ମେ’ ୭ରେ ମାଟ୍ରିକ ପରୀକ୍ଷାଫଳ

କଟକ: ମେ’ ୭ ତାରିଖରେ ମାଟ୍ରିକ ପରୀକ୍ଷାଫଳ ପ୍ରକାଶ ପାଇବ। ଏହି ସୂଚନା ଦେଇଛନ୍ତି ବୋର୍ଡ ସଭାପତି ଜାହାନଆରା ବେଗମ୍। ୭ ତାରିଖ ସକାଳ ୯ଟାରେ ପରୀକ୍ଷାଫଳ ପ୍ରକାଶ ପାଇବ ଓ ସେହିଦିନ ଅପରାହ୍ନରେ ପରୀକ୍ଷା OMR ସିଟ୍ ମଧ୍ୟ ଦେଖି ହେବ ବୋଲି ବୋର୍ଡ ପକ୍ଷରୁ କୁହାଯାଇଛି।

ଦିନ ୧୨ଟାଠାରୁ ଛାତ୍ରଛାତ୍ରୀ ବୋର୍ଡର ୱେବସାଇଟ୍‌ ମାଧ୍ୟମରେ ପରୀକ୍ଷାଫଳ ଦେଖିପାରିବେ। ଏଥିପାଇଁ www.bseodisha.ac.in ଏବଂ www.bseodisha.nic.in ରେ ଲଗ୍‌ ଇନ୍‌ କରି ପରୀକ୍ଷାଫଳ ଦେଖି ହେବ।

ଏସ୍‌ଏମ୍‌ଏସ୍‌ ଦ୍ୱାରା ମଧ୍ୟ ପରୀକ୍ଷାଫଳ ଜାଣି ହେବ। ଏଥିପାଇଁ OR10 ଲେଖି ସ୍ପେସ୍ ଦେଇ ରୋଲ୍ ନମ୍ବର ଲେଖି-5676750କୁ ପଠାଇବାକୁ ପଡ଼ିବ। ଯଦି କୌଣସି ଆପତ୍ତି  ଓ ଅଭିଯୋଗ ଥାଏ, ତେବେ ତାହା ଜଣାଇବାକୁ ବୋର୍ଡ ପକ୍ଷରୁ ଦୁଇଟି ହେଲ୍‌ପ ଲାଇନ ନମ୍ବର ମଧ୍ୟ ଜାରି କରାଯାଇଛି। ଛାତ୍ରଛାତ୍ରୀମାନେ 0671-2412059 ଓ 2412060କୁ କଲ୍‌ କରି ନିଜର ଅଭିଯୋଗ ରଖିପାରିବେ।

 

You might also like