କୋରାପୁଟ-ମାଲକାନଗିରି ସୀମାନ୍ତରେ ମାଓ ପୋଷ୍ଟର

କୋରାପୁଟ : କୋରାପୁଟ ମାଲକାନଗିରି ସୀମାନ୍ତ ବଡଡୁରାଲ ରାସ୍ତାରେ ଲାଗିଛି ମାଓ ପୋଷ୍ଟର। ବିଏସଏଫ୍ ଯବାନମାନଙ୍କୁ ସୂଚନା ଦେଉଥିବା ଲୋକଙ୍କୁ ମୃତ୍ୟୁଦଣ୍ଡ ଯିଆଯିବ ବୋଲି ପୋଷ୍ଟରରେ ଚେତାବନୀ ଦେଇଛନ୍ତି ମାଓ ସଙ୍ଗଠନ।

ସିପିଆଇ ମାଓବାଦୀ ମାଲକାନଗିରି ଡିଭିଜନ ପକ୍ଷରୁ ଲାଗିଛି ଏହି ପୋଷ୍ଟର। ଏହି ଅଞ୍ଚଳରେ ବିଭିନ୍ନ କାମ କରୁଥିବା ଠିକାଦାରମାନେ ମଧ୍ୟ ସେମାନଙ୍କ କାମରୁ ନିବୃତ ରହିବାକୁ ପୋଷ୍ଟରରେ ଚେତାବନୀ ଦେଇଛନ୍ତି ମାଓବାଦୀ। ଏହାର ଖିଲାପ ହେଲେ ଠିକାଦାରମାନଙ୍କୁ ମଧ୍ୟ ମୃତ୍ୟୁଦଣ୍ଡ ଦେବାକୁ ପୋଷ୍ଟରରେ ଧମକ ଦିଆଯାଇଛି।

କୋରାପୁଟ ଜିଲ୍ଲାର ଅନକାଡେଲି, ବାଜିଆମ୍ବ, ବାଦିଗଡ଼, ବଡଡୁରାଲ, ଅନଚୋହେଲ ସହ ୧୦ଟି ଗାଁର ଲୋକଙ୍କୁ ପୋଷ୍ଟରରେ ଏହି ଧମକ ଦିଆଯାଇଛି।

You might also like