ ଏକ ଅଭିନବ ପ୍ରୟାସ କରି ସେଠାରୁ ଦେହ ବ୍ୟବସାୟକୁ ବନ୍ଦ କରିବାରେ ସଫଳ ହୋଇଛି ପୋଲିସ୍। କିଛି ମହିଳାଙ୍କୁ ଏକତ୍ର କରି ଏକ ସଂଗଠନ ତିଆରି କରାଯାଇଥିଲା। ସେମାନଙ୍କୁ ସଚେତନ କରାଯାଇ କେମିତି ସମାଜର ମୁଖ୍ୟ ସ୍ରୋତରେ ସାମିଲ୍‌ ହେବେ ଏବଂ ଏକ ଉନ୍ନତ ଜୀବନ ଜିଇଁବେ ତା ବିଷୟରେ ବୁଝାଯାଇଥିଲା। ଦେହରେ ଲାଲ୍ ରଙ୍ଗର ଶାଢି ଓ ମୁଣ୍ଡରେ ଧଳା ରଙ୍ଗର ଟୋପି ସାଙ୍ଗକୁ ହାତରେ ଲାଠି ଧରି ମହିଳାମାନେ ସହରର ଗଳିକନ୍ଦିରେ ଘୁରି ବୁଲିଥିଲେ । ସମସ୍ତ ମହିଳାଙ୍କୁ ଏକାଠି କରି ଏପରି କାମ ଆଉ ନକରିବାକୁ ବୁଝାଇଥିଲେ ଏବଂ ଯେଉଁ ଲୋକ ସେ ଅଞ୍ଚଳକୁ ଆସୁଥିଲେ, ସେମାନେ ଆଉ ଏପରି କାମ ଆଶା ନେଇ ନଆସିବାକୁ କହିଥିଲେ। ଯଦି ଏପରି କାମ କରିବାକୁ ବାଧ୍ୟ କରନ୍ତି ତ ପୋଲିସ୍‌କୁ ଜଣାଇଦେବାର ଭୟ ଦେଖାଇଥିଲେ।

ପୋଲିସ ଏହି କାରବାରକୁ ବନ୍ଦ କରିବା ପାଇଁ ବହୁ ପୂର୍ବରୁ ଚେଷ୍ଟା କରିଚାଲିଥିଲା, କିନ୍ତୁ ଏଥିରେ ବାରମ୍ବାର ବିଫଳ ହୋଇଥିଲା। ଏବେ ପୋଲିସ ବିଭାଗର ସହଯୋଗରେ ଏହି ମହିଳାମାନେ ଦେହ ବ୍ୟବସାୟକୁ ସମ୍ପୂର୍ଣ୍ଣ ଭାବରେ ବନ୍ଦ କରିଦେଇଛନ୍ତି । ଆଉ ବିତାଉଛନ୍ତି ସାଧାରଣ ଜୀବନ ଏବଂ ନିଜକୁ ଏବେ ସ୍ୱୟଂ ସଂପୂର୍ଣ୍ଣ ମନେକରୁଛନ୍ତି ବୋଲି କହିଛନ୍ତି ଏହି ମୁଙ୍ଗେଳି ଜିଲ୍ଲାର ମହିଳାମାନେ। ମୁହଁରେ ଏବେ ତାଙ୍କର ମନ ଖୋଲା ହସ।

Other Stories

  • Delivery Boy
    Delivery Boy ପୋଲିସ୍ ସାଜିଲା ଡେଲିଭରି ବୟ

    ଆମେରିକାରେ ରହୁଥିବା ଜଣେ ମହିଳା ନିଜ ପାଇଁ ଅନ୍‌ଲାଇନ୍‌ରେ ଖାଦ୍ୟ ଅର୍ଡର କରିଥିଲେ। ଯେତେବେଳେ ସେ ଖାଦ୍ୟ ପାଇଁ ଅପେକ୍ଷା କରିଥିଲେ ସେତେବେଳେ ଜଣେ ପୋଲିସ ଅଧିକାରୀ ତାଙ୍କ ଘରର କବାଟ ବାଡେଇଥିଲେ ।

  • PMAY
    Odisha ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି !

    ଭୁବନେଶ୍ୱର: ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ଅଭିଯୋଗ ଆଣି ରାଜ୍ୟ ସରକାରଙ୍କୁ ବିଜେପିର ଟାର୍ଗେଟ୍ । ଏମିତିକି ଏହି ଦୁର୍ନୀତି ଓ ଅନିୟମିତତା ପ୍ରତିବାଦରେ ଆସନ୍ତା ୭ରୁ ୯ ଯାଏଁ ଆନ୍ଦୋଳନ କରିବାକୁ ଦଳ...

  • COWIN
    Co Win ୫୦ ଦେଶ କୋ-ୱିନ୍‌ ଆପ୍‌ ବ୍ୟବହାର କରିବାକୁ ଆଗ୍ରହୀ

    ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇରେ ମୁଖ୍ୟ ଅସ୍ତ୍ର ଟିକା । ଆଉ ଏହି ବିଶ୍ୱର ସର୍ବବୃହତ ଟିକାକରଣ ଅଭିଯାନର ମେରୁଦଣ୍ଡ କୋ-ଓ୍ୱିନ୍ ଟିକା । ଉପଲବ୍ଧତା ଯାଞ୍ଚ ହେଉ, ସ୍ଲଟ୍ ବୁକିଂ ଅବା ରେଜିଷ୍ଟ୍ରେନ୍ କିମ୍ବା...

  • Small-girl
    Odisha ମା‘ ଭାଇର ଜୀବନ ବଞ୍ଚେଇ ଦେଲା କୁନି ଝିଅ

    ମୁରାଦାବାଦ୍‌: ଯେଉଁ ବୟସରେ ଚାଲି ଶିଖିବା କଥା ସେ ବୟସରେ ସେ ମାଆ ପାଇଁ ସାହାରା ହେଲା । ଅଜଣା ରାସ୍ତାରେ ମାଆ, ଭାଇ ପାଇଁ ଖୋଜି ଆଣିଲା ଉଦ୍ଧାରକାରୀ ଟିମ୍ । ଷ୍ଟେସନ୍‌ରେ ଅଚେତ୍ ଅବସ୍ଥାରେ...