• translate
Odishatv Bureau

ନୂଆ ଦିଲ୍ଲୀ : ଲୋକପାଳ ନିଯୁକ୍ତି ଲାଗି ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ଆଜି ଏକ ବୈଠକ ହେଉଛି। କିନ୍ତୁ ଏହି ବୈଠକରେ ଯୋଗ ଦେବେ ନାହିଁ ଲୋକସଭାରେ କଂଗ୍ରେସର ସଂସଦୀୟ ନେତା ମଲ୍ଲିକାର୍ଜୁନ ଖର୍ଗେ। ତ।ଙ୍କୁ ଯେଭଳି ଭାବେ ନିମନ୍ତ୍ରଣ କରାଯାଇଛି, ତାକୁ ଦୃଢ଼ ବିରୋଧ କରିଛି କଂଗ୍ରେସ।

ଲୋକପାଳ ନିଯୁକ୍ତି ପ୍ରକ୍ରିୟାରେ ବିରୋଧୀଙ୍କ ସ୍ୱରକୁ ଦବାଇ ତାକୁ ସାମିଲ ନ କରିବାକୁ ଜାଣିଶୁଣି କେନ୍ଦ୍ର ସରକାର ଏପରି କରୁଥିବା ଅଭିଯୋଗ କରିଛନ୍ତି ମଲ୍ଲିକାର୍ଜୁନ ଖର୍ଗେ। ଲୋକପାଳ ନିଯୁକ୍ତି କମିଟିର ବୈଠକକୁ ସ୍ପେସାଲ ଇନ୍‌ଭାଇଟି ଭାବେ ମଲ୍ଲିକାର୍ଜୁନଙ୍କୁ ନିମନ୍ତ୍ରଣ କରାଯାଇଥିଲା। ତେଣୁ ସେ ବୈଠକରେ ଯୋଗ ଦେବେ ନାହିଁ ବୋଲି କହିଛନ୍ତି ମଲ୍ଲିକାର୍ଜୁନ ଖର୍ଗେ। ଏକ କମିଟି ଜରିଆରେ ଲୋକପାଳ ନିଯୁକ୍ତି କରାଯାଇଥାଏ। ଏହି କମିଟିରେ ପ୍ରଧାନମନ୍ତ୍ରୀ, ବିରୋଧୀ ଦଳ ନେତା, ବାଚସ୍ପତି ଓ ସୁପ୍ରିମକୋର୍ଟର ପ୍ରଧାନ ବିଚାରପତି ରହିଥାନ୍ତି। ଯଦିଓ ଲୋକସଭାରେ କଂଗ୍ରେସ ସବୁଠୁ ବଡ଼ ବିରୋଧୀ ଦଳ, ଆବଶ୍ୟକ ସଂଖ୍ୟକ ସାଂସଦ ନ ଥିବାରୁ ଏହାକୁ ବିରୋଧୀ ଦଳ ମାନ୍ୟତା ମିଳିନାହିଁ।

ସେପଟେ ଲୋକପାଳ ନିଯୁକ୍ତି କମିଟିରେ ସବୁଠୁ ବଡ଼ ବିରୋଧୀ ଦଳର ନେତାଙ୍କୁ ରଖିବା ପାଇଁ ଲୋକପାଳ ନିୟମରେ ସଂଶୋଧନ କରାଯାଇନାହିଁ। ମଲ୍ଲିକାର୍ଜୁନ ଖର୍ଗେ ନ ଆସିବା ସତ୍ତ୍ୱେ ଆଜି ବୈଠକ ହେବ ବୋଲି ଜଣାପଡ଼ିଛି।

 

 

 

Other Stories