ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ଆତ୍ମାହୂତି ଉଦ୍ୟମ କରିଥିବା ଯୁବକଙ୍କୁ ମରଣାନ୍ତକ ଆକ୍ରମଣ କରାଯାଇଥିବାର ଅଭିଯୋଗ ହୋଇଛି।

ଏହି ଆକ୍ରମଣର ଶିକାର ହୋଇଛନ୍ତି କେନ୍ଦୁଝର ଜିଲ୍ଲା ଗଡବାନ୍ଧଗଡା ବାସିନ୍ଦା ସୁନୀଲ ଚକ୍ର। ଆକ୍ରମଣରେ ସୁନୀଲଙ୍କ  ହାତ ଓ ଡାହାଣ ଗୋଡ ସହ ଶରୀରରେ ଗଭୀର ଅଘାତ ହୋଇଛି।

ଆକ୍ରମଣ ପଛରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ରଙ୍କ ପୁଅ ତଥା ଘଷିପୁରା ବ୍ଲକର ପୂର୍ବତନ ଅଧ୍ୟକ୍ଷ ଦେବାଶିଷ ପାତ୍ରଙ୍କ ସମ୍ପୃକ୍ତି ଥିବା ନେଇ ସୁନୀଲ ଅଭିଯୋଗ ଆଣିଛନ୍ତି।

ତେବେ ଦେବାଶିଷ ଏହି ଅଭିଯୋଗକୁ ଖଣ୍ଡନ କରିବା ସହ ଅଭିଯୋଗକାରୀ ବିଜେପି କର୍ମୀ ବୋଲି କହିଛନ୍ତି। ଦୁଇ ମାସ ତଳେ ନିଜ ଅଞ୍ଚଳରେ ଚାଲିଥିବା ସରକାରୀ ଯୋଜନାରେ ଆର୍ଥିକ ଅନିୟମିତତା ଦର୍ଶାଇ ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ଆତ୍ମାହୂତି ଦେବାକୁ ଉଦ୍ୟମ କରିଥିଲେ ସୁନୀଲ।

Other Stories