ମାଲକାନଗିରି ସୀମାନ୍ତରେ ପୁଣି ମାତିଲା ଲାଲବାହିନୀ

ମାଲକାନଗିରି:  ମାଲକାନଗିରି ସୀମାନ୍ତରେ ପୁଣି ମାତିଲା ଲାଲବାହିନୀ। ଛତିଶଗଡ଼ ସୁକମା ଜିଲ୍ଲା ଭଟିଗୁଡ଼ାରେ ଜଣଙ୍କୁ ମାଓବାଦୀ ହତ୍ୟା କରିଥିବା ସୂଚନା ମିଳିଛି।

ଘରୁ ଟେକିନେଇ ଜଙ୍ଗଲ ଭିତରେ ସଂପୃକ୍ତ ବ୍ୟକ୍ତିଙ୍କୁ ପିଟିପିଟି ମାରିଦେଇଥିବା ଅଭିଯୋଗ ହୋଇଛି। ତେବେ ହତ୍ୟାର ପ୍ରକୃତ କାରଣ କଣ, ସେନେଇ ସ୍ପଷ୍ଟ ହୋଇନଥିବାବେଳେ ପୋଲିସ୍ ଇନଫରମର ସନ୍ଦେହରେ ତାଙ୍କୁ ହତ୍ୟା କରାଯାଇଥିବା ଆଶଙ୍କା କରାଯାଉଛି।

ମିଳିଥିବା ସୂଚନା ଅନୁଯାୟୀ, ଗତ ୩ ଦିନ ତଳୁ ମାଓବାଦୀ ସଂପୃକ୍ତ ବ୍ୟକ୍ତିଙ୍କୁ ଅପହରଣ କରିନେଇଥିଲେ। ଆଉ ତାପରେ ତାଙ୍କୁ ହତ୍ୟା କରାଯାଇଥିବା କୁହାଯାଉଛି।

ସେହିପରି ରାଲେଗଡ଼ାରୁ ଚିନ୍ତଲଡ଼ୋଲି ମଧ୍ୟରେ ଏସାର୍ କମ୍ପାନୀର ଏକ ପାଇପ୍ ଲାଇନକୁ ମାଓବାଦୀମାନେ କାଟି ଦେଇଥିବା ସୂଚନା ମିଳିଛି। ଫଳରେ ଛତିଶଗଡ଼ର କିରଣ୍ଡୋଲ୍ ଏବଂ ବିଶାଖାପାଟଣା ମଧ୍ୟରେ ଲୌହଗୁଣ୍ଡ ପରିବହନରେ ବାଧା ଉପୁଜିଛି।

You might also like